¹ Paul kudo Timothée , dɔwavi yesus christotɔ , doda amɛn candovo le yesus christomɛn ciwele Philippe , agukplɔlawo kudo hamɛn fofowo .

² Mɛnnuveve kudo fafa nɛnnɔn kumi soMahugbo , mianda ku ahuetɔ yesus christo . ³ ŋsɔ kafukafu nan Mahu xiyɛn nɔn ŋdokuvi xiyɛnwo doda miangbɔ .

⁴ le gbedododa xiyɛnwomɛnlɔ ŋdonɔngbeda kudo jijuɛ gaciagamɛn .

⁵ Ŋsɔnɔn kafukafu nan Mahu nɔn kacaca ognɔnjrajratɔ so tɔtɔji kaka sɔjé fifɛ .

⁶ Ŋdo kandoji cɛ be mɛnci tɔ onu adodui ce le miadomɛn la yiji kaka sɔyi trɔtrɔvazan Yesus Christotɔ ⁷ Eyɔn be mando sesexɔn le miandomɛn do mile jimɛnnu Minɔndukum le gakpamɛn ku ohuɛxɔdo amɛnji le oyɔnlɔmɛn .

⁸ Do mahu gni kunu ɖetɔnu be ŋlɔnmli yi jimen le yesus christomɛn . ⁹ Yi ŋgbele gbedoda xɔn wakɔ , nɔn lɔnlɔn miantɔ adɔ ku nuyanyan , kudo numɔnjemɛn .

¹⁰ Ŋdogbeda be mianwa cancan adodui : kudo nuyanyan . Ŋdogbeda nɔn miannɔn anukuamɛn san eɖi ɖekpokpui le Christ zangbé .

¹¹ Agbeyibe mianɖɔ ku kusɛnsɛn jɔjɔ yuitɔ so christogbɔ nɔn jidudu kudo kafukafu non Mahu . ¹² Fifiɛlɔ ŋjibe mianyan , nɔnviwo , be nuciwo yi jɔdojiyɛnwo nan odɔlɔ yiŋkɔ yuidé .

¹³ Sigbé videdehalɔ , yiyɛnwo le christomɛnwo zé sɔto amɛncɔtɔ ofihuetɔwo kudo amɔnwo kehukehu .

¹⁴ Yi vagninu yi kpaca amɛnsugbɔ le ahuetɔlɔmɛn sɔto tétékpɔ oyɔnlɔn jrajratɔmɛn san manvɔn ¹⁵ Mɛndewo le wɛwɛkɔ le ojromɛn yi mɛndewo le wɛwɛkɔ le onudɔndɔnmɛn . Vɔ mɛndewo le christo jrakɔ sɔto lɔnlɔnmɛn .

¹⁶ Mɛndewo yile christolɔ jrakɔ to lɔnlɔnmɛn wo yan be ŋlefiɛ yila wavu dotanɔn oyɔnlɔ .

¹⁷ Vɔ mɛndewo jranɔn christo sɔto ojro ogoyiyitɔ kudo onu mansɔgbewomɛn . wobubé yowolé nuxodowɔ nukɔ le guɛdɛ xiyɛnwomɛn . ¹⁸ Vɔ xɔndedo asixɔxɔdoe sɔto alɔkpamɛnbé nujredonuci alo yanwo , wojra christo yi sɔto xɔnmɛn ŋkpɔnɔn jijuɛ .

¹⁹ Do ŋyan be elanan katutunum Elavamɛn sɔto gbedoda miantɔwomɛn ku alɔdo gbɔngbɔn christotɔmɛn . ²⁰ Do sɔto numɛntototo xiyɛnwomɛnlɔ , kudo kandiji hiyenbe yen dadu ŋkpɛnwo sɔtovonɔn kudo akɔnkpankpan Sibe gasiagamɛn kudo fifɛlɔ ŋxuɛsé be christo lagni kanfukanfu le yɛnmɛn sɔto oku alo agbemɛn .

²¹ Ɖo nɔn yɛnlɔ , agbelɔ yesus yo yi akulɔ ehni alé . ²² Vɔ nɔ egnibe onɔn agbele ŋcilanmɛn do kusɛnsɛnlɔ , odɔwawa xiyɛntɔlɔ , yɛn degbeyan cancan cinanwao .

²³ Do ŋva mannɔn cancan amɛnvé xɔnwo ejrom be manjo le hihecɛmɛn ayido christogbɔ cigni le didihué onu adodui .

²⁴ Vɔ anɔn ŋcilanmɛn lé vévédé nɔnmi ²⁵ Do ŋkandoxɔnji be nankpɔtɔ mianmɛn , nɔn xɔsé miantɔ ku ŋkɔmɛn yiyi miantɔ .

²⁶ Yilagni jijuɛ kpɔkpɔ le christomɛn nɔnmi sɔto eyɛn ŋci elava amɛnnuveve yi le nmɛn hiyɛn nɔnmi .

²⁷ Mizan agbe cije nɔn oyɔn christotɔ .Miwacɛ nɔn ŋvakpɔmi alo yɛndevakpɔmiolɔ mansé wanu leci mihen sɛnsɛn gbɔngbɔnlɔ . ŋjilasé be miledɔwakɔ sɔto gbɔgbɔnlɔ dekamɛn nɔn oyɔnlɔtɔ ²⁸ Ŋdekpokpui ŋgbesojika nɔn mio kɛntɔ dekpokpui . cɛgni nɔnwo dedefiɔ gbégblé watɔ . Vɔ nɔ miwolɔ ,egni defiɔ dede mianto so mahugbɔ .

²⁹ Do wonanmi nɔn odɔ christotɔ , yi ŋdegni kpɔwuɛ mian xuɛséwo , vɔ miangbesé vévéni .

³⁰ Do cakacaka dekɛ mido sibe leci mikpɔ le gbiyɛn , yi misé lecile le gbiyɛnha