¹ odin ɖo Antyɔci we agun mɛ lɔ, xoyiɖɔtɔ kpo nukplɔnmɛ tɔ lɛɛ ɖe. Ye lɛɛ wɛ nyi Baanabasi , Sinmɔɔ (ke nɔ ylɔ ɖɔ omɛ yuyu ),Lusiwasi ke Slenɛɛnu, Manayɛnu(omɛ ke Elodu hɛn ) , ye kpo Pɔlu . ² Ke ye sɛn mawu bo xoɖɛ bo bla nu ; Oyɛ Ɖedovo Mawu tɔn ɖɔ :"Mi ɖe Baanabasi kpo Pɔlu ɖo vo na azɔn ke wutu un ylɔ ye ɖo ." ³ ke ye blanu bo xoɖɛ godo , ye ze alɔ yetɔn do ye ji bo sɛ ye do . ⁴ Baanabasi kpo Pɔlu setonu na Oyɛ Ɖedovo Mawutɔn bo yi ɖe Silɛsii bɔ ye do tɔjihun ɖo fi lɔ bo oto ke ye nɔ ylɔ ɖɔ Ciplu lɔ mɛ. ⁵ Ke ye jɛ oto ke ye ylɔ ɖɔ Salaminu lɔ mɛ , kplɔngbasa jwifu lɛɛ tɔn , bo jɛ mawuxo ɖɔ ji , bɔ Jaan Maki ɖo ye de bo nɔ gɔ alɔ na ye . ⁶ Exɔn godo , ke gbɔn tɔtentinto bo jɛ oto ke ye nɔ ylɔ ɖɔ Pafɔsi lɔ mɛ. Ye mɔ jwifu majikiblotɔ ɖe ɖo fi lɔ, bɔ ye nɔ ylɔ ɖɔ Baa-jezu , bɔ e ze eɖe bo blo xoyiɖɔtɔ mawutɔn . ⁷ Baa-Jezu xɔn ka ɖo tokpɔngan ke kpa acɛ na tɔtɛntinto lɔ de; ye nɔ ylɔ tokpɔngan ɖɔSɛyiwusi Polusi, bo nyi gbɛtɔ nunywɛtɔ . Tokpɔngan ka ba na se mawuxo , bo wa zɔn ɖɔ ye ni ylɔ Baanabasi kpo Sɔlu wa na myɛ ; ⁸ amɔ , Elimasi ke nyi mjikiblotɔ lɔ , ( lexa wɛ ye nɔ ylɔ ye ɖɔ ɖo glɛsigbe mɛ) ma ba na jo ye do gɛ , bo le ba na ɖe ayixa tokpɔngan tɔn sɛ sɔn nuɖiɖi na Jezu klisi we oxo ke ye ɖo ɖiɖɔ n'i lɔ ji . ⁹ Amɔ Solu , ke ye nɔ ylɔ ɖɔ Pɔlu lɔ ,Oyɛ Ɖedovo Mawutɔn gɔ ayixa mɛ n'i , bɔ e kpɔn Elimasi ganji, ¹⁰ bo ɖɔ : " Ayixa nyinylan , ayixagbigblenɔ wɛ anyi , Awovi wɛ anyi, bo nyi ɖagbe lɛɛ we kɛntɔ ; kaka wa jɛ hwetɛnu wɛ a na nɔ gble Mawu we tito do ʔ ¹¹ Odin , se Aklunɔ na hɛn oto na na we ; nukun to e awe lɛɛ na gban , bɔ a na gɔn nu mimɔn kaka jɛ hwe ɖe nu ." Azɔnɖokpo ɖo flɛn , Elimasi gban nukun , bo jɛ avi ya ji , bo jɛ omɛ ke na gɔ alɔ n'i ba ji . ¹² Ke tokpɔngan mɔ nu ke jɔ , e wa ɖinu na Jezu , ɖo nu ke ye kplɔn ɖo Aklunɔ we oxo lɔ ji bɔ ayixa etɔn yi oxo Mawutɔn . ¹³ Polu kpo hagbɛ etɔn lɛɛ kpo wa do tɔjihun sɔn pafɔsi , bo wa jɛ Pɛɛjee ɖo Panfili gbeji . Jaan-Maki jo ye do flɛn , bo lɛkɔ wa Jeluzalɛmu . ¹⁴ Omɛɖyɛ lɛɛ ka di zɛ na Pɛɛjee , bo yi Antyɔci ɖo pisidi tome ; ye byɔ kplɔngbasa ɖo gbojɛzan gbe , bo flannyi. ¹⁵ Ke xa osɛn lɔ, bo wa xa xoyiɖɔtɔ Mawutɔn lɛɛ we weman godo , kplɔngbasa gan lɛɛ ɖɔ sɛ do ye ɖɔ: " Nɔvi mitɔn lɛɛ , ne mi ɖo oxo ɖe bo na ɖɔ na togun lɔ , bo do na na ye akɔkpinkpan , mi wa ɖɔ ." ¹⁶ Ke e ɖɔ lexa Polu cite , bo blo alɔ na ye , bo ɖɔ : " Mi izlayɛlivi lɛɛ kpo mi mɛ ke nɔ ɖixɛsi na Mawu kpo myɛ kpo mi ɖo oto bo se . ¹⁷ Mawu Izlayɛli tɔn cyan dagbo mitɔn lɛɛ ɖovo , e na bɔ togun ji de ji ke ye ɖo Ejipu ; e ka wa ye sɔn to lɔ mɛ , ¹⁸ e wle bo na ye na oxwe kanɖe , gbetoto mɛ. ¹⁹ E ka wa va sudo akɔta canwe , ɖo kanaa ayizan ji ,bo ze oto yetɔn na Izlayɛli ovi lɛɛ ,bɔ ayizan xɔn wa nyi yetɔn . " ²⁰ Exɔn godo , e ze gan do ye nu , na xwe afɔ awe kanɖe awo kaka wa jɛ xoyiɖɔtɔ samuwɛli we hwenu . ²¹ Ye lɔsu wa byɔ axɔlu ɖokpo , bɔ Mawu na ye Sawulu kici we ovi ,ɖo Bɛnjamɛɛ we ovi lɛɛ mɛ , bɔ e ɖ u axɔlu do ye ji na xwe kanɖe (40) . ²² Ɖo exɔn godo , Mawu wa ɖe Sawulu sɔn axɔsuzikpi ji , bo ze Davidi do otɛn etɔn mɛ . Davidi xɔn wɛ Mawu kpagbe na ɖɔ : "Un mɔ ɖɔ Davidi Jɛsee ovi , omɛ ɖe wɛ enyi , ninɔmɛ etɔn nyɔn ɖo nukun ce mɛ , bɔ e nɔ blo ojlo ce lɛɛ kpo ." ²³ ovi etɔn mɛ wɛ Mawu ze Jezu Omɛhlɛntɔ na togun Izlayɛli tɔn sɔn , ɖo le ke e do akpagbe na ye do . ²⁴ Hwɛkpo Jezu na wa , Jaan ko ɖɔ na Izlayɛli ovi lɛɛ ɖɔ ye ni lɛkɔ sɔn hwɛ yetɔn lɛɛ godo , bo nylɔn ye do tɔ mɛ . ²⁵ Hwekenu Jaan we azɔn na ɖote , e nɔ ɖɔ ɖɔ : " Mɛ wɛ nyi bɔ myɛ nywɛ ʔ E ma nyi nye wɛ mi ɖo te kpɔn gɛ ; amɔ , omɛ ɖe ɖo godo ce bo ja , bɔ nye nyi omɛ ke na ɖe afɔkpa sɔn afɔ n'i vɔvɔ gɛ ." ²⁶ Nɔvi lɛɛ , Ablaxamu we kukan kpo omɛ ke nɔ sɛn Mawu lɛɛ , myɛ wɛ ye sɛ wlɛngan xo do . ²⁷ Ɖo ye omɛ ke ɖo Jeluzalɛmu kpo nogan yetɔn lɛɛ ma nywɛ ɖo lexa gɛ bɔ ye wa blo nu ke xoyiɖɔtɔ lɛɛ ɖɔ ke nɔ xa na ye ɖo gbɔjɛzan lɛɛ gbe hwelɛkponu bo wa da hwɛ na Jezu . ²⁸ Ye ma mɔ nuti do e go bo na do ku hwɛ n'i gɛ , ye byɔ Pilatu ɖɔ ye n'i hu i. Ke ye wa blo nuke ye wlan do go vɔ , ye ɖe ɖo atin lɔ go bo ze do yodo mɛ. ²⁹ Amɔ Mawu wa fɔn ɛ sɔn omɛ kuku lɛɛ mɛ . Ɖo azan sukpɔ mɛ ³⁰ Amɔ Mawu wa fɔn ɛ sɔn omɛ kuku lɛɛ mɛ . ³¹ Ɖo azan sukpɔ mɛ ye omɛ ke wa kpo e kpo ɖo Galilee wa jɛ Jeluzalɛmu . Omɛ exɔn lɛɛ wa nyi kunnuɖetɔ etɔn lɛɛ na togun lɔ. ³² Bɔ , myɛ mi wa do Wɛn Ɖagbe ɖo akpagbe ke do na dagbo mitɔn wutu ; ³³ Mawu blo ɖo akpagbe etɔn ji na mi , na ovi yetɔn lɛɛ , bo fon Jezu sɔn omɛkuku lɛɛ mɛ . exɔn wutu ye wlan ohan we weman awegɔ ɖɔ : "Yɔ wɛ nyi Ovi ce , egbe un nyi Otɔ na we . ³⁴ Gɔ na , ɖo le ke e fɔn sɔn lɛɛ me do bo wa zɔn ɖɔ agbaza etɔn ma gble gɛ , e ɖɔ lexa : " Na na mi Davidi we dona ɖevo lɛɛ . ³⁶ Exɔn wutu ye lɛvɔ ɖɔ ɖo Dɛhan ɖevo me ɖɔ : " A ma ja jo Omɛ Ɖedovo to we do gɛ bɔ e na gbigble gɛ ." ³⁵ Ɖo Davidi ke e sɛn Mawu godo, ɖo hwenu etɔn kpo Mawu we ojlo , e wa damlɔn bɔ ye ɖi do dagbo etɔn lɛ kpa bo ka mɔ gbigble , ³⁷ amɔ omɛ ke mawu fɔn sɔn kuku lɛɛ mɛ ma mɔ gbigble gɛ . ³⁸ Odin miɖo na nywɛ mi nɔvi lɛɛ ɖɔ gbɔn sunnu xɔn ji wɛ ye do le la hwɛsɔkɔ we oxo gbɔn . ³⁹ Gbɔn e yɔ ji omɛ ke ɖinu na mɔ hwɛsɔkɛ ɖo osɛn Moyizi tɔn ma si hwɛsɔkɛ gɛ . ⁴⁰ Ɖo lexa , mi cɔ mi ɖe , ɖo nu ke xoyiɖɔtɔ Mawutɔn lɛɛ ɖɔ ni kpɔn wa jɔ do myɛ ji gɛ ɖɔ : ⁴¹ " Mi kpɔn , mi omɛ ke nɔ gbɛ na omɛ lɛɛ, mi ɖi xɛsi , nu ne kpaca mi bɔ mi dɔn ; ɖo un blo nu do hwɛ mitɔn lɛɛ wu . Azɔn ke meti ma na ɖi gɛ ne omɛ ɖe wa ɖɔ lɔsu na mi . " ⁴² Ke Polu kpo Baanabasi ba sɔn , togun lɔ sa vo na ye bo ɖɔ ye ni lɛvɔ ɖɔ oxo xɔn lɛɛ na ye ɖo gbɔjɛzangbe ɖevo . ⁴³ Ɖo okpli lɔ we vivɔnu ɖo jwifunu lɛɛ we kplɔngbasa ye omɛ sukpɔ ke ɖi na jwifunu lɛɛ we sinsɛn xodo Baanabasi kpo Polu ke ɖɔ oxo na ye kpo akɔkpikpan ye ni yi e ji ɖo Mawu we jɔmyɔ mɛ. ⁴⁴ Ɖo gbɔjɛzan ɖevo gbɛtɔ sukpɔ wa bo na Aklu nɔ oxo . ⁴⁵ Ke jwifu lɛɛ mɔ gbɛtɔ sukpɔ , ye hwan nu bo ɖɔ oxo nyinylan bo lɛ zun ye . ⁴⁶ Amɔ Polu kpo Baanabasi ɖɔ xo kpo jiɖiɖe bo ɖɔ : "E ɖo vivɛ ɖe bɔ ye ɖo na ɖɔ Mawuxo jɛ nukɔn. ke mi mɔ ɖɔ myɛ ma jɛ xa gɛ bo gbɛ ogbɛ mavɔmavɔ , kpɔn mi na gbɔ yi kosi lɛɛ de . ⁴⁷ Ɖo le ke Aklunɔ na gbe mi yi bo ɖɔ :" Un ze we na ana nyi wiziza na akɔta lɛɛ , na ana jla Wɛn Ɖagbe hwɛngantɔn kaka jɛ fike ogbɛ fo do." " ⁴⁸ Ke kosi lɛ se lexa , ye ja wa bo kpa Aklunɔ we oxo . Omɛ sukpɔ ke Mawu can ogbɛ mavɔ ɖinu . ⁴⁹ Oxo Aklunɔ tɔn gba kpe ogbɛ kpokpo ji ⁵⁰ Amɔ jwifu lɛɛ zɔn nyɔnnu nukunɖeji lɛɛ ke nɔ si Mawu lɛɛ kpo omɛ jɔmɛ oto lɔ tɔn lɛe. Bɔ ye ci te do Polu kpo Baanabasi , bo nyan ye sɔn oto yetɔn . ⁵¹ Polu kpo Baanabasi xuxu afɔ kɔ yetɔn kɔn do anyi na ye , bo sɔn yi oto ke nɔ ylɔ ɖɔ Ikoniyɔnu lɔ mɛ . ⁵² Awajijɛ kpo Oyɛ Ɖedovo Mawutɔn ka gɔ ayixa na ahwanvi Jezu tɔn lɛɛ ɖo Antyɔci.