¹ Paul, Apôtrou Yésu-Chriso tò sɔ̀tó éjro Mahou tò min, sɔ̀ yi non doukoun kokouè Mahou tè tchi non lé Ephèse doulomin koudo ogbégni noussrovi lé Yésu-Chriso min ² Non minnouvévé nin nonmianji koudo untchifafa tchissó Mahou miada gbò koudo Ahouétò Yésu-Chriso. ³ Non Mahou koudo Eda ahouéto Yésu-Chriso miantò̀ tòlò agni kafoukafou! yi nanmi yrayra gbongbonmintò détiadé tchi lé jipo lé Chrisomin. ⁴ Mahou tchanmi lé yè min só́ tótójinon hiheló̀, non miangni aminkokouè koudo mintchininno édihóhó dékpokpoui lé unkouvi yètò min ô. ⁵ Kéungbohoué olàdjimilò Mahou sɔ̀mi sibé évi sòtò Yésu-Chriso min, sɔ̀tó éjro adodui yètòmin. ⁶ Ovitchimi gnilò énan kafoukafou non minnouvévé yètò tchi nanmi gbagbaló sɔ̀tó mintchi lonmin. ⁷ Lé Yésu-Chriso min lò otroyihlèmi sɔ̀tò éhoun yètò min koudo sòssò̀ké non onounvoun ô, sɔ̀tó minnouvévé yò̀assi yètòmin. ⁸ É̀sɔ̀ minnouvévé hɔ̀n kodomianji lé unnoungnangnan koudo onounmonjétchimin. ⁹ Mahou sɔ̀défiò̀mi onoukpò̀kpò̀ tchi yi lé hlouahlouamin non éjroyitò sòsó létchi jrouino, koudo tchi sɔ̀défiò lé Chrisomin. ¹⁰ Odò Chriso tòlò égni tótómin dé tchilava tchètchèmin légahoholomin, asɔ̀bò onundétiadé, onundétiadé lé jikoussi koudo agnigban, lé éga déka gonmin, lé Chrisomin. ¹¹ Lé Chrisomin là ossòmi sɔ̀dó égoudoutò ya.Ossò̀gbéta xɔ̀n yè nò̀nmi dagni yóyó, lé tótómin mintchi wanonnou détiadé sɔ̀tó nounkpokpo éjro yètòmin. ¹² Mahou sɔ̀mi sɔ̀nó égoudoutò non miangni amindégboun tchi ô lano unkouvidódó kandojitò lé Chrisomin, ninnin ya lò milagni kafoukafou non untchikokouè yètò . ¹³ Lé Chriso mi , miotchan tchimissé ognon gnanho tò̀ lò, ognon tchigni dédékpokpo miantò̀, yi mihouè jissé yi oblami koudo gbongbonkokoué tchigni ungbédodo. ¹⁴ Gbongbon kokouè yi nanmi kandoji non égoudoudou miantò kaka sɔ̀ yi gatchimin yi là trozoun miantò, assɔ̄yinon kafoukafou non untchikokouè yètò̀. ¹⁵ Sɔ̀koudo ognonjojouè xɔ̄n tchi, só́gatchimin yissébé miyò Ahouétò Yésu-Chriso sé lò, koudo lonlon miantò non doukon kokouè Mahou tò, ¹⁶ Gnin nin tati akpédodo non Mahou dota nonmi lé kouifan yignin ô min. ¹⁷ Undogbéda bé Mahou Ahouétò Yésu-Chriso, otò̀ untchikokouètò, wananmi gbongbon unnougnangnantò koudo dédéfiò lé onoujéssi yètò min . ¹⁸ Undogbéda bé unkouvi ojimiantò tòlò aklin non miangnan unkouvidodo kandoji tchi yi oyominan koudo dokounnou tchi hó yi lé ogoudoudou doukon kokoué Mahoutò dodomin. ¹⁹ Koudo lé kufan yigni hò min lò, unbionon bé mianmonnoujé unsingangan yètè tchi mi yononsé, sɔ̀tó edowawa unsinyètō min. ²⁰ Héhiva Chriso mɛn, hifui so ékúho mɛn, yi sù̀è sɔdo dùssici yètɔ lé téwè kúèkúè ho mɛn, ²¹ Lé tanɔ́ ounssɛn déssiadé, acèkpakpa déssiadé, yi sué sɔdo tanɔ́ yikɔ déssiadé so égbé kaka sɔyi tègbè. ²² Hé súèssɔdo éta nɔ énaun déssiadé, yisú́édo ta nɔ́ cɔci , ²³ Ciyi ouncilan yètɔ, cilé énú déssiadé mɛn lé téwé déssiadé.