¹ Enyɛ Pɔlu ci yi wo lé do gakpa mɛ do Yesu Kliso ta kodo nɔvi Timɔte yi ŋwlɛ wema cɛ ɖaɖa Filemɔ miwo xlɔ vevi edɔ ɖekɛ watɔ ² mi gbe ŋwli ɖaɖa mì nɔvi nyɔnu Afia, kodo Ashipu amɛ ciyi mìwo kodo eyɛ bɔ le ahwa ɖekɛ waa, yi gbe ŋwli ɖaɖa Mawu 'ha ci yi bɔnɔ do wao 'xwe mɛ ³ Mawu mìwo da kodo mìwo 'xwetɔ Yesu Kliso le wa afenɔ nɔ mí yi a gbe na fafa mí ⁴ Filemɔ, nɔ ŋ do egbe ɖaɖa nɔ nyaŋ Mawu hweɖekpekpoinu ɔ; ŋ ɖonɔ eŋui eo yi donɔ akpe nɔ Mawu ⁵ .Ɖo ɔ, ŋ se yi wo xònɔ nuxu nɔ ŋ so wao lɔnlɔn kodo wao xɔse ci yi é ɖo do Axwetɔ Yesu ji yi gbe ɖeɖiɛ dansin nɔ nɔvi xɔsetɔwo pleŋ. ⁶ Ŋ biɔbiɔ Mawu be wao lɔdodo xɔse 'nyɔmɛ le ze sɔto edɔwawa mɛ nɔ wo a jshi enunyui ciwo yi mì ɖo le mìwo 'jujunɔnɔ kodo Kliso lɔ mɛ. ⁷ Nyawo nɔvinye eji jɔ ŋ sugbɔ yi ejidoxo va nɔ ŋ do lɔnlɔn 'fɔ ci yi é ɖeɖeɛ nu. Ɖo sɔ to éo ji ɔ, a yexa je anyi nɔ xɔsetɔwo. ^{8 9} Eyi na taɖo ci yi Kliso na acɛ ŋ yi na nu enu ci ji eɖo a wa do ashi nɔ éo dru can ɔ ŋ ji be na ɖekuku nɔ eo le lɔnlɔn lɔ ta. Enye Pɔlu ɔ, ŋ ku nyɔxo yi gbe sɔ wugan nɛnɛ ɔ, le gakpa mɛ do Yesu Kliso ta. ¹⁰ Ŋ le kuku ɖeɛ nɔ eo do eta nɔ evinyɛ Onɛzimu, amɛ ci yi ŋ va trɔ eda nɔ le gakpa ¹¹ mɛ.Sasa ɔ, d'é nyi rnuɖewanu nɔ eo go. Vɔ eviɛ ɔ, nyi enuwanu nɔ enyɛ kodo eo. ¹² Ŋ trɔɛtrɔɛ ɖaɖa eo shigbe evinyɛ vevi han nɛnɛ. ¹³ E dro ŋ be na gbii ɖɛ do enyɛ ɖzki gbɔ nɔ awawa edɔwo nɔ ŋdo wao texu kaka a sɔ je gaci mɛ yi na to le gakpamɛ do . Eŋɛnyui ta . ¹⁴ Vɔ ɔ, ŋ de ji be na wa enuɖe le wao godu go nɔ wao nyuiwawa ŋgbe va nyi ejiʒinʒin vɔ ɔ kodo edro faa. ¹⁵ Vlavo ɔ, Onezimu ɖe le eo nu sɔnanɔ azan ka,ki ɖe keŋ nɔ na va trɔ a kpbɔɛ sɔ yi tɛgbɛɛ. ¹⁶ D'é nyi hwashi hanji yi a gbe gbɔ nɔ eo do go, vɔ ɔ, do amɛ ci yi nyɔ wugan hwashi é trɔ gbɔ shigbe nɔvi ɖeka le Kliso lɔ mɛ nɛnɛ. Amɛ ci yi to akpo ɖe ka yi enyi nɔ ŋ. E gbe nyui awɛ vevi nɔ eo sɔwu le ŋcilan kodo axwetɔ lɔ mɛ ¹⁷ Ci yi e le nɛnɛ, nɔ ékpɔ be enyɛ ŋ nyi nɔvi edoɖekɛwatɔ kodo eo, lɔ é xɔxɔ nɛnɛ. ¹⁸ Nɔ é wa enuɖe kodo eo alo eɖu efɛnɖe do eo, drɔ wo do nyaŋ kɔnŋta mɛ. ¹⁹ Enyɛ pɔlu ŋtɔyi alɔ ŋwlɛŋwlɛ nyɔ ɖaɖa eo: Na cu efɛn lɔ nɔ eo. Ŋ de ji be na ɖoŋui nɔ eo be eo can e ɖ eotɔ 'gbe 'fɛn do enye hɛnɛnɛ go. ²⁰ Ɛɛ nɔvinyɛ, wa edɔ cɛ nɔ ŋ, enyɛ yi a wɛɛ nɔ le axwetɔ lɔ mɛ. Na nɔ nyaŋji a a je mɛ le KLiso lɔ mɛ ²¹ ŋ kando wao tonusese ji, yi dɔ yi ŋ le wema cɛ ŋwlɛɛn ɖaɖa eo ŋ nya be a wa enu kaka a wu egan ci yi ŋ biɔbiɔ eo ²² ŋ gbe le eo biɔ zeɖeka be eo le dra nɔxwu ɖeka do daɖɛ nɔ ŋ. Ɖo ŋ le emɔ kpɔɔ be wo a jo ŋ na sɔto míwo 'gbedoɖawo mɛ yi na trɔ gbɔ va mí gbɔ. ²³ Epafiasi, nyaŋ kpema ci yi le gakpa mɛ kodo ŋ do Yesu Kliso ta, dodoɔ egbe ɖaɖa eo. ²⁴ Nyaŋ bɔdonutɔ Maki, Alishitaki, Demasi kodo Luki can do egbe ɖaɖa eo. ²⁵ Afenu mìwo 'xweto Yesu Kliso tɔ le nɔ kodo míwo gbɔngbɔ!