¹ Le ogbe ɖokpo lɔmɛ, ye mɛ kposese cite bo kplan Jezu do yi Pilatu nukɔn. ² Bɔ le Pilatu nukɔn, ye jɛ ohwɛ da n'i ji do le ɖɔ: «Dahwe ekɔ le ɖɔ ɖɔ mye bɛ bo nyi Klisi axɔlu lɔ. Exɔn kɛɖɛ mɛ gɛ, e lɛ hwlu nu lɛ le oto mitɔn mɛ, bo lɛ gbɛ ɖɔ mɛti ni nɔ kpɔn bo su takwa ke axɔlu Hlɔmanu tɔn bo ɖɔ ye ni bo su gɛ.» ³ Pilatu le kan oxo se Jezu bo le ɖɔ n'i ɖɔ: «Yɔ wɛ nyi axɔlu Jwifu lɛ tɔn lɔ?» Jezu yi ogbe n'i bo ɖɔ: «Yi jɛn hɛn a ko ɖɔ Pilatu.» ⁴ Pilatu le ɖɔ na avɔsanuxlemawutɔ kpo togun lɔ kpo ɖɔ: «Un ma mɔ nu ke wutu ye na dahwɛ na dahwe ekɔ gɛ.» ⁵ Togun lɔ lɛ le ɖɔ bo le tɛ oɖɛ eji ɖɔ: «E hwlu toxo mitɔn do gbɔn nukplɔnmɛ etɔn lɛ mɛ sɔn Judee, gbɔn Galile tomɛ kaka do wa fo ɖo fikɔ. ⁶ Gbɔn xogbe yetɔn xɔn mɛ, Pilatu wa le kanse ye ɖɔ Galilenu wɛ ka nyi Jezu lɔ? ⁷ Do le mɔ ɖɔ Elodu wɛ nyi axɔlu Galile tɔn le hwe exɔn nu, Pilatu le ɖɔ na ɖɔ Elodu bo na gbɛkpo le Jeluzalɛmu tomɛ, ɖe ye ni bo hɛn Jezu do yi ede. ⁸ Hwenu ke Elodu tɔ nukun Jesu, ayixa etɔn konu, evivi n'i bɔ awajijɛ ɖaxo ɖe byɔ gbɛzan etɔn mɛ, ɖo e nɔ se nu ke Jezu blo lɛ ganji bo le ba na mɔ ɛ ɖ'anyi. ⁹ Eloɖu kan oxo susu se wu Jezu, amɔ Jezu bɔ onu de mɛ n'i. ¹⁰ Avɔsanuxlemawutɔ kpodo osɛnkponmɛtɔ lɛ kpo le dahwɛ n'i kpodo hihlɔn ɖe kpo. ¹¹ Ahwanvi Elodu tɔn lɛ kpodo Elodu kpo le zun Jezu bo le ca ɛ ko. Exɔn godo, ye ze awu ke jɔhun ganji ɖokpo bo ze do n'i, bo nyɛ do xlan Pilatu de. ¹² Azan exɔn gbe Elodu kpo Pilatu kekpo ke nyi kɛntɔ ɖ'anyi lɛ zun hadowe. ¹³ Pilatu kple mekplantɔ lɛ kpodo avɔsanuxlemawutɔ lɛ kpodo hwɛɖɔtɔ lɛ kpodo toxo lɔ kpo. ¹⁴ Bo le ɖɔ na ye ɖɔ: «Mi hɛn Jezu wa na un ɖi mɛ ke le fɔn ogu do to mitɔn ji ha. Ke na un kan xo wi se le nukun mye lɔsu tɔmɛ, e le ɖexlɛ un ɖɔ Jezu ma blo onu nyinyla ɖe bɔ na do da ohwɛ ɖe n'i gɛ. ¹⁵ Elodu lɔsu ma mɔ onu nyinyla ɖe le mɛ bɔ ye na do da ohwɛ n'i gɛ. ¹⁶ Un na gbe mi ɖɔ mi ni xo e bo jo e do. ¹⁷ Pilatu ɖo na ɖe gantɔ ɖokpo tɔn le azan xɔn gbe, ke nyi oxwe zan Jwifu lɛ tɔn. ¹⁸ Le okpɔmɛ, ye do axwa bo le ɖɔ: «Ɖe Barabasi tɔn sɔn gankpamɛ na mi na mi ni hu Jezu.» ¹⁹ Barabasi do le gankpamɛ, omɛ wɛ e hu, bo nyi mɛ ke fɔn gu do oto lɔ ji kpɔn. ²⁰ Pilatu lɛ yi xo bo na do ɖɔ ye ni jo Jezu do, ²¹ okpɔmɛ ye d'axwa ɖaxo bo le ɖɔ: «Mi n'i kɛ do Akluzu ji, mi n'i kɛ do Akluzu ji. ²² Pilatu le ɖɔ na ye azɔn atɔn gɔ bo le ɖɔ: «Un ma mɔ nuti le Jezu mɛ bɔ mi na do hu i gɛ. Onu nyinyla ɖetɛ wɛ e wa bɔ mi na do hu i? Na na gbe bɔ ye na xwe bo na jo e do. ²³ Togun lɔ le ɖɔ kpo axwa kpo ɖɔ ye ni kɛ ɛ do akluzu ji. Ye tɛɖɛ ji taun kaka bɔ ogbe yetɔn hugan Pilatu tɔn. ²⁴ Pilatu gbɔ le ɖɔ na ye ɖɔ mi bo gbɔ hu i ɖi le ke mi ba ɖo. ²⁵ Pilatu gbɔ blo gbɔn le ke ye ba ɖo. E ɖe Barabasi tɔn sɔn gankpamɛ, bo ze Jezu jo na ye na ye n'i hu i. Barabasi eyɔ gbɔn ogu fifɔnmɛ omɛ wɛ e hu. ²⁶ Hwenu ke ye ze Jezu na do yi hu i, ye mɔ dahwe ɖokpo bɔ nyikɔ etɔn nɔ nyi Simɔɔ bo sɔn Sirɛnu tomɛ. Oglemɛ wɛ e lɛkɔ sɔn. Ke ye mɔ ɛ, ye ze akluzu ke ji ye na kɛ Jezu ɖo lɔ ze jo ni bo ɖɔ ni bo hɛn bo xodo Jezu do yi fike ye xwe. ²⁷ Gbɛtɔ susu xo do Jezu. Nyɔnu lɛ susu kpodo avi kpo aɖukunkun kpo xo do Jezu lɔsu gba. ²⁸ Jezu kpɔn godo bo mɔ nyɔnu xɔn lɛ bo le ɖɔ ne ye ɖɔ: «Ovi nyɔnu Jeluzalɛmu tɔn lɛɛ, mi nɔ kpɔn vi avi na nyɛ gɛ, mi vi avi na mye lɔsu lɛ kpodo ovi mitɔn lɛɛ kpo.» ²⁹ Ɖo azan ɖe lɛ na wa, bɔ ye na ɖɔ: "Nyɔnanɔ wɛ nyi ajikponɔ lɛ kpodo adɔgo ke ma mɔ oxo kpɔn gɛ lɛ, kpodo anɔ ke ovi ma nɔ kpɔn gɛ lɛ." ³⁰ Bɔ ye na jɛ ɖiɖɔ na oso lɛ ji ɖɔ: «Oso, mi hɔ jɛ mi ji, osovu mi hwla mi.» ³¹ Ɖo, na ye le blo ekɔ lɛ xa atin mumu, naɖe wɛ atin xuxu tɔn na wa nɔ? ³² Ye ze ajotɔ awe bo na hu ye hwenu ke ye na hu Jezu. ³³ Hwenu ke na ye wa jɛ nɔtɛn ke ye ylɔ ɖɔ "Takungo", ye kɛ Jezu kpodo ajotɔ awe lɛ kpo do flɛn. Mɛ ɖokpo do aɖisi mɛ, mɛ awegɔ do amyɔ mɛ. ³⁴ Jezu ɖɔ: « Tace ye ma nyɔ nu ke ye le blo gɛ, ze ohwɛ yetɔn lɛ ze kɛ ye. Bɔ ye da akplɛ na do nyɔ mɛ ke na yi nuzizan etɔn lɛ.» ³⁵ Togun lɔ le ote le flɛn do le kpɔn le ke ogan lɛ le ɖɔ oxo nyinyla do Jezu go ɖo. Bɔ ogan lɛ nɔ ɖɔ: «E hwlɛn mɛ dyɛ lɛ gan. Na e nyi mɛ ɖiɖemawutɔn xojɔxo, mɛ ke Mawu ze xojɔxo, ni hwlɛn eɖe gan bo jɛte.» ³⁶ Sɔja lɛ lɔsu le ɖɔ oxo de go. Bɔ hwenu ke ye sɛkpɔ ɛ, ye le na ɛ "vinɛgri". ³⁷ Ye nɔ ɖɔ: «Na enyi axɔlu Jwifu lɛ tɔn jɛn anyi le nugbo mɛ, hwlɛn ɖewe yɔ lɔsu.» ³⁸ Bɔ ye wlan do taligbe Jezu tɔn xogbe ekɔ: «Omɛ ekɔ wɛ nyi axɔlu Jwifu lɛ tɔn.» ³⁹ Le ajotɔ awa ke ye kɛ do akluzu ji lɛ mɛ, mɛ ɖokpo le kɛ nu bo le ɖɔ na Jezu ɖɔ: «E ma nyi yɔ wɛ nyi Klisi lɔ? Bo hwlɛn ɖewe bo hwlɛn mye lɔsu o.» ⁴⁰ Ajotɔ awegɔ lɔ le gbɛ oxo n'i bo le ɖɔ: «A ma ɖi bu si Mawu na ye do le dahwɛ ɖokpo lɔ pɛpɛ na Klisi kpo mye kpo? ⁴¹ Mye tɔn, nu ke mi wa we ale wɛ mi le ɖu, amɔ Jezu eyɔ e ma wa onu nyinyla ti ke jɛxa ohwɛ dida ekɔ gɛ.» ⁴² Bɔ ajotɔ awegɔ lɔ le ɖɔ na Jezu ɖɔ: «Flin un jɛnwɛ, hwenu ke a na wa ɖi axɔlu ha.» ⁴³ Jezu yi gbe n'i ɖɔ: «Le xojɔxo mɛ, un le ɖɔ na we ɖɔ egbedin, nyɛ kpo yɔ kpo wɛ na yi sɛxwe.» ⁴⁴ Hwe exɔn nu e ko le xo gan wyawe, zinvlun do le ayizan lɔ ji kaka do jɛ gan atɔn mɛ. ⁴⁵ Ozan ku le okle, bɔ avɔ ke ye do gbo amisaxɔ lɔ mɛ ma do awe. ⁴⁶ Jezu do axwa ɖaxo ɖokpo bo ɖɔ: «Tace, un ze gbigbɔ ce do alɔ towe mɛ.» Bɔ Jezu ku. ⁴⁷ Hwenu ke na gbɛta kanwe-ko we gan ɖokpo mɔ onu exɔn, e ja gigo ze na Mawu ji bo le ɖɔ: «Xojɔxo mɛ, dahwe kɔ Mawu we vi wɛ e nyi.» ⁴⁸ Me ke le flɛn lɛ lɔsu, ye nɔ xu alɔ hunkɛnnu le kɔlilɛ yetɔn mɛ ɖo nu ke ye mɔ wutu. ⁴⁹ Mɛ ke nyɔ Jezu wi lɛ, nyɔnu ke ko xode sɔn Galile le zɔ gaga bo le kpɔn onu exɔn lɛ kposese. ⁵⁰ Dahwe ɖokpo le bɔ e nɔ ylɔ ɛ ɖɔ Jozɛfu. Mɛ ɖagbe hwɛjijɔnɔ ɖokpo wɛ e nyi. ⁵¹ Jozɛfu Alimate tomɛ nu wɛ e nyi, bo nyi toxo Jwifu lɛ tɔn. Eyɔ lɔsu lete kpɔn axɔluɖuta Mawu tɔn. ⁵² Jozɛfu Alimate nu lɔ yi PIlatu de do yi byɔ agbaza Jezu tɔn. ⁵³ Jozɛfu ze agbaza Jezu tɔn bo do avɔ na bo ze i ɖi do yɔdo mɛ le sokanmɛ, fike ye ma ko ɖi ocyɔnti ɖo gɛ. ⁵⁴ Axɔluzangbe wɛ bɔ gbɔjɛzan lɔ na bɛ. ⁵⁵ Nyɔnu ke xo do Jezu sɔn Galile tomɛ lɛ ye kplan Jozɛfu do wa kpɔn cyɔ Jezu tɔn, le ke e le le yɔdo lɔ mɛ. ⁵⁶ Kɔlilɛ nyɔnu lɛ tɔn do yi oxwe yetɔn lɛ gbe, ye yi ami kpodoo celu lɛ kpo. Bɔ ye yi gbɔ jɛ, ɖo gbɔjɛzan Jwifu lɛ tɔn wɛ.