¹ Exɔn godo, un mɔ wɛnsagun Mawutɔn hlɔnhlɔn nɔ ɖevo, bɔ e le jɛte sɔn oji; akpɔkpɔ bu i; bɔ anyiɖohwɛɖo lɛɛ le ota n'i; bɔ nukunmɛ etɔn nɔ ɖazo ɖi ohwe ha; zakɛtɛ etɔn ci ozo we dotin ha. ² E hɛn wema ovu ɖokpo ɖo alɔ mɛ, bɔ e nɔ hunhun. E ze afɔ etɔn aɖusi lɔ ɖo oxu ji, bo ze afɔ etɔn amyɔ lɔ ɖo anyizanji, . ³ E do axwa trilin kinikini do gbe ha. Ke e do axwa fo, so ɖe gbe canwe lɛɛ yi gbe n'i. ⁴ Ke oso canwe lɛɛ do gbe fo, un jlo na jɛ onu ke ye ɖɔ lɛɛ wlan ji, amɔ un se ogbe ɖe sɔn jixwe, bɔ ogbe lɔ ɖɔ na un ɖɔ: "Hɛn onu ke soɖegbe canwe ɖɔ do ayimɛ: nɔ kpɔn wlan gɛɛ." ⁵ Wɛnsagun ke un mɔ le te le oxu kpo anyizan kpo ji lɔ dlɛn alɔ etɔn aɖisi lɔ do oji, ⁶ bo xwle nu do Mawu nyikɔ mɛ. Mawu ke le gbɛ kaka do yi, bo blo jinukun sin kpo onu ke le emɛ lɛɛ kpo we nyikɔ mɛ; Mawu ke blo anyizan kpo onu ke mɛ lɛɛ kpokpoo sese kpo we nyikɔ mɛ; e xwle nu do Mawu nyikɔ mɛ ɖɔ: "Hwenu ɖe ma lɛɛ kpo bɔ e na ɖo gɛɛ. ⁷ Amɔ hwe ke nu wɛnsagun canwegɔ lɔ na jɛ kpɛn kun ji, onubudo Mawutɔn ke na jɔ lɛɛ bɔ e ko ɖɔ gbɔn onu mɛsɛntɔ xoyiɖɔ lɛɛ lɔ" ⁸ Exɔn godo, ogbe ke un se sɔn oji ɖ'ayi lɔ lɛɛ ɖɔxo ekɔ lɛɛ na un; e ɖɔ: "wa yi yi wema ovu ke le hunhun le wɛnzagun ke le te le oxu kpo anyizan kpo ji lɔ we alɔ mɛ lɔ." ⁹ Nugbo, un yi wenzagun lɔ de bo ɖɔ n'i ɖɔ ni ze wema ovu ke le alɔ me ni lɔ na un: Bɔ wɛnsagun lɔ ɖɔ na un ɖɔ: "Yi bo ɖu: e na vɛ le adɔgo to we mɛ bo ka na vivi ɖi owiin ha le numɛ na we." ¹⁰ Un yi wema ovu lɔ le alɔ etɔn mɛ bo ɖu. E vivi le onumɛ ɖi owiin ha; ke un ka mi, e huzu onu vivɛ le adɔgo ce mɛ. ¹¹ Exɔn godo, e ɖɔ na un ɖɔ: "Aɖo na lɛɛ do wɛn Mawutɔn ke ɖɔ xo do togun susu wu, oto susu, ogbe susu, kpo awɔlu susu wu lɔ."