¹ Déviho, missétonú nɔ́ djila mitoho, sibé lécinɔ́ yi Awúéto nui, no nɛnnɛnhanú yɔ́. ² "No búbú nɔ́ édaho kúdo énɔ́ho; " ³ "Nɔ́ énú ayɔ́ nɔ́hɔ; nɔ́ nan dɔ́ci lé ayigbandji " ⁴ Miho djilahóa, migbédo dɔmenzi nɔ́ mivihó. Vɔ mikplɛnho soto Awétolomɛn. ⁵ Dowaviho, misétonú non awétɔ mitɔho kúdo vɔ́vɔ́, kúdodjimɛn fa.Misétonú non lécinɔ́ mila sétonú non Chriso ha. ⁶ Migbé si ounkɔmɛn dékè non ho.Sɔtovo nɔ́ hɔ́han misétonu sibé dɔwavi Chriso tɔha.Miwa Mahu hodjro kúdo édji adodui. ⁷ Miwadɔ nɔ́ho sibé Awétɔ lɔ yi milé hodɔ wanankɔ. ⁸ Miangnan bé nɔ́ édɔ adodui ci méné wa lɔ, héla nɔ adjɔ lé Awétɔ lɔgbɔ.Nɔ́ Amɛn lɔ yi dɔwavi alo nɛn dɔwavi ho ⁹ Miho awétɔ hoa, miwa oundékaho nɔ́ dowavi miantɔ ho.Migbé do ayo nɔ́ ho .Mi yanbé mɛnci iyi Awétɔ miantɔ yi Awétɔ hot hélé djipo. Yè nɛn va kpɔ nɔ́mɛn yiva wani nɔ́ amɛn ho. ¹⁰ Miho kpètè lɔho, mido ounssɛn miandékiho lé Awétɔ lɔmɛn sɔto ounssɛn mɛn. ¹¹ Midɔ kúdo awanú Mahu tɔho akpéci agbédɔ́ le légba kɔ. ¹² Do nɛn ouncilan kúdo éhoun yi milé awaa wa kpanta kɔ.Vɔ awaa miantɔ kpanta acèkpakpa gbongbonmɛn tɔho, oga vivicimɛn fiɔnúwé hotɔ, gbongbon ékúyranyran tɔ ci nɔ́ho yilé téhé kuèkúè ho. ¹³ Ciyi nɛnnɛnhan, midɔ kúdo awanú Mahu tɔho akpéci agbédɔ́ lé ounkɔ nɔ́ azan vúiho.Nɔ́ miwa nɛnnɛn mila liké. ¹⁴ Mi gbédɔ́. Miwa nɛnnɛnha honú gacimɛn miva bla alici kúdo godjiblanú éyɔ́yanho kúdo djúèdjú́è yiyi ɔ. ¹⁵ Mido fɔkpa ciyi nan nɔ́ zozo Mahu gnɔ́ djradjra tɔ. ¹⁶ Misɔ lé gadékpúikpúi mɛn akpohɔnú hɔssé tɔ, ci milassɔci ézo fountɔ lɔho tɔ. ¹⁷ Misɔ kúkú dédékpɔ tɔ kúdo awui gbɔ́gbɔ́ lɔ ci yi Mahu gnɔ́ lɔ. ¹⁸ Miwa gbédoda, kuifan déssiadé sɔto gbɔ́gbɔ́ mɛn. Miwè kúdo vévédonú, mido gbéda nɔ́ Amɛn kúèkúè ho. ¹⁹ Mido gbéda do ta noun, nɔ́ manhɔ ahɛn so Mahu gbɔ nɔ́va houn énú. Nɔ́ man nan nɔ́ hoadjéssi Mahu yɔ́lɔ. ²⁰ Ounyi affɔdoté tɔ Mahu yɔ́ lɔtɔ, nɔ́ sɔto yèmɛn lɔ man kpéci ahonúho kúdo kandodji sibé lécinɔ́ yidjé. ²¹ Nɔ́ mihocan mian djéssi édɔ hïyɛn ho kúdo leci ounfɔ do.Tychique, nɔ́vi lɔ́lɔ́ tɔ, dowavi lé gbédji lé Awétɔ lɔmɛn lava donɔ́ ahɛn nɔ́mi . ²² Yi wanú yi dui donami nɔ́ mianva sénɔ́ léci nɔ́ milé ,nɔ́ yafanɔ́ édji miantɔ ho. ²³ Nɔ́ mianssɔ ouncifafa, dɔmɛnyui kúdo hɔssé ci so Mahu otɔ kúdo Awétɔ Yésu-Chriso gbɔ sɔnan nɔ́viho. ²⁴ Nɔ́ mɛnnúvévé anɔ́ amɛn dóssiadé ci lɔ́ Awétɔ Yésu-Chriso miantɔ kúdo lɔ́lɔ́ mando gbɔwué.