¹ Só hamɛn fófó lɔ́ gbɔ dàdà yannú tchi asɔ́ lɔ́ gbɔ́ kudó éviɛlɔ̀hò, tchi égnɛn kùdo amɛnsiamɛn tchi jesi yanhótɔ̀tɔ̀lɔ̀ lan . ² Sɔ̀ kudo yanhótɔ̀tɔ̀ tchi lé mia mɛn lé égbɛ ilà và non mia mɛn kàkàsɔ̀yi. ³ Nɔn Mahu étɔ̀ kudò Yésu-Chriso ci yi évi nɔn étɔ̀lɔ̀, à nɛn nan mi mɛnnùvévé, ŋsikuku kudò ŋefafa lé yanhotɔtɔ kudò lɔnlɔn mɛn ⁴ Ŋkpɔ̀ jijuɛ̀ sùgbɔ̀ ŋvakpɔ̀ éviɔ déhò lé yanhɔ̀tɔ̀tɔ̀lɔ̀mɛn sɔ̀tɔ̀ ɔsé ci mi xɔ sò étɔgbɔ. ⁵ Fifiɛlɔ, ŋlé kukudékɔ̀nan yannu, nɛn yi bé ŋgbé unlé asé yò yò bu nan kɔ̀yɔ̀, vɔ̀ ci yi mi xɔ̀ sò tɔ̀tɔ̀ji ,yiyibé mi lon mia dékiho . ⁶ Yi lonlon xɔan lɔ̀ yi bé wa zon tò osé yɛ tɔ̀ wa mɛn . Iyi osé cihà mikplan lé tòtòji ci mɛn midà la zantò. ⁷ Ɖo a mɛnblétɔ̀hò sùgbɔ̀ hɔ̀ tò. Ɖo hihélɔmɛn, yi onénunan bé Yésu-Chriso mɛn va sɔ̀ tò̀ ŋcilanmɛn .Mɛn nɛn nɛn a tɔ̀lɔ̀ oyi amɛnblétɔ̀ yi gbé yi légbà. ⁸ Milébà non mia dékihò non mi gbé và bù acikù sɛn sɛn égblà dɔ̀dɔ̀ mia tɔ̀, vɔ̀ nan mia xɔ akpédàdà sùgbɔ̀. ⁹ Mɛn dékpui kpui ci là didi dàdà nùkplan kplan Yésu-Chriso hun ci lɔ̀, nɛn gbé dà Mahu. Mɛn ci fénùkplan kplan Chriso là mɛn lɔ̀ édò étɔ̀ kudò évilɔ̀. ¹⁰ Non mɛn dé va mia gbɔ̀ yi nɛn hɛn énùkplankplan hɔn lɔ̀, mi gbé wɛ dò awɔmɛn miatɔ yi mi ŋgbé dɔ̀ gbé niɔn . ¹¹ Mɛn ci yi dà gbé ni lɔ wà nùviun kù dɔ̀ amɛn nɛn nɛn hà tɔ̀. ¹² Ŋdò nù sùgbɔ̀ là wlɛn non mi nɔ̀ yɛn nɛn ji là wlɛn nù non mi kùdo wéman kùdo bikisiò.Vɔ̀ ŋji la va miagbɔ a wonùhɔ̀ nɔn mi, nɔn jijuɛ̀ miatɔ̀ ayi jijuɛ adajiu. ¹³ Nɔnvio ynɔnnùsi ci osɔ̀lɔ̀ vihɔ̀ dɔ̀gbé dàdà.