1 É wa jɔ lé hweɖé nu bɔ Jesu léyi tome bo le gbɔn oto hunnukun lɛ́kpo glé toxo le kpo mɛ, bó le ɖɔ Mawuxó, bo lɛ le do wendagbe axolu ɖuto Mawutɔn. Ahwanvu eton wyawélɛ le okpa ni. 2 Kpo nyɔnnu ke egbɔ azɔn na bo nyá oyɛnyinylá le yejilɛ: Mali nyɔnnukeji yiylan cánwe tɔn é. 3 Jani, ke nyi asi cuza tɔn bolɛ nyi nujikpɔnto Elodutɔn, Suzana kpo nyɔnnu devo ke nɔ kpédo yewu le nuke we hudoyedolɛmɛ. 4 Hwenu ke ahwan lɛ kplé bo lilɛ doé, mɛɖevolɛ le lé sɔ́n toxo devo le mɛwa, bɔ e doló ɖokpo na yé: 5 « glétɔ ɖokpo tɔn boyi nudó gbébɔ hwenu ke ele donula, nukun lɛ ɖé jɛ ayizan xúxúji bo oxe lɛ wa só ye ɖu. 6 Dévo yije okpin kánmɛ bo wu trolo bo le ƒyɔ ɖó okɔ masule filɔ gɛ́. 7 Akpadevo yijɛ owún kánmɛ, owunlo lɛ́ wú bo vun blɛ́ kaka bo zin dódò. 8 Amɔ́ akpa ɖeva ji nukún lɔtɔn yi jɛ ayizan ɖagbɔɛ́ ji, bo na sinsen kán wekó.» ke Jesu ɖɔ onu exɔn lɛ vɔ, é d'axwá ɖo: « Mɛ kéɖo ótò bo ná do sunu, ni ɖ'oto bo sé.» 9 É xɔ́n gódó, Ahwanvu lɛ kan tin mɛ oló lɔ tɔn se Jezu. 10 Jezu dɔna yé ɖɔ: « Mye we ena gbé na do yɔ́n nubudo xɔluɖuta Mawu ton lɛ́ wi, amɔ ná me ɖyɛ́ lɛ, oló mɛ wɛ enɔ gbɔn bonɔ́ do ɖɔ xo na yé sɔle bɔ yé nalé kpɔnnu bo manamɔ gɛ, ye ná le sé bo ma na mɔ dona gɛ́. 11 Mi bo kpɔn nuke nyi tin mɛ oló lɔtɔn: jinukun lɔ oxo mawutɔn wɛ. 12 Ji nukún ke jɛ ayizan sisyɛ́n (xúxú) ji lɛ wɛ nyi mɛ ke nɔse oxó lɔ́bɔ́ awovi nɔ́ wa ɖée sɔ́nayixa yetɔn mɛ, na ye táa wa ɖi nú bo na mɔ wlɛngan. 13 Ɖevo ke jɛ okpin kanmɛ lɛ wɛ nyi mɛ kenɔ se oxó lɔ́ benɔ yi kpo awajijɛ kpo, amɔ oxo lɔ mɔ dó aɖɔ́ do lé ayixa yetɔmɛ gɛ́. Bo nɔ ɖinu na hwenu kpɛde, bɔ xwlekpɔ hwenu, yenɔ jo nuɖiɖi do. 14 Djinu kun ke jɛ owun kan mɛ lɛ wɛ nyi mɛ ke nɔse oxó lɔ lɛ́ bɔ nulinkpɔn, dɔkun jijɛ kpo vivi ɖó na onu gbɛmɛ ƒitɔn lɛ́ nɔ wa vún bla bɔ ye mɔ nɔ sɔ nɔ sɛn ba gɛ́. 15 Amɔ jinukún ke ayizan dagbɔ́é ji lɛ we nyi mɛke nɔ yi óxo lɔ do ayixadagbɔɛ mɛ́, bo nɔ hɛn é wú syénsyɛ́n kpo vivɛ donu yetɔn kpo nɔ zɔn bɔ ye nɔ ná sinsɛn. 16 Kpɔn mɛɖe mɔnɔta zogbin bonɔ zeṣo ozingɔ at aló batiin gɔ gɛ́ nu ji agá wɛ enɔ sɔ ɖó́ na mɛ lɛ nado mɔ nukúnnú. 17 Ɖó nuti ma kpego na nɔ nu go bo na gɔn wexo majɛ gɛ, lexa ké nuɖé ma kpego na nɔ hwi hwla bo na gɔ́n ogba wúngba ma jɛ gɛ. 18 Mi bo dotó dotó gánji, mɛke do nú, enalɛ nɛ́ɛ ɖeji, bɔ mɛ ké ma ka ɖó nuti gɛ́, é na lɛ yi kpɛɖekeéɖo lɔ sɔn ési.» 19 É xɔ́n gódo, Jezuwé onɔ́ kpo nɔnvyɛ lɛ́ kpo wa Jezu ɖe bɔ ye ma kpego na sɛkpɔ́ɛ gɛ ɖo ahwan ké doé lɛ́ wùtù. 20 É dɔ na Jesu ɖɔ: « Nɛ́ towe kpo anɔ́wevi lɛ́ kpo le agaji bo jló ná mɔ́ we.» 21 Jezu ka yi gba na yé dɔ: « Nɛ́ cé kpo anéevi lɛ́ kpo wɛ nyi mɛ ké nɔsé Mawu xó lɔ bo nɔ́ zé wá zinzánmɛlɛ.» 22 Kpòn, Jezu biɔ tɔ̀ji aklò mɛ gbe ɖokpo kpo ahwanvu etɔn lɛ kpo, bɔ é ɖɔ na yé ɖɔ:« Mi ni yi tɔ gódo dɔ́n.» Bɔ yéjɛ toji húnlɔ kún ji. 23 Hwenu ké ye le kun toji hún lɔ, Jezu dɔ amlɔ́n. Jɛhɔn sisyɛn ɖahó ɖé ka ƒɔ́n le tɔlɔji bɔ ohún yetɔn jɛ osin ba ji kaka bo jlo ná syɔ. 24 É xɔn, ahwanvu Jézutɔn lɛyi édé bo ƒɔ́nɛ boɖɔ ni ɖɔ: « Mési, Mési! mi jlo nakutɔ!» Éká ƒɔ́n, bó wá́adan do jɛhɔ̀n lɔ kpo wulu wulu osin lɔ tɔn kpoji, bɔ oɖá ɖo tototo na zingidi jɛhɔ́n kpóbɔ ƒilɛkpo yi too. 25 Bɔ e ɖɔ na ye ɖɔ: « Bɔ wɛ nuɖiɖimitɔn lé? » obú ɖi yé, élɛ kpacayé tawún, bɔ ye nɔ ɖɔ na ye ɖelɛ: « Gbɛ tɔ tɛwɛ nyi ékɔ, e nɔ ɖégbé dó jɛhɔ́n kpo otɔ kpo bɔ yé nɔ setenu nú?» 26 Ye wa jɛ Galazenien lɛ we to ke kpan nukɔn Galile. 27 Hwenuke jɛté sɔ́n akló mɛ. Vɛ mawenɔ ɖe tɔ́n sɔ́n toxolɔmɛ wa kpéé. Sɔ̀n hwedenudin, é mɔ́ nɔ sɔ nɔ do awu gɛ bo yi ci okuxwé. 28 Hwenu ké e mɔ Jezu, é do we zun bowa jɛ kla lée osa mɛni bo ɖɔ kpo gba lélé kpo dɔ:« Jezu, ovi Mawu kele ojinanúlɛ́kpotɔn, étɛ nyé kpoyɔkpo kpe do?» 29 Ɖo Jezu degbé dó yɛ máwe kélé dahwé lɔmɛɖɔ ni bo tɔn gbɛ sɔ dahwe lɔmɛ. Hwlasusu wɛ eko do cabáɛ́, bɔ enɔ gba cabalɔ hwedekpé kpé nuké yɛ mawelɔ waa je, bo nɔ dɔ́n ɛ́ dó byɔ gbé xolo lomɛ. 30 É xɔn gódo, Jezu keɛn sé ɖɔ: « Mimɛnɛmú we?» bɔ eyi gbe ɖɔ:« Ahwan ». Ɖo oyɛmawe susu wɛ byɔ ɛ mɛ. 31 Bɔ yé do kɛnklɛn na Jezu ni bo nɔ́ kpɔn yán Emye do zomɛ́gɛ́. 32 I ké, hanvi we okpo ɖélé ka le flin lé osolɔji bo le onuɖuɔ́n. Yɛ mawe lɛ ka do kɛ́n na Jezu ɖɔ eni bó yan emye lɛ do hanvi lɛ́ mɛ. E kanagbeyé. 33 É xɔ́n, yɛ mawe lɛ tɔ́n sɔ́n dahwe lɔ mɛ bobyɔ́ hanvi lɛ mɛ bɔ ye dowezún sɔ́n osó lɔji aga kak bo byɔ otɔlɔ lɔ mɛ, bɔ ye mɛ kpokpo kú. 34 Ké kanlin cɔtɔ lɛ dolée, ye dowezuyi toxó hunnukún le kpo glè toxo lɛ kpomɛ, boyi ɖɔ nuké jɔ lɛ́. 35 Bɔ mɛ lɛ tɔ́n bowa kpɔn nuke jɔ, hwenukeyewa Jezu dè, ye mɔ dahwé kamɛ oyɛ mawe lɛ tɔn sɔn lɔ le Jezu kpabɔ elé ganji bo do awu, bɔ e kpacayé . 36 Kunnuɖetɔ ké mɔ léké nulɛjɔ dolɛ yi boyi dɔ ná mɛ devo lɛ, léké dahwe yɛmawenɔ lɔ mɔ mɔ kantúntún sɔ́ yɛ mawelɛ siɖó. 37 Me kéle Gelazenyɛnnu lɛ gbe ji lɛ kpo tɔn bowa savo na Jezu ɖɔ ni bo tɔn sɔn otó emye tɔn mɛ, ɖo obú ɖahó ɖe jɛ yeji. Jezu kabyo tɔjhunmɛ, bolɛkɔ. 38 Mɛkemɛ yemawe lɛ tɔ́n le lɔ dokɛnklɛn na Jezu clɔ, ni gbɔ na emye bo na xodée. Amɔ́, Jezu ka lɛkɔni bodɔ: 39 « Lɛkɔ yi xwe towe egbe, boyi ɖɔ nuɖaho ɖaho ke Mawu wá náwélé.» Dahwe lɔ lɛ kɔ, boyi gbɔn tota awó lɛ mɛ bodɔ nuké Jezu wanilɛ́. 40 E xɔn godo, ke Jezu lɔkɔ, ahwan lɔ wa kpée ɖo yé ko lété kpɔ́ɛn. 41 I ké, mɛɖeza, bɔ nyikɔ etɔ́n nɔ́ nyi Jayilusi; Enyi dokpo lé kplɔn gbasa gán lɛ mɛ. Ewajɛ kló le Jezu samɛ, bo savo ni ɖɔ ni wa bowa gbɔ azɔn na . 42 Ovi dokponɔ etɔn nyɔnnu ké ɖó oxwé wyawe bole oku donú. Ke Jezu léyi dɔn, ahwan lɔ lé ƒyɔ́ɛ̀.̀ 43 Nyɔnnu ɖeka lé ahwan lɔ me bo ko lé ɖi ohún sɔ́n oxwe wyawe gbóón, boko zan kɔbɔ étɔn lɛ le azɔngbɔ na mɛtɔ de kakabɔ eglo. 44 E gbɔn godo na Jezu boɖe alɔ́ awu etɔn wu troló le ot ɛn mɛ ohan ka ela ɖiblɔ noté. 45 Jezu ɖɔ: « Mɛ d'alɔ guyé?» Kemɛlɛkpo gbe mɔnnú, Pyɛ́ɛ ɖɔnni ɖɔ:« Mɛsi, ahwan lɔ le zin wegbɔn ƒilùekpo.». 46 Jezu kayi gbeni ɖɔ: « Mɛɖé d'alɔ guyé , ɖo un mɔ ɖɔ hɔnhlɔn ɖé tɔn sɔn yin mɛ.» 47 Ke nyɔnnu lɔ mɔɖɔ, emye boma kpego bo na le hwlá emye ɖé gɛ́, e gbɔ bo tɔn wa agba wungba le mɛ lɛ kpo we nukunmɛ kpo obu kpo bo ɖɔ nuké zɔn bɔ e ɖálɔ e wubɔ le ɖo leke émɔ azɔn hingbɔ ɖó. 48 Bɔ Jezu ɖɔ ni ɖɔ: « Vi nyɔnnu ce, nu ɖiɖi towe, hwlɛn wegan, yi ɖó ƒiƒamɛ.» 49 hwenuké Jezu lé dɔxo, mɛ ɖé sɔ́n kplɔn gbasa gan lɔ xwe boɖɔ: « Vinyɔnnu towe ko kú, nɔ kpɔn do togba na Mesi lɔ gɛ.» 50 Amɔ́ Jezu sé nuke mɛlɔ ṣɔ, boyi gbé ni ɖɔ: « Nɔn kpɔn ɖibau gɛ́, ɖinú kpowun , bo ovig nyɔnnu towe na ƒɔ́n». 51 Hwenuke Jezu wa wa xwegbéna Jayilusi, ema lɔ́n bɔ mɛɖe E xo ɖóé zɛ ná pyɛ kpo Jáan kpo gɛkpo Jaki kpo, kpó ovi lɔ tɔ́ kpo onɔnkpo. 52 I ké, mɛlɛ le avi vii bo le alé naɔn . Jezu kaɖɔ: « Minɔ kpɔ vyavi gɛ́, ɖo ovi lɔ makú gɛ, álnlɔn wɛ ele ɖɔ.» 53 Bɔ ye jɛ ci cyɛ ko ji ɖo ye nyɛɛn ɖo ovilɔ ku. 54 Amɔ, Jezu hɛn alɔ na ovi lɔ bo ylɔɛ́ kpo axwa kpo bo ɖɔ: « Ovice ƒɔ́n.» 55 Bɔ gbigbɔ etɔ́n wa, bɔ e cite le otɛn lɔ mɛ. Jezu dɔ na eni bo náɛ́ nuɖuɖu. 56 É kpa ca ovitɔ lɛ, amɔ Jezu ɖɔ na yá ɖɔ yeni bo nɔ kpɔn ɖɔ nu ke jɔlɔ ná mɛɖé ni bo sé gɛ.