¹ Fifiɛlɔ okacaca xoxo lɔ do oxé sɛn sɛn tɔn afi kɔkuɛ gni gbanjitɔ. ² Ɖo salɔ woyranɔn avɔsaxue do oxɔ ɖegui cimɛn yi ozo okpo ku kpɔnnɔn ci wosɔ wo yɔ oxɔnbe texue kɔkuɛ. ³ Le oɖo vegɔnlɔ godolɔ olakpɔ oxɔde ci wo yɔbe ci gbe kɔ yuide. ⁴ Olakpɔ ovɔsaxu sikatɔ nɔn parfun. olagbekpɔ aklo kacacalɔtɔ ci wo wa ku si ka le dɔ mɛnni lɔ olakpo ozé sikatɔ cimɛn mann lé kpoli Aarontɔ ci ji kudo okpo okacacatɔ. ⁵ Le ji nɔn aklo kacacatɔlɔ olakpa nutala ji dudutɔ ci le fafa wotɔ gɔmɛn ku kɔkuɛ gnigni kue ci mi ŋdeji lo jreo. ⁶ Ci wojra nu xɔnwo do vo lɔ ovɔ satɔlɔ donɔn oxɔlɔ mɛn awa avɔsalɔ. ⁷ Vɔ avɔsatɔgan de kɛ yi do acɛ yi donɔn oxɔ vegnɔ lɔ mɛn zedeka le oxu mɛn yi nɛn nɔn ohu li sɔsanɔn avɔ nɔn yɛtɔ kudu nu vui mayan wa dukɔ lɔtɔ. ⁸ Gbɔgbɔ kɔkuɛ denɔnfiɔ be omɔn texue kɔkulɔtɔ huo gacimɛn axɔsa digbilɔ kpɔtɔ o. ⁹ Cigni jesido fifitɔ ovɔsa ku hu nan nan ci wakɔ wole viɛlɔ ndegbé kpeci asɔ ayi dogni nɔn sɛn sɛn kɔkuwo. ¹⁰ Esɔ nududu ku aha nunu nci ku kɔkuɛ gni gni na mɛn ha mɛn wo gni odɔdɔdɔ nalan mɛntɔ yi wo biɔ kaka sɔje gacimɛn wotɔ yoyolɔ zan zan. ¹¹ Christo va si be avɔsatɔ gan nɔn onu adoduwo ci yi wa etɔ avɔsasa ganganlɔ ku adodui ci wo nde wa ku agbetɔ wolɔ yi ndegni agbɛ ci woɖo cɛtɔwo. ¹² Sɔ to ohu ognivi kudo gbɔsu tɔmɛn yi wowa ni soto ohu yɛntɔtɔ mɛn yi yido tehu kɔkuɛ lɔ mɛn zedeka yi la do kandoji nɔn fɔn mavɔ manvɔ. ¹³ Ɖo nɔn ohu alɛntɔ kudo ofi sisi do amɛn maku wonu sɔnɔn wodovo nɔn Mawu nɔn kɔkuɛ gnigni nci lan wotɔ lɔ. ¹⁴ Asi xɔ xɔ nde sɔhugan ohu christoto ci kɔ le ali sogɔji nɔn alɛn agbegbé. ¹⁵ Sɔ ku ɖo oyɔn jɔjuɛ xɔn ncilɔ ale dodo mɛn nɔn nacaca yoyobu nɔn ci gnibé oku va la tu ka nɔn mɛn ci wo yi le okalala degbilɔ mɛn nɔn nu vui wotɔwo mɛn ci wo wo yɔ wo xɔ nɔn ngbe dodo man vɔ man vɔ. ¹⁶ Ɖo fi ci gueta sɔsɔ lelɔ ele vevi ɖe be wa defiɔ oku mɛn wɛ lɔ. ¹⁷ Ɖo we mande ŋde do asixɔxɔ nɔn oku ŋde tole mɛ na ŋdedo axi xoxo gacimɛn mɛnɛci wɛ kpɔtɔ le agbé o. ¹⁸ Nɛn nɛn a kaka je kacaca ɖegbilɔ gni wawa san ohu. ¹⁹ Ɖo gacimɛn Moise nan osé ɖekadeka dukɔlɔlɔ esɔ olanwo hu kudo osi gaga kudo kpaciman ahu nui do afio kukɔnlɔnci. ²⁰ Yi nu nɔ be cɛ gni onu kacacalɔtɔ ci Mawu biɔ so miangbɔ. ²¹ Nɛn nɛn ke ehuhu ohu do ovɔsa kpɔ lɔ ji. ²² Kudo onu deciade ciwo zan nɔn avɔsalɔ sɔsɔ tɔ. ²³ Ele vevidebe ɖeɖe diponuwotɔ agni kɔkuɛ kuɖo avɔsa olan xɔ wo tɔ gankéa onu dipotɔwo la gbenɔn kɔkuɛ gnigni mɛn sɔto avɔsa ciji tahu mɛn. ²⁴ Ɖo christo nde gni texu kɔkuɛlɔ mɛn vɛwa clɔwo cigni kpohu yanwotɔ sɔtovo nɔn xɔlɔ eyi dipo oze viɛ le tejeje Mawutɔ mɛn nɔn mii. ²⁵ Ndedo mɛn yila sɔ yɛdokui savɔ sugbɔ o si be kea wo do nɔn avɔsaxɔlɔ mɛn deka le oxulɔ mɛn kudo ohu mɛnbutɔ o. ²⁶ Nɛngni nɛn nɛn yɔn nnɛ salɔ elagnini be ya se veve zenɛn nide sotɔtɔji nɔn agbɛlɔ vɔ fifiɛlɔ zedeka pɛyɔ le vɔvɔnu nɔn galɔ mɛn ci wodefiɔ asɔgu nuvui sɔto avɔsa yɛtɔtɔ mɛn. ²⁷ Zedeka kpɔ mɛn de mɛndeka laku xɔn godolo kojo dodo. ²⁸ Nɛn nɛn ke christo can ci wosɔ sa vɔ zedeka nɔn yade dukɔwo le nuvui mɛn. a va va zevegɔn lɔ ci nde bva gni be ela va nɔn donci nɔn gnɔn gban nu vui tɔ wo vɔ nɔn dede nɔn mɛn ci wo yilétekpuɛ ku jigbɔɖɛ.