1 Omɛɖoxlan lɛɛ kpo ahwanvi lɛɛ ke ɖo judee se ɖɔ kosi lɛɛ lɔsu yi oxo Mawutɔn . 2 Ke Piyɛɛ wa jɛ jeluzalɛmu lɔ, kplikpli adagbo lɛtɔn ɖɔ xo do piyɛɛ wu bo ɖɔ 3 : " etɛ wutu ayi kosi lɛɛ de bo wɛ ɖu nu xa ye ɖo!" 4 Amɔ Piyɛɛ ku hun bo tin emɛ na ye gan ji . E ɖɔ : " 5 un ɖo ɖɛ xo wɛ ɖo Jopee bo mɔ avɔ ɖaxo ɖe sɔn ji bo wa dyɛ ke sɔn akpaxwe ɛnɛ . 6 Un jɛ nu lɔ kpɔn bo gbeje kpɔn bo mɔn kanlin ke nɔ zɔn afɔ ɛnɛ lɛɛ ji, zunkanmewe kanlin lɛɛ , odan lɛɛ kpo oxɛ lɛɛ sɔn oji." 7 Un se ogbe ɖe ɖɔ: " Cute , Piyɛɛ , hu kanlin xɔn lɛɛ bo ɖu ye !" Un yi gbe ɖɔ : 8 "gbeɖe , Aklunɔ , nye ma ɖu nu kujikuji xɔn lɛɛ kpɔn gɛ." 9 Amɔ ogbe lɔ ɖɔ na un ɖɔ :" Nu ke Mawu klan zun mimɛ , nɔ kpɔn nɔ mɔ ye ɖɔ nu kujikuji gɛ." 10 Nu lɔ wa hlan atɔn bo nu lɛkpo sɔn yi oji . 11 Kpɔn , sunnu atɔn wa hɔntogbo we oxwe ke un le lɔ ji , ye sɛ ye do un sɔn sezalee . 12 Oyɛ lɔ ɖɔ na un ɖɔ nye ni bo xo do ye bo ma do vogbingbɔn omɛ lɛɛ mɛ gɛ . Nɔvi ayizɛn lɛɛ xo do un bo mi yi sunnu xɔn we xwegbe. 13 E wa ɖɔ na mi ɖɔ le ke wɛnsagun mawutɔn wa e de bo ɖɔ n'i ɖɔ : " sɛ omɛ do Jopee bɔ ye kplan Sinmɔ ke ye nɔ ylɔ ɖɔ Piyɛɛ do wa . 14 E na wa ɖɔ oxo ke zɔn bɔ myɛ kpo hwendo to we na mɔ hwlɔngan lɔ na we ." 15 Ke un jɛ oxo ɖɔ ye ji lɔ , Oyɛ ɖedovo Mawutɔn jɛ mɛkpo ji ɖi le ke e wa myɛ lɔsi ji ɖo bibɛme lɔ . 16 Un wa flin aklunɔ we oxo ke e ɖɔ bo ɖɔ : "Jaan ze osin do nylɔn omɛ lɛɛ do tɔme , amɔ myɛ Oyɛ Ɖedovo mɛ wɛ ye na nylɔn mi do." 17 Ne wa na nunina ke e na mimɛ ke ɖinu na Aklunɔ Jezu klisi , mɛ wɛ nye ka nyi bo na gbɛ na Mawuʔ 18 Ke ye se oxo xɔn lɛɛ ,ye bɔ nu bo jɛ Mawu kpa ji bo ɖɔ : " Mawu na lɛvɔ jɔ kosi lɛɛ ɖo ye lɔsu mɔn gbɛ ." 19 Amɔ , gbado lɛɛ le Etyɛni we hwenu le Jeluzalɛmu ke oya sana omɛ gbɔn oku etɔn , ye mɛkpo wa Fenisi , Ciplu kpo Antyɔci. Ye jla wɛnɖagbe na jwifu lɛɛ. 20 Omɛ ɖe lɛɛ sɔn Ciplu bo do ye mɛ kpo silɛɛnu lɛɛ bo wa Antyɔci bɔ ye do wɛnɖagbe na Glɛsinu lɛɛ. 21 Alɔ Mawutɔn ɖokpɔ xa ye bɔ omɛ lɛɛ yi se bo ɖi nu na Aklunɔ. 22 Wɛn yetɔn wa jɛ tomɛ na agun ke ɖo Jeluzalɛmu ; bɔ ye sɛ Banabasi do xlan ye ɖo Antyɔci. 23 Ke wa e mɔ jɔ myɔ mawutɔn , e ja wa bo do gan na me na ye bo ɖɔ ye tɛdo Aklunɔ kpodo ayi yetɔn blebu . 24 Banabasi lɔ gbɛtɔ ɖagbe wɛ , bo go kpo Oyɛ mawutɔn ɖedovo kpo nuɖiɖi . Bɔ gbɛtɔ sukpɔ wa gɔ na ye ɖo Aklunɔ mɛ. 25 Banabasi wa yi Taasisi bo wɛ din Solu . 26 Ke e mɔ lɔ , e kplan do wa Antyɔci . Ɖo oxwe ɖokpo blebu mɛ ,ye nɔ kpli kpo agun lɔ, ye nɔ kplɔn nu omɛ sukpɔ . Antyɔci wɛ ye ylɔ ahwanvi lɛɛ ɖɔ klisisɛntɔ lɛɛ titan . 27 Hwenu xɔn , xoyidɔtɔ mawutɔn ɖe lɛɛ sɔn Jeluzalɛmu bo wa Antyɔci . 28 Omɛ ɖokpo le ye me bɔ ye nɔ ylɔ ɖɔ Agabusi e cite bo ɖɔ ɖɔɖanyi bgɔn Oyɛ Mawutɔn me bo ɖɔ xovɛ ɖaxo ɖe na tɔn ɖo ogbɛ lɔ mɛ . Bɔ xovɛ lɔ wa jɔ le Klodu we hwenu . 29 Ahwanvi ka wa ze gbeta bo sɛ alɔgɔ ɖoxlan nɔvi lɛɛ ɖo Judee . 30 Ye wa blo alɔgɔ bo sɛdo agun mexo lɛɛ gbɔn Baanabasi kpo Solu ji.