¹ Ŋdo ŋsɛn amɛnjeŋkɔ , be mianbiɔ ,awa gbedoɖa ,kpeɖoci kuifan kuɖo akpé dodo wolɔwo doɖa agbétɔwogbɔ ,

² ɖoɖa amɛn amɛntɔ ciwowé lé gajiwo kudo amɛn kpɛtɛlɔwo nɔn mianzan agbenɔnnɔn adodui cijé le kɔkuɛgnignimɛn ku jɔjuɛmɛn .

³ Cè gnɔn yijé le ŋkɔ nɔn Mawu hlɛngantɔ miantɔ .

⁴ Ejro bé amɛnciamɛn akpɔ ɖéɖé akpéŋci ajési yanwolɔ . ⁵ Ɖo Mawu ɖéka yili yi amɛnɛka yi lé Mawu kuɖo agbétɔwo dodomɛn ,yesus christo ⁶ ,yi sɔ yɛɖeki sɔsavɔ nɔn amɛnciamɛn ,nɔn yiyi ɖasé ci olaɖé le gahoho adoduilɔ mɛn .

⁷ Sɔ kuɖo nukpɔkpɔhɔci yi wosɔhu aposolo .Ŋlé gnanwo tokɔ yi gnɛn ŋɖele ŋsu kankɔwo .Ŋgni cica nukplamɛntɔ manxɔsetɔwotɔ le xɔsé ku yanwototomɛn . ⁸ Ŋji bé amɛnɖesiaɖe adogbéɖa le afisiafi ,akɔ alɔ kɔkuɛ san dɔmɛzi san nudondon ⁹ .Nɛnnɛnké ŋjibé yɔnusiwo nɛn waɖ adonu yuiɖé la amɛnɖokui ɖuɖojimɛn wogbeva blaɖao alo asɔ sika ku gavi alo ado onun hɔasiwo ,

¹⁰ Vɔ wonɛndo onucigni nudodo gnɔnnusitɔ ci ɖé jɔjuɛ gnigni walɔ adodui fiɔ . ¹¹ Yɔnusi ɖo la kplan le nubɔbɔ ku bɔbuɛ mɛn .

¹² Gnɛn ŋɖeɖemɔn nɔn gnɔnnusi be ya nan kplan alo azan acɛkpakpa ɖo ŋsuglojio ,eɖolanɔn nubɔbɔmɛn . ¹³ Ɖo Adam ɖegbi yi wowa ,yi vawa Eve .

¹⁴ Yi ŋɖegni Adam yi wovablééo ,vɔ gnɔnulɔ yi wovablé kehukehu sɔ bubumɔnji .

¹⁵ Fifiɛlɔ elakpɔ ɖéɖé sɔto ovio ciwo laji mɛn nɛdo vévénu lé xɔxémɛn lɔnlɔn ,avɔsa kuɖo tamɛnsusu adoduimɛn .