¹ Yi hunkpɔ djipo yoyo koudo agnigban yoyo , mo djipo negbinlɔ koudo agnigban negbinlɔ bou , yi ahou can neliwo. ² Yi kpɔ diso djipo , sɔ Mahugbɔ , doukɔn kɔkɔɛlɔ , Jeruzalemu yoyolɔ , ciwo djrano sibe gnonnou ci yi legbasɔsoue non asoulɔya . ³ Yi se so zikpolɔgbɔ agbe gangan deka yi le nounoukɔbe : Gbedoyɔ Mahutɔ koudo agbetɔwoke ! Elava non koudo wo , yi olagni doukɔn yetɔ , yi Mahutɔ lanonkoudowo . ⁴ Elatoutou dasi nonwo , ekou nangbevaliwo , enousisi , ahoua , koudo vevesese nangbevaliwo , no enoudegbintɔwo bou. ⁵ Yimeci yilagnile efiɔ zikpolɔdjilɔ noube : Yike , hunwa enousiasianou yoyo . Yi noube : Hinnou ; no egnon kandodjiwoyɔ . ⁶ Yinounoube : Egni wawa ! Egnin yigni tɔtɔdji koudo enounhiuhou , alpha kouda omega. Meci sikɔci nanvani agbesilɔ gbagbalo. ^{7 8} Meci yi lavadoudji lavadou egou yonwo , nanvagni Mahutɔwo , yi lavagni evignin . Nɔ a non djimesintɔwo enoumansɔgbe watɔwo , amehoutɔwo , enouci watɔwo , ehoun sintɔwo , koudo hunsoukantɔwo , tehoue yotɔ le ezobibi lɔme , cigne ekou vegonlɔ ⁹ Yi dɔla deka le amadrɛ lɔ wo me cile kɔkpo amadrɛ edɔtɔlɔ wo hin nounoube : va avasɔ gnonnou alinlɔtɔ sɔnan wo . ¹⁰ Yi sɔsɔyi legbongbonme to etogangan dekadji yisɔ edou kɔkɔɛlɔ sɔ fiɔ , Jeruzalɛmu , cidiso Mahu gbɔ , yido , huncikɔkouè Mahutɔ. ¹¹ Klinklin yetɔ lesibe ekpe yɔ asi deya. ¹² Glikpo gangan yidjideka li . Edo ehon wuive , yile ehon lɔwodjilɔ dɔla wuive , yi ohlin gnikɔwo akɔta wuive Yzraeltɔ : ¹³ le awezehoue ehon ametɔn , letagbe eho ametɔn , le dodomɛ ehon ametɔn , yile eweyiyɔ ehon ametɔn . ¹⁴ Glikpo doukon lɔ tɔ do gonmenokpe wuive , yi gnikɔ apôtrou wuive alintɔtɔ le hlinhlindodji . ¹⁵ Meciyi le nouwowokɔ noulɔ eno sika ka , asɔdjre doukɔn lɔ , ehonlɔwo koudo glikpo lɔwo . ¹⁶ Edoulɔwo didimɛ sɔ koudo kpokpomɛyetɔ . Edjre doukonlɔ koudo sika ka yikpɔ kpeci kotokoun wuive nou , didime kpokpome koudo edjiyiyme lɔwolɔ sɔgbe. ¹⁷ Edjre glikpolɔ yikpɔ meta kaciwuine , agbetɔ didime ci yi gni dɔlalɔtɔ. ¹⁸ Osɔ ekpe sɔtou glikpolɔ , yi doukounlɔ yegni sika , yilesibe kɔkpoya. ¹⁹ Osɔ ekpe yɔ asiwo sɔwa gonmedokpe non glikpe edoulɔtɔ : Ekpe yigni gonmenokpe degbintɔ , vegonlɔ gni saphir , ametɔngnɔn lɔ gni calcedoine , amenegɔnlɔ gni emeraude , ²⁰ ameton gonlɔ sardonyx , amandingonlɔ . sardoine , amadrɛgonlɔ , Crusolithe amegni go,lɔ tope , amewo gonlɔ , chyso wuideka gonlɔ , hyacinthe wuive gonlɔ amethyste. ²¹ Ehon wuive lɔwolɔ yi gni djenou wuive lɔ . ehon dekadeka koudo djenou yetɔ . Tehoue doukɔnlɔ tɔlɔ gni sika , sibe kɔkpoya. ²² Gningnin kpɔ gbedoyɔ le doukon lɔ mewo , no ahouetɔ Mahu hunsinwo kekehuntɔ yigni gbedoyɔ yetɔ alin lɔ can . ²³ Doukɔn lɔ ne hian gnidɔn alo hleci yi lakliwo , no huncikɔkɔɛ Mahutɔ Klinvɔ , yi alinlɔ gni asiayetɔ. ²⁴ Doukonwo lavasontɔ klinklin yetɔ mɛ , koudo efiɔ agnigban lahin enoucikɔkoue wotɔ vani. ²⁵ Onan votou ehon wotɔ le hunkekemewo , wo ezan nanliwo. ²⁶ Ola vahin huncikɔkoue koudo boubou doukɔnwotɔ va . ²⁷ Enou mankoue mankoue de nandogbɔwo , koudo agbetɔ ci wanon enouhlanhlan koudo nousoukankan , meci wo gnikɔ ohlin no agbewemanlɔmɛ deke yi layi.