¹ Faliziɛn lɛɛ kpo osɛnwlantɔ ɖe lɛɛ kpo ke sɔn Jeluzalɛmu, wa kple ɖo Jezu de. ² Ye mɔ ahwanvi Jezu tɔn aweɖe lɛɛ ɖunu ma klɔ alɔ. ³ Le osɛn lɔ mɛ, Falizyɛn lɛe kpo Jwifu lɛɛ kpokpo sese mɔ nɔ ɖunu ma klɔ alɔ yetɔn lɛe ganji, ɖi le ke osɛn lɔ ɖɔ ɖo gɛɛ, ⁴ bɔ ye lɛɛ sɔn toxome bo wa xwegbe, ye ɖo na lɛ yeɖe we hwɛkpo bo na ɖunu. ⁵ Bɔ Falizeyi lɛe kpo osɛnwlantɔ lɛɛ kpo wa le kɛn se ɖɔ: «Etɛ wutu wɛ ahwanvi towe lɛɛ mɔ nɔ nyi mɛxo lɛɛ we osɛn gɛ, lo bo nɔ ze alɔ yetɔn mawe do ɖunu?» ⁶ Jezu yi gbe na ye ɖɔ: «Gbeyiɖɔtɔ Ezayi ɖɔ xo do mi wu, bɔ e wlan ɖɔ: "togun kɔ nɔ sɔ un su le onu wu, amɔ ayi yetɔn ka dɛn do un. ⁷ Ye le sɛn un bo ɖɔ; amɔ, onu vɔvɔ wɛ ye le blo, ye le kplɔn Mawuxo mɛ bo ɖɔ; amɔ, gbɛtɔ lɛɛ we sɛn wɛ ye le kplɔn mɛ."» ⁸ Mi nɔ xo Mawu sɛn lɛɛ nyi akpa ɖokpo, bo ka nɔ jɛ hun do gbɛtɔ lɛɛ tɔn ke nyi hwɛndo ji." ⁹ Jezu ka ɖɔ na ye ɖɔ: "Mi nɔ jo Mawu sɛn lɛɛ do, bo nɔ xodo hwɛndo mitɔn lɛɛ, bɔ nujɔnu wɛ mi le blo xɛn?" ¹⁰ Ɖo Moyizi ɖɔ: "Si ta towe kpo nɛn towe kpo; me ke ka na do nu otɔɔ abi onɔɔ e n'i hu i, ¹¹ mye ka nɔ kplɔn mɛ lɛɛ ɖɔ: "Nɛn mɛɖe ɖɔ na otɔɔ alo onɔɔ ɖɔ onu ke na do d'alɔ wu we e wɛ nyi nu ke un jo do savɔ na Mawu, mi nɔ ɖɔ omɛ xɔn bo ma wa onu nyinyla gɛɛ. ¹² Mi nɔ lɔn bɔ omɛ xɔn na wa nuɖe na otɔɔ abi onɔɔ gɛɛ. ¹³ Exɔn, mi ze hwɛndo ke mɛxo mitɔn lɛɛ ze ɖa nyi na mi bo nɔ do gba oxo ke Mawu ɖɔ lɔ; nu lexa susu ɖevo ɖevo lɛɛ le kpɔ bɔ mi nɔ le ɖɔ" ¹⁴ Jezu lɛɛ ylɔ mɛ lɛɛ wa, bo ɖɔ na ye ɖɔ:"Mi mɛ kpo mi ɖo to tlilin tlilin, bo na mɔ nukunnu jɛ oxo ke un jlo na ɖɔ lɔ mɛ. ¹⁵ Onu ke e nɔ ɖu ɖo aɖɔgomɛ mɛ nɔ hɛn gbɛtɔ kuɖi gɛɛ. ¹⁶ Mɛ ke ɖo oto bo na do se xo ni bo ɖoto bo se." ¹⁷ Hwe ke nu Jezu wa jo mɛ lɛɛ do, bo wa xwegbe, ahwanvi etɔn lɛɛ kanxo se wui do olo ke e do lɔ wu. ¹⁸ Jesu yi gbe na ye bo ɖɔ: "Mye lɔsu nunyɛn hwedo mi sɔ le wɛ? Hun mi na nywɛ ɖɔ onu ke byɔ gbɛtɔxomɛ, ma sixu hɛn ɛ kuɖi gɛɛ? ¹⁹ Ɖo onu xɔn, ayimɛ mɛ enɔ byɔ gɛɛ, adɔgo mɛ wɛ e nɔ byɔ, bo nɔ watɔn hwe ke nu e yi onu godo." Gbɔn oxo xɔn lɛɛ gblamɛ, Jezu le tin e mɛ na ye ɖɔ, nuɖuɖu kpo sese wɛ nyɔ bɔ e na ɖu. ²⁰ Jezu ɖɔ na ye ɖɔ: "Onu ke tɔn sɔn gbɛtɔ we ayimɛ wɛ nɔ hɛn mɛ kuɖi; ²¹ ɖo gbɛtɔ we ayimɛ wɛ linlin nyinyla lɛɛ nɔ tɔn sɔn; onu kuɖi kuɖi bi blo lɛɛ, ajojijɛ lɛɛ, omɛhuhu lɛɛ, ²² agalilɛ lɛɛ, onujlomɛzɛjlɛ wu, adanu wiwa, ayiɖo nukɔn namɛ, onu majɛgan wiwa, omɛnujijlo, mɛnuɖiɖɔ, goyiyi, yɛyinɔ. ²³ Onu nyinyla xɔn lɛɛ kpo, ayimɛ wɛ ye nɔ sɔn, bo nɔ hɛn mɛ kuɖi. ²⁴ Jezu wa lɛɛ sɔn flɛn, bo yi Ti i gbeji. E byɔ oxwe ɖe gbe, e ka ma jlo ɖɔ mɛɖe ni nywɛ ɖɔ mye bo le flɛn gɛɛ, co mɛ lɛɛ ka mɔ ɛ. ²⁵ Ɖo dahwe ɖe ɖo vi nyɔnu vi ɖokpo, bɔ oyɛ nyinyla le eji; ke nahwe lɔ se Jezu we xo, sɔnu tololo bo wa jɛklo le akɔn etɔn mɛ, ²⁶ bo do kɛnklɛn n'i ɖɔ ni nya oyɛ nyinyla lɔ sɛ sɔn ovi myetɔn ji. Nyɔnu lɔ ma nyi Jwifu gɛɛ; Silii-Fenisii wɛ e sɔn, bo nɔ do glɛsigbe. ²⁷ Jezu ka yi gbe n'i ɖɔ: "gbɔ na ovivu lɛɛ ni ɖunu gɔxo hwɛ kpo; ɖo e ma jɛ xa ɖɔ e ni ze ovivu lɛɛ we nuɖuɖu nyi do duvivu lɛ gɛɛ." ²⁸ Nyɔnu lɔ ka yi gbe na Jezu ɖɔ: "xojɔxo wɛ Aklunɔ, e le lexa co, duvivu lɛɛ nɔ cyan ovivu lɛ we nuɖuɖu ke hlɛn kɔn nyi anyi lɛɛ ɖu vɔvɔ." ²⁹ Jezu ka nyi gbe n'i ɖɔ: "Ɖo oxo exɔn ke aɖɔ din wutu, lɛ kɔ yi hwe, oyɛ nyinyla ko lɛ sɔn ovi towe ji." ³⁰ Hwenu ke e ka lɛ kɔ yi xwegbe, bo mɔ ovi lɔ le anyi mimlɔ le ozan ji, bɔ oyɛ nyinyla lɔ ko lɛ sɔn eji nugbo. ³¹ Jezu lɛ sɔn Tii gbeji; e gbɔn Sidɔɔn, bo xo to ta wo lɛɛ zlɛ, bo wa Galile we otɔ lɔ to. ³² Ye kplan dahwe ɖe wa n'i, bɔ e ku to, bo mɔ trɛ kpe go bo nɔ ɖɔ oxo ganji gɛɛ. Ye do kɛnklɛn n'i ɖɔ ni bo ɖo alɔ eji, bo gbɔ azɔn n'i. ³³ Jezu ka kplan omɛ lɔ jɛ alagbe, bo ze alɔ do oto etɔn lɛɛ mɛ, bo ɖo otan ɖo oɖɛ ta n'i. ³⁴ Exɔn godo, e kpɔn ji, bo yi agbɔji, bo ɖɔ "hun". ³⁵ Tlolo, oto etɔn lɛe hun, bɔ oɖɛ etɔn trun kan, bɔ e jɛ oxo ɖɔ ji ceɖeceɖe. ³⁶ Jezu ka do osɛn na ye ɖɔ ye ni nɔ kpɔn bo ɖɔ na mɛɖe gɛɛ; Jesu le gbɛ na ye co, jla jɛn ye jlɛ ɛ. ³⁷ E kpaca mɛ lɛɛ ta un, bɔ ye nɔ ɖɔ: "E nɔ blo onu lɛ kpo sese ɖo."