¹ Yi ŋcia ŋɔnvikɔkuewo, yɔyɔ mahutɔ yi mixɔ. Mido asixɔxɔ nɔn yesu, Aposolo ku avɔsatɔ gan sensɛn mitɔtɔ. ² Enɔn gbéji nɔn Mahu cici sibe Moise ha cilé gbéji le axué Mahutɔmɛn. ³ Do woso jɔjuɛ ganɖé nɔn yesu sɔhugan Moise cican yi le gbeji le axué Mahutɔmɛn ⁴ Do axue deka dekalɔ mɛnde yi tui yi vɔ mɛnci tu onu ɖeciadelɔ yigni Mahu. ⁵ Le akpaɖexuelɔ Moise gni dɔwavi ci le gbeji le axue Mahutɔ keŋkeŋ mɛn. Egni kpɔwe nɔn nucuwo wolavanu le osɔ li gbɔnɔn mɛn. ⁶ Vɔ christo gni ovi cikpa nɔn axue Mahutɔ. Migni axue yɛtɔ nɔn mihɛn sɛnsi kandoji ku numɛntoto mianto, ⁷ Yiwanu sibe leci gbɔngbɔn kɔkuɛ lɔ nuihalɔ; « Nɔn ogbɛ mile obé yɛtɔ sekɔlɔ ⁸ miŋgbe sɛn ji mɛnwo sibe aglajela wo le tétékpɔmɛn le zogbeji. ⁹ Nucɛjɔ gacimɛn mitɔgbuiwo jiagla yi sɔ deŋkpɔ yi kakanan oxue amɛnkalɔ wokpɔ odɔ wawa xiyɛnwo. ¹⁰ Nɛnnɛnlɔ ŋdo dɔmezi do jijimɛxɔn, ŋnubé " wobunɔn gasiagamɛn le oji wotɔ womɛn yi woŋde jesi omɔn xiyɛnwo ¹¹ Nanta le dɔmezi xiyɛnmɛn: wondado jigbɔdɛ xiyɛnmɛnwo ¹² Micɔ midokuiwo nɔviwo nɔn mɛnɖe ngbe ngbéɖo oji yran yran jimɛnsɛnsɛntɔ oji ci trɔ le Mahu agbe agbe gbɔ. ¹³ Vɔ mido ŋsɛn miandokuiwo gbeciagbé, kakajé gaci mɛn wonubé « ogbɛ » nɔn mɛnde le mianmɛn alike le nuvuimɛn wo. ¹⁴ Do mitɔzu odɔdekɛ wavi nɔn christo, nɔn mihɛn sɛnsin kabndoji miantɔ doji so tɔtɔji kaka sɔyi vɔ vɔ nu. ¹⁵ Wonuso xɔnŋci bé «ogbɛ nɔn misé ogbé yɛtɔlɔ mingbe sɛnji mɛn sigbé aglaje jemɛn.» ¹⁶ Mɛndegni mɛnci sé mahu vogbé sa yije agla? ŋɖegni mɛnciwo Moise deto le Egypte yɔlo?. ¹⁷ Mɛnɖewo yi va do dɔmezido kakanan oxue amɛnka? ŋdegni ùɛnciwo le nauvi wakɔ yi ŋcilan wotɔ le agnijekɔ le zogbejilo? ¹⁸ Mɛnde yivatanan be yɛmɛndayi do vovo yetɔmɛn, nɔn ŋɖegnin mɛnciwo yi gbetonu sésé niwo? ¹⁹ Mikpɔbé wondeyi texuelɔmɛn sɔkuɖo.