¹ Pɔlu, mɛ sɛntɔ Jezu Klisi tɔn ke Mawu ylɔ bɔ na nyi mɛ ɖoxlan, lɔ wɛ le ɖɔ wema kɔ ɖoxlan mi, bo le do gbe ɖo xlan mi; Mawu we ɖe un ɖo vo nɛ ma jla Wɛn Ɖagbe e tɔn. ² Wɛn Ɖagbe xɔn, Mawu ko do akpa etɔn gbɔn xɔyi xɔyiɖɔ e tɔ lɛɛ j'i din, e dɛn, bo ye wlan do mawuxo wema lɔ mɛ. Wɛn Ɖagbe xɔn ɖɔ xo do ovi ɛ Aklunɔ mitɔn Jezu Klisi lɔ wu. ³ Le gbɛtɔ nyiynyi etɔn mɛ, Davidi kunkan mɛ wɛ e jɔ sɔn; ⁴ amɔ , le Yɛ ɖeɖovo nyinyi etɔn mɛ, e ɖe xlɛ kpo hɔnhlɔn kpo ɖɔ Mawuvi wɛ nyi gbɔn oku ke e ku bo fɔn lɔ gblamɛ. ⁵ Mawu ku nu blawu na mi gbɔn Klisi ji, bɔ do un ɖo xlan nin ma ze Klisi we nyikɔ su, bo na do kpe wu bo na don gbɛtɔ lɛɛ kpokpo le oto lɛɛ kpokpo mɛ, na ye na ɖi nu n'i. ⁶ Mye lɔsu le omɛ xɔn lɛ mɛ, mi mɛ ke Mawu ylɔ bɔ mi nyi Jezu Klisi tɔn lɛɛ. ⁷ Un le wlan wema kɔ ɖo xlan mɛ ke le hlɔma lɛe; mi mɛ ke Mawu nyi wan na, bo ylɔ mi, bo ɖe mi ɖovo, bɔ mi na nyi togun etɔn lɛ kpokpo. MAwu ke nyi otɔ na li bo lɛ nyi Aklunɔ mitɔn Jezu Klisi, kpo ni na fɛnu kpo fifa kpo mi. ⁸ Hwɛkpo un na ɖɔ oxo ke un jlo na ɖɔ na mi, un na do kpɛ na Mawu ce hwɛ kpo gbɔn Jezu Klisi ji, ɖo mimɛ kpokpo we tamɛ hwɛkpo, ⁹ Mawu ke un le sɛn kpo ayi ce kpok sese kpo, gbɔn Wɛn Ɖagbe ke ɖɔ xo do ovi etɔn jijla lɔ gblamɛ, nywɛ ɖɔ xo jɔxo wɛ un le ɖɔ; e lɛ nywɛ ɖɔ un le xo ɖɛ hweɖe kpekpe nu, onun mitɔn nɔ le ayi ce mɛ. ¹⁰ Un nɔ le byɛ ɖɔ, le ojlo etɔn mɛ ni blo nɛ ma sixu mɔ mɔ, bo na wa mide lo. ¹¹ Do ejlo un tawun ɖɔ ma mɔ mi, bo na hɛn nunina gbigbɔmɛ tɔn ɖe wa na mi, nɛ mi na do lido le nu ke miɖi le Klisi mɛ lɔ wutu. ¹² Onu ke un le ɖɔ wɛ nyi ɖɔ e jlo un dɔ nyɛ kpo mye kpo na nɔ kpɔ, bo na do na akɔn kpikpan miɖee. Nyɛ na na akɔnkpikpan mi gbɔn nuɖiɖi ce gblamɛ. ¹³ Anɛvi lɛ, n'jlo ɖɔ mi ni nywɛ ɖɔ n'ko lin azɔn susu na wa mide, amɔ kaka jɛ din, onu le jɛ e mɛ nan wun. Un ka ko le ba ɖɔ azɔn ke n'le wa ni ɖo ale le cɛncɛn mitɔn ɖi le ke e ɖo le togun dyɛ le mɛ ha. ¹⁴ E le dandan mɛ nan wun ɖɔ ma yi mɛlɛ kpo de, me ke hun nukun kpo mɛ ke mɛ ke ma hun nukun gɛ kpo, mɛ ke se wema kpo mɛ ke ma se wema gɛ kpo. ¹⁵ E xɔn wutu wɛ e jlo ta un ɖɔ ma wa jla Wɛn Ɖagbe lɔ na mi mɛ ke le hlɔma lɛ gba. ¹⁶ Nɛ un le jla Wɛn Ɖagbe, wunuya mɔ nu un gɛ, ɖo hlɔnhlɔn ke Mawu nɔ zan do hwlɛn mɛ ɖe kpekpe ke ɖinu wɛ; Juwifu lɛɛ, bɔ mɛ ke ma nyi Juwifu gɛ lɛɛ bɔ d'ewu. ¹⁷ Ɖo gbɔn Wɛn Ɖagbe lɔmɛ wɛ Mawu we hwɛ jijɔ sɔ eɖe xlɛ gbɔn nu ɖiɖɩ mɛ ɖi le ke e wlan ɖɔ: "hwɛjijɔ nɔ na nɔ gbɛ gbɔn nuɖiɖi mɛ". ¹⁸ Le nugbo mɛ, Mawu nɔ ɖe xomɛsin etɔn xlɛ mɛ ke nyɔ nugbo lɔ wi gɛ. Mawu nɔ dɔn to na ye, ɖo onu ke yena sixu nywɛ ɖo Mawu wule agba wun gba na ya. ¹⁹ Mawu lɔsu ɖe onu ɖe onu exɔn lɛ jɛ nuvo na yaceɖeceɖe. ²⁰ Le xjɔxo mɛ, sɔn hwe ke un ma ɖo o gbɛlɔ, onu ke enyi bɔ emɔ nɔ mɔ lɛ gɛ e wɛ nyi; hɔnhlɔn mavɔ mavɔ etɔn kpo onu ke enyi na gbo nagbo kpo, e nɔ nywɛ gbɔn onu ke blo lɛ gblamɛ, exɔn wɛ zɔn bɔ kɛnklɛn masɔ lɛ mɛ na ye ba gɛ. ²¹ Ye nyɔ Mawu wi, ye ba mɔ nɛ susu ke jɛ xa ɛ. ²² Ye nɔ ɖɔ onu nyɛ tɔ bɛ mye lɛ bo nyi, vɔ oklenɔ wɛ ka nyi. Ye nɔ gbɛ susu kpa na Mawu ke mɔ nɔ ku gɛ bo ka nɔ kpa susu na ɖiɖe gbɛtɔ ke nɔ ku tɔn. ²³ Ye nɔ kpa susu na ɖiɖe oxɛ lɛɛ tɔn, kpo kanlin afɔ ɛnɛnɔ lɛɛ tɔn kpo ke nɔ sa gbɔn kɔmɛ lɛɛ tɔn kpo. ²⁴ Exɔn wɛ zɔn bɔ Mawu jo ye do bɔ ye nɔ blo nu kuɖikuɖi lɛɛ le ke e jlo ye ɖo, bo nɔ ze agbaza yetɔn do blo onu kuɖi ke wa wun nya nu lɛ yeɖe cɛncɛn. ²⁵ Ye gbɛ nugbo ke ɖɔ xodo Mawu wu lɔ yi, bo ka yigbe. ²⁶ Exɔn wɛzɔn bɔ Mawu jo ye do bɔ ye nɔ blo, agbaza me ojlo ke nyi wunnya nu lɛɛ. Nyɔnnu yetɔn lɛɛ nɔ ɖɔxo xa nyɔnnu gbɛ yetɔn lɛɛ, e ka nyɔ ɖo lexa lexa din? ²⁷ Lexa ke sunnu lɛ nɔ jo nyɔnnu lɛɛ do, bɔ jlo ɖaxo ɖe nɔ dɔn ye mɛ sunnu xɔn lɛɛ, bɔ ye nɔ le wa waunnyanu kpo sunnu gbɛ yetɔn lɛɛ kpo. Exɔn wutu wɛ Mawu dɔn to na ye bɔ e nɔ sɔgbe xa wunnya nu ke ye le wa lɛɛ. ²⁸ ke ye ma jlo na nyɔ Mawu wi gɛ, Mawu jo ye do bɔ ye xo do nu nyinywɛ klenɔtɔn yetɔn, bɔ ye nɔ le wa nuke ye ma ɖo na blo gɛ. ²⁹ Onu masɔgbe tɛnmɛ tɛnmɛ wiwa lɛ kpo, onu ke nyla tɛnmɛ tɛnmɛ wiwa lɛ kpo wɛ gɔ ayi me na ye, mɛnu jijlo tɛnmɛ tɛnmɛ lɛɛ kpo adanu tɛnmɛ tɛnmɛ lɛɛ kpo wɛ gɔ ayi mɛ na ye. Awuhwan kpo mɛ huhu kpo, jlɛ ɖiɖɔ kpo wɛ gɔ ayixa mɛ na ye, sisɛ kpo bibi kpo wɛ gɔ ayi mɛ na ye; ye nɔ le ɖɔ xo gbɔn filɛ kpo. ³⁰ Bo nɔ lɛ ɖɔ xo nyinyla ɖo yeɖe lɛɛ wu; Mawu we kɛntɔ wɛ ye nyi. Ye mɔ si mɛ gɛ; ye nɔ le yi go, bo nɔ le jla ajɔ na yeɖe. Ye nɔ le ɖe onu nyinyla we wlɛnwin yɔyɔ lɛ tɔn; ye nɔ vɛtoli na mɛjitɔ yetɔn lɛɛ. ³¹ Ye nɔ nhywɛ ganji ɖɔ osɛn Mawu tɔn bo ɖɔ mɛke nɔ zan gbɛ ɖo le lɛɛ, oku wɛ jɛ xa ye , cobo ka nɔ kpo lɛ blo onu lɛ xa lɛɛ, bo ka nɔ ohwɛ jijlɔ na mɛ ke nɔ wa nu lexa tɔn lɛɛ. ³² E le co ye nyɔ hwɛdida Mawu tɔn wi. Mɛ ke le wa nu ɖo le lɛ oku wɛ jɛ xa ye. Co bɔ ye nɔ le blo onu exɔn lɛ, bo nɔ le sɔ kɛn na mɛ ke nɔ le blo lɛ.