¹ Nɛn Pɔlu ke le ganmɛ̀ dó klísu wútu lɔ́, kpó myé nɔ́vǐ Timɔtée kpówɛ le wěma ékɔ́ wlan ɖó xlán we Filemɔ́ɔ, yɔ ke nyí hwannyǐ mǐtɔn, bo lɛ nyí azɔ̌ngbɛ́ mǐtɔn. ² Yɔ kpó agun ke nɔ kplé le xwétowe gbé kpó, kpó myé nɔ́vǐ nyɔ̌nu Afya kpó, kpó ahwanfungbɛ̌ mǐtɔn Aacipu kpo, wɛ mǐ sɛ́ wěma ékɔ dó. ³ Mǎwǔ myé Tɔ́ kpó Akúnɔ mǐtɔn Jezǔ klísi kpó ni na mi fɛ́nú kpó fifá kpó. ⁴ Nɛ́ un le xo ɖɛ hwe lɛ̌kpónu, un nɔ flín we, bo nɔ dókpɛ na Mǎwǔ. ⁵ Ɖó un se wǎn ke a nyi ná mɛsɔ ɖóvo Mǎwǔ tɔn lɛ́ɛ kpó nǔdídí ke a ɖó na Aklúnɔ Jezǔ kpó. ⁶ Un nɔ byɔ́ Mǎwǔ ɖɔ okpɔ́ ke a le xá mǐ le nuɖiɖi mɛ ní bló bɔ e na nyɔ ɖagbe ka mǐnɔ mɔ le klisu mɛ lɛ́ɛ kpó céɖécéɖé. ⁷ A nɔévǐ, wǎn nyinyi ke a ɖó ɔ e hun xómɛ na un tawun, bo dó gbɔ na un kàká, ɖó a bló bɔ ayixa mɛ sɔɖóvo Mǎwǔ tɔn lɛ́ɛ tɔn jɛ ayǐ. ⁸ Wǎn nyínyí ke a do ɔ wɛ zɔn bɔ un le byɔ nǔ ékɔ we. Un hɛn ɔ́, nǎ ɖɔ nu ke a na bló lɔ́ na we, ɖó klísu ná acɛ étɔn un; ⁹ Un ma ka jló na bló dolě gɛ́. Nye Pɔ́lu ɔ, un ko kpo nyɔxo, bo ka lɛ le gankpáme din ɖó klísu Jezǔ wutu. ¹⁰ Un le dó kenklɛn ná we ɖo Onɛzimu wutu. Un ɖɔ klísu Jezǔ xó n'ǐ, bɔ é ɖinǔ, bo trɔ zɔn vǐ ce le klísu mɛ le gankpámɛ fi. ¹¹ D'ayǐ xóxó ɔ, e ma nyi a le ɖe ná we gɛ; amɔ̌ din, e nyi a le ná we, bo nyi a la na nyɛ lɔ su. ¹² Odin, un le kɔ n'ǐ sé do we; éyɔn ké nyi xomɛ vi ce. ¹³ E jló un ɖɔ e ni nɔ di e gankpá mɛ fi ke un le ɖó wen ɖagbwɛ wutu, bɔ é ná gɔ a lɔ na un ɖó ten towe mɛ. ¹⁴ Amɔ̌, un jlo na bló nǔɖé yɔ mɛvo ge; un ma jlo na fan asú we bɔ a na do wa ɖagbwɛ na un gɛ; amɔ a ni bló kpo ojlǒ towe kpó. ¹⁵ É ná ko nyi ɖɔ Onɛzimu lɔɔ, ɖiwewɛ élɛ́le na hwenu vuɖe, bo na lɛ kɔ wa diwɛ káká sɔ yi. ¹⁶ O din, é ma sɔ nyi kannumɔ kpowun na we gɛ; e hú gǎn kannumɔ. Nɔvi vivɛna mǐtɔn wɛ é trɔ́ zɔn.Nye ɔ, mɛvǐvɛ ɖé wɛ é nyi na un. É ka ɖo na lɛ́ nyi mɛ vivɛ na tɔ hú lee; kannumɔ towe wɛ é nyi, bo ka lɛ́ nyi anɔwevi le Aklúnɔ mɛ. ¹⁷ É nyi azɔ̌gbɛ́ towe jɛ́ un nyi xonugbóo, bo yi i ɖi leke a nǎ yi nyɛ́ lɔsu dó ha. ¹⁸ Enyi é wa nu gbɔ na we ɔ, aloo é axɔ́ ɖé ɖo we ɔ, lɛ̌n kpókpó dó kɔ ná un. ¹⁹ Nyɛ lɔsú Pɔ́lu we wlǎn axó ekɔ ɖó alɔ ce wǔ: nyɛ pɔ́lu un na su axɔ́ etɔ́n we ; un jló ná fín we ɖɔ a ma ɖu axɔ́ gbɛ yɔlɔsu tɔ́n tɔn do un gɛ́. ²⁰ Anɔéví kenklɛn bo kpɔ́n dó Aklúnɔ, bo wa ɖagbwɛ éxɔn na un; blǒ ayi ce ni j'ayǐ, nɔvi le klísu mɛ ɖɔ hun. ²¹ Hwenu ke un le wěma ékɔ wlán dó xlán we ɔ, un déji ɖɔ a ná bló nǔ ke byɔ́ wé wɛ un le bo na lɛ́ bló hugan lě. ²² Un ka le byɔ we hwɔn ɖokpó ɖɔ a na bló xɔ ɖokpó mɛ ɖó ɖ'ayǐ ná un; ɖó un le ɖó nukun ɖɔ Mawu na yi ɖegbe mitɔn bo na bló bɔ un ná wá mɔ mi. ²³ Epaflasi ke kpó nyɛ kpó le gan sen ɖó klisu Jezǔ wútu le ogbe do na we de do. ²⁴ Lé xa ke azɔ̌ngbɛ ce Maki kpo Alisitaki kpó, kpó Ɖemási kpó lwiki kpó do gbe ɖo xlan we. ²⁵ Fénú Aklúnɔ mǐtɔn Jezǔ klísu tɔn na nɔ kpɔ́ xa mi.