¹ Idini mu tanga yini, kaleni dikaka ku kanga mbunu ku tu moni vo, tu sala beete bu kaka ku atene. ² Gaha tutumi Timothé kibuti ki beete ye musari Nzaami mu diama di sanga mbote ye Nzaami yi itari Klisto, diama kalu gaha ngolo ka lu siumusa, mu diama di lukuikilu lu beene. ³ Mu diama ka mutu mosiki ba mu nikisi mu mapasi diama tu sorimi mu diama di lukumu ki. ⁴ Mu ma kieriki, mutanga tu kari yi beene kari tu lusamini vo sa tutomo niokomo mu ma pasi, ye masari, bonso beene lukizayri. ⁵ Idini mu tanga yini, ikangi dikaka mbunuku, idini itumi mutu izaya mana matari kimutu kibeene, mu tanga kaka mumeki wuisi lumeki beene, ye tanga yikaka kisala kieme kingolo kini mu pama. ⁶ Kaansi Timothe bukayisi ku kue beene, utunatini nsanga mbote mu diana di lukuikilu lu beene ye nzolo ene, katisamini vo beene luzayi kibeni maama ma mboti ma tusari ye, luzoriwu luisi tu mono, beete si tuzori tuisi lutala. ⁷ Idini bibuti gaha kati ma pasi mete yi ku niokomo, tu kari batu gaha ngolo ku beene mu diama di lukuikilu lu beene. ⁸ Bu tuebu beete tuzingi, goho tu terimi kibeni mukata mfumu. ⁹ Idini, kumu kua tu mutono Nzaami mu diama di kiese kikatu gehe ku ndumi nde? ¹⁰ Pipi yi muini tu mu samini ye kikese yi ngolo yi tu gaha pehefe yi lukuikilu, tu mono luse lu nge yi tu yiki maama koni mu lukuikili luaka. ¹¹ Tata Nzaami tata, nde kibeniki ku mosiyi nua n'ani Yesu Klisto ka tamuisi nzili beete yi kukuisi ku lue beene. ¹² Mfumu Nzaami kaluyirisi, ee! kalufulusu nzolo, yi beene yi beene, yi baata babaso, bonso bu tue beete ku beene. ¹³ Diama ka yerisi ma mbunu ma beene, ma kono diama di mbi mu kata bu santu ku ndumi Nzaami ene tata, mu tanga kukala yimfumu ete Yesu Klisto ku mosi yi ba santu bani babaso.