¹ Enyɛ ʒuda ci yi nyi Yesu Kliso 'dɔwavi yi gbe nyi ʒaki nɔviɛ yi ŋwlɛ wema cɛ. Ŋ ŋwlɛ wema lɔ ɖaɖa amɛciwo yi Mawu Eda yɔ Mawu Eda lɔ lɔn amɛ cɛwo veviɖe, yi e le wowo 'ta kpɔɔ daɖɛ nɔ Yesu Kliso ² Mawu ŋshishikukunɔamɛ; yì fafakodo yì lɔnlɔn le gbe su egbɔ n mí doji gɔɖɔɔɔ. ³ Nya 'xlɔ veviwo, ci yi ŋsɛnwo pleŋ doɔ be na ŋwlɛ enu ɖaɖa mí so lehanci yi Mawu bɔ yí xɔ nɔ mì do ji ɔ, e va le nɔ ŋ dandandan be ŋɖo a ŋwlɛ enu lɔ ɖaɖa mí ŋɖo a ŋwlii keŋ a sɔ do ŋsɛn lanmɛ nɔ mí awa ahwa do eta nɔ xɔse ci yi Mawu sɔ na xɔsetɔwo zeɖeka yi enyi é vɔ. Ésɔɛ na wo zeɖeka kpaŋ yi enyi e vɔ. ⁴ Nyao ɔ, amɛvɔn ɖekawo va míwo domɛ amɛde manya. E jiji viɛ yi wo ŋwlɛ daɖɛ do Mawu 'nyɔ wemawo mɛ be Mawu so ekufiɔ nɔ nɛnɛ 'mɛwo. Wo trɔ afenu ci yi Mawu wa nɔ mì sɔ wa heteli 'nu keŋ yi gbegbeɛ enu so Yesu Kliso ci yi nyi mìwo 'ga kodo mìwo 'xwelɔ kuɖeka lɔ nu. ⁵ Ci yi míwo nya enyɔ hɔnwo pleŋ xoxoxo can ɔ, ŋ ji be na ɖo eŋui nɔ mí be ci yi Mawu xɔ nɔ Izrayɛli jukɔn yi è to le Eʒipte ' ju mɛ go du ɔ, é va gu amɛ ci wo yi gbe be yewo d'a xɔɛ ji se. ⁶ Mí ɖo eŋui be mawudɔla ciwo de nɔ bubu toxuwo ci yi wo ɖo nɔ wo keŋ yi sogbe wowoŋtɔwo nɔxu ɖɛ ɔ, Mawu bla wo do awlɛga mavɔmavɔ mɛ do viviwo mɛ sɔ dáɖɛ nɔ kojo ɖogbe gangan lɔ. ⁷ Mí kpɔ sosomu kodo gomora juganwo kodo jugan ciwo yi trɔ do wo kpɔwɛ ɖa. Amɛ ciwo yi le jugan hɔnwo mɛ ɔ, zodo neteliwawa mɛ shigbe lehanci yi mawudɔla lɔwo wa enu hwenfihwɛnfi hɔnwo do nɛmɛ. Wo dɔn kodo enuwawa ciwo shi yi jɔjɔmɛ bule. Nɛnɛ ɔ, Mawu cúcú wo dó ezomanvɔ mɛ yi dɔndɔn eto nɔ wo keŋ yi sɔ kankan xle amɛwo. ⁸ Nɛnɛ 'mɛwo bɔ zɔnnɔ agbe ŋnɔɛɖe kɛ. Wo xonɔ eɖyi wowo ŋcilan kodo susu ciwo yi wo drɔdrɔ, wo gbanɔli Mawu 'Fiɔɖuɖu yi zunɔ enu ɖoɖo klɛhklɛnwo . ⁹ Mishɛli ci nyi Mawudɔlawo ga can de xo ehwɛdonɔmɛ nuxu ɖe kpɔ go.Gacimɛ yi e le ahwa wao kodo santanna gacimɛ yi e hwlɛnhwlɛn .Moyizi cɔ le shi can ɔ, d'e lɔn yi zu santanna go .E nu nii kpoŋ be :"Mawu le dɔn eto nɔ eo !. ¹⁰ Vɔ amɛlɔwo ɔ, wowo zunɔ enu ci wo de jeshi dɛ. Yi enu ci yi wo nya shigbe. elan maɖotagbɔwo nɛnɛ ɔ, yi dɔndɔn wo do gblegblemɛ. ¹¹ Babɛɛ nɔwo! .Ɖo kayɛn fɔ ji.Wo xa do eho nu yi bu emɔ shigbe .Balamu nɛnɛ.Wova yi vɔ do egufɔnfɔn mɛ shigbe kole nɛnɛ. ¹² Nɔ miwoɖeɖewo bɔdo eju ɖegbɔ yi a ɖu nɔviwawa' nuɖuɖu ɔ, wawa yi xonɔ eɖyi mi. Wo ɖunɔ agɔ yi ale enu ɖuɔ kpoŋ enuɖe mavɔn nɔ. Wo le shigbe be aci ciwo yi ji yi wo de kpɔ sɛnsɛn le gacimɛ yi wo ɖo a sɛn do nɛnɛ. Wo le shigbe be aci ciwo yi wo ho kodo eke nɛnɛ.Wo ku yi gbe ku ké. ¹³ Wo le shigbe be axushiblabla ci yi gban do ago ji nɛnɛ. Ŋkpɛnnu ciwo yi wo wanu le shigbe fueukɔ ci yi axu lɔ teteɛ nɛnɛ. Wole shigbe be wleci vi ciwo yi juinjuin yi Mawu dra texwe ɖeka daɖɛ nɔ wo le vivi ciɖiciɖi lɔ mɛ sɔyi tɛgbɛɛ nɛnɛ ¹⁴ Wowo lɔwo ke nu yi Enɔki ci yi nyi jijimɛvi amadrɛtɔ lɔ so Adamu ji xo nuxu shigbe be Mawu'Ŋɛdotɔ nɛnɛ sɔ daɖɛ sasa be :"Mawu va kodo yi dola kɔkɔɛ sugbɔ donu kotokun nɛniɖe nɛnɛ. ¹⁵ É gbɔgbɔ yi a va ɖo kojo kodo amɛwo pleŋ le xexe lɔ mɛ keŋ yi a na be enuvɔnwotɔwo pieŋ a jeshi wowo' nubaɖa ciwo yi wo wa. A na yi wo a jeshi egbekannɔamɛ nuxu ciwo yi amɛmabu'mɛ hɔnwo xo nii". ¹⁶ Amɛwo yi wo nyi yi tonɔ'nyɔ do anunmɛ, wo fannɔ ekui do wowo nɔnɔmɛ ta.Wo nɔnɔ agbe shigbe le hanci yi edro wo do nɛnɛ. Wowo' ɖewo danɔ egbe nɔ amɛ sukutɔ yi nɔ wo kpɔ be enuɖe a nyɔ nɔ yewo le amɛɖe gbɔɔ, wo a tɔ fufu doda do eyɛ. ¹⁷ Nyaŋ'xlɔ veviwo, miwo ɔ , mi do eŋui enyɔ ci yi míwo'xwetɔ Yesu kliso' medɔdɔwo nù nɔ mí sasa vayi ji. ¹⁸ Wa nu nɔ mi be :"le xexe lɔ vɔvɔnu ɔ, amekotɔwo a va li yi agbe le agbe nɔɔ shigbe lehanci yi wowo'nubaɖawo drodroɔ wo do nɛnɛ; Mawumashitɔwo yi wo nyi." ¹⁹ Wowo yi hɛnnɔ mama va amɛwa donnɛ! Agbetɔwo susu yi le wo shi yi Mawu Gbɔngbɔn yɛ de le wa me go. Wo le shigbe be elanwo nɛnɛ. ²⁰ Vɔ mi wo nyaŋ'xlɔ veviwo ɔ, mí tekpɔ a cù miwoɖekiwo do xɔse kɔkɔɛ ci yí mí ɖo ji.Mído nɔ egbe ɖaɖa sɔto Gbɔngbɔn kɔkɔɛ lɔ ŋsɛn mɛ. ²¹ Mí lé míwoɖekiwo do Mawu lɔnlɔn lɔ mɛ yi a sɔ nɔnɔɔ ete nɔ miwo'xwetɔ Yesu kliso n'ɔ a kpɔ ŋshishi nɔ mí nɔ mí nɔ agbemavɔ lɔ me yiyi. ²² Mí kpɔ ŋshishi nɔ amɛ ciwo yi xoxoɔ enu kpɔ. ²³ Amɛɖekawo li yi yiyiɛ ezomɛ. Míxɔ nɔ wo yi a xɔ wo le ezo shi.Mí kpɔ ŋshishi ci nu yi vɔnvɔn bɔdo amɛɖowo. Mi ŋgbe tɔ alɔ wowo 'wuylaya ciwo yi gɔn do enuvɔn wawa yu mɛ gotu kpetii go. ²⁴ Mawu yi ɖo ŋsɛn yi a sɔ alɔ cɔn mí nɔ mí ŋgbe je enuvɔn mɛ yi a gbe kplɔ mí vayi klɛnklɛ lɔ mɛ le jijɔ gangan ɖeka mɛ afɛn ɖe manɔ mí nu. ²⁵ Eyɛ ci yi nyi Mawu yi xɔnɔ mí to Eviɛ Yesu Kliso jiɔ, yitɔ yi nyi kafukafu, gangan-gan , ŋsɛn kodo acɛkpakpa kaka sɔ yi mavɔ. Amɛn "Ami/Avamɛ".