¹ Polu ze nukun do toxoɖɔto lɛɛwu bo ɖɔ : "Nɔvice lɛɛ , un nɔ ogbɛ ɖo mmawu nunkun kaka jɛ e gbe ." ² Vɔsatɔɖaxo ɖɔ na omɛ ke ɖo akpa etɔn ɖɔ ye ni xo onu ji n'i. ³ Polu ka wa ɖɔ : " Mawu na xo we yɔ ado wewe, a flan nyi ɖɔ myɛ bo na da ohwɛ na nye gbɔn osɛn lɔ ji ɖɔ ye ni xo nye wɛ aʔ " ⁴ Omɛ ke sɛkpɔ ɛ ɖɔ n'i ɖɔ : " Lexa wɛ a ɖo vɔsatɔɖaxo Mawutɔn zun wɛ a ʔ " Polu ɖɔ :" Nye ma nywɛ ɖɔ vɔsatɔɖaxo Mawutɔn wɛ gɛ , nɔvi . ⁵ Ɖo ye wlan ɖɔ: " A ma ɖo na ɖɔ oxo nyinylan ogan toguntɔ n wu gɛ ." ⁶ Ke Polu ka wa mɔ ɖɔ , toxogbɛ we omɛ lɛɛ , ɖe lɛɛ nyi sadusɛn lɛɛ , ɖevo lɛɛ nyi Falizyɛn lɛɛ ; e do oxwa do toxogbɛ lɔ cincɛn bo ɖɔ : " Nɔvi lɛɛ , nye lɔ falizyɛn wɛ nyi , bo lɛ nyi falizyɛn we ovi . Ɖo un ɖo te kpɔn omɛ kuku lɛɛ we fifɔn sɔn ku kpodo adɔgbigbo kpo wutu wɛ ye da hwɛ na un ɖo . ⁷ Ke e ɖɔ le xa adɔndindɔn byɔ falizyɛn kpo sadusɛɛn lɛɛ mɛ bɔ togun ma do awe . ⁸ Ɖo sadusɛn no ɖɔ fɔnsɔnku ma ɖe gɛ, wɛnsagun ma ɖe gɛ , Oyɛ ma ɖe gɛ , amɔ falizyɛn lɛɛ ɖi nu na nu xɔn kpo ɖɔ ye ɖe . ⁹ Exɔn , axwa dido lɔ lɛvɔ syɛn d'eji ; falizyɛn osɛnkplɔnmetɔ ɖe lɛɛ wa cite , bo gbɛ na tan hun bo ɖɔ : "Myɛ mi ma nu nyinylan ɖo sunnu kɔ wu gɛ . Mi nywɛ ɖɔ Oyɛ ɖe na si ɖɔ oxo n'i alo wɛnsagun ɖeʔ " ¹⁰ Tagba lɔ ka wa syɛn d'eji , bɔ ahwangan ɖaxo jɛ obu ɖi ji ɖɔ ye ni kpɔn wa vunvun Polu gɛ, exɔn wutu e ylɔ kponɔn lɛɛ , ye ni wa ɖe Polu sɔn omɛ lɛɛ mɛ , bo ze yi ahwankpa lɔ mɛ . ¹¹ Azan awegɔ Aklunɔ wa sɛkpɔ ɛ bo ɖɔ n'i ɖɔ : " Nɔkpɔn ɖibu gɛ , ɖo a na ɖe kunnu nukɔn ce ɖo Jeluzalɛmu , bo na lɛvɔ ɖe kunnun ce ɖo Hloma to mɛ ." ¹² Ke anyixɔn , jwifu ɖe lɛɛ wa ze gbeta bo . ¹³ Ye ɖɔ na ye ɖe ɖɔ ye jɛ nuɖugbe gɛ kaka wa jɛ hwe ke nu ye na hu Polu hwɛkpo . Ye omɛ kanɖe wɛ bla osɛn lɔ. ¹⁴ Ye yi bo wɛ mɔ vɔsatɔ lɛɛ we ogan kpo tomɛxo lɛɛ bo ɖɔ : " Mi ɖo gbe kpɔ bo xle nu d'eji ɖɔ ni ma hu Polu gɛ mi na ɖunu bo na nu osin gɛ . ¹⁵ Odin, myɛ mi byɔ ahwangan ɖaxo lɔ ɖɔ ni bo ze do wa na myɛ ; bo na gbeje oxo etɔn lɛɛ ganji . Hwɛkpo e na mi de lɔ , myɛ mi na gbesisɔ bo hu i ɖo mɔ ji ." ¹⁶ Polu we nɔvi nyɔnu we ovi se oxo ɖe ke ye bla ogbe tɔn , bɔ e yi, bo byɔ ahwankpa mɛ bo klan oylɔn tɔn . ¹⁷ Polu ylɔ sɔja lɛɛ we ogan ɖokpo , bo n'i ɖɔ : " Kplan sunnuvi kɔ yi ahwangan ɖaxo de ; e ɖo oxo ɖe bo na ɖɔ n'i ." ¹⁸ Sɔjagan ka kplan sunuvi lɔ do yi ahwangan ɖaxo de , bo n'i ɖɔ : " Gantɔ Polu wɛ ylɔ un , bo ze sunnuvi kɔ do alɔ ce mɛ ɖɔ ma kplan wa de , e ɖo oxo ɖe bo ɖɔ na we . ¹⁹ Ahwaangan ɖaxo lɔ ka wle sunnuvi lɔ alɔ , bo ze ɖo ovo ,bo kan e se ɖɔ : "Etɛ jɔ bɔ a ba ɖɔ na mi ʔ " ²⁰ Sunnuvi lɔ ka yi gbe ɖɔ:" Jwifu lɛɛ ɖo gbe kpɔ bo na wa byɔ ɖɔ yɔ ni kplan Polu do wa toxogbe de ɖo osɔ , ɖi ye na lɛvɔ gbeje oxo etɔn lɛɛ kpɔn ganji. ²¹ Nɔ kpɔn se oxo yetɔn gɛ ; ɖo gbɛta yetɔn kanɖe ɖo mɔ n'i . Omɛxɔn lɛɛye ɖɔ, bo xle nu d'eji ɖɔ ne mi ma hu Polu gɛ , mi ma ja nuɖu gbe gɛ , bo ma ja osin nu gbe gɛ ; ye mɛkpo ɖo gbesisɔ odin ; gbninana to we kɛɖɛ jɛn kpo ." ²² Ahwangan ɖaxo lɔ ka jo sunnuvi lɔ ɖɔ ni yi xwegbe , bo do osɛn n'i ɖɔ omɛ ti ni se oxo ke e ɖɔ myɛ ɖo fikɔ odin sɔn onu etɔn mɛ gɛ . ²³ Ahwangan ɖaxo lɔ ka wa ylɔ sɔja kanwekogan awe , bo ɖɔ na ye ɖɔ: " Mi yi bo kpli sɔja afɔɖe (200) ɖo te . Mi na bɛ mɔ sɔn fikɔ gan cɛnɛ mɛ zanmɛ , bo kaka Sezalee . ²⁴ Mi bla akpa na osɔ ɖe lɛɛ na Polu lɔsu , bo kplan yi na tokpɔngan Felisi ɖo yiya mɛ . ²⁵ E ka wlan wema ɖokpo sɛdo tokpɔngan lɔ , bo wlan do weman mɛ ɖɔ : " ²⁶ Nye klodiwusi Lisiyasi , un do gbe do xlan omɛsisi jɛxa ce tokpɔngan Felisi. ²⁷ Sunnu kɔ ke un sɛ do we lɔ , Jwifu lɛɛ wɛ wle , bo jlo na hu i bɔ nye kpo ahwan ce kpo yi otɛn lɔ mɛ , bo yi sɔn alɔ ye tɔn mɛ , ɖo un se ɖɔ hlɔmanu wɛ nyi . ²⁸ Un jlo na ba do na oxo lɔ , bo na nywɛ nuke we hwe wɛ e hu do ye tawun , bo ze yi toxoɖɔgbɛ yetɔn we nukɔn ²⁹ . Un wa mɔ ɖɔ nuɖe lɛɛ we hwɛ wɛ ye do e , ɖo osɛn yetɔn mɛ . Amɔ nu ke na zɔn bɔ ye na do oku hwɛ n'i , alo ye na wle do gan mɛ lɔ , nyema mɔ ti ɖo e wu gɛ . ³⁰ Ke wa ɖɔ Jwifu lɛɛ bla gbe etɔn , yi wɛ un sɛdo mi azɔnɖokpo , bo na gbɛ ɖɔ omɛ ke le ba e ye ni wa mi de bo ɖɔ oxo yetɔn lɛɛ ɖo nukun mitɔn mɛ." ³¹ Sɔja lɛɛ setonu na gbeɖiɖe lɛɛ : ye ze polu bo kplan yi ɖo zan mɛ bo yi Antipatlisi de . ³² Ke anyixɔn, sɔja ke zɔn afɔ bo xo do ye lɛɛ lɛkɔ wa yi ahwankpa lɔ mɛ. Bɔ ye omɛ ke xa osɔ ji lɛɛ kplan Polu yi to lɔ mɛ . ³³ Ke osɔxajitɔ lɛɛ yi Sezalee , ye wema na tokpɔngan , bo ze Polu jo n'i. ³⁴ Tokpɔngan , ka xa wema , kanpolu se ɖo tokpɔn ke e sɔn . Ke e se dɔ Silisinu wɛ e nyi lɔ , ³⁵ e ɖɔ n'i ɖɔ : " Un na se oxo to we hwenu ke omɛ ke do hwɛ we lɛɛ na wa fikɔ ." Exɔn godo e na gbe ɖɔ ye n'i bo ze we do axɔsu Elodu we hɔn mɛ bo cɔ we .