¹ Enye, hamɛmɛgan yi ŋwhlɛŋwlɛn wema cɛ ɖaɖa Axwenɔ ci yĩ Mawu cɑ́n. Eo kodo eviwo ciwo yɩ́ ŋ lɔnnɔ le nyɔnɔnui mɛ yi ŋ ŋwhliŋwliɛ ɖaɖa. Ɖ'ényi enyi ɖekɛ yi lɔnnɔ go. Amɛ ciwo pleŋ yi jeshi nyɔnɔnuɩi lɔ cɑ́n lɔnnɔ mɩ́. ² Ɖo nyɔnɔnui lɔ le mi mɛ yi a nɔ mɩ́ mɛ soyi tɛgbɛɛ. ³ Mawu eda kodo yesu kliso ci nyi nyi eviɛ le wa xomɛvvnu nɔ́ mɩ̀, le kpɔ ŋshishi nɔ mi yi agbe na fafa mɩ̀ le nyɔnɔnui kodo lɔnlɔn mɛ. ⁴ Cɩ́ yi ŋ kpɔ yi evio ɖekawo zɔnzɔn do nyɔnɔnui lɔ ji shgbe lehan ci yi Mawu Eda 'gbeɖeɖe dɔ mɩ̀ do nɛnɛ ɔ, é jɔ eji nɔ ŋ sugbɔ. ⁵ Enu ci yi ŋ ŋwhlɛnŋwlɛn ɖaɖa éo de nyi egbeɖeɖe yoyu go. Egbeɖeɖe ci yi mɩ̀ nɔ so gɔnmɛjeje lɔ yɔ. Eƈɛviɛ ɔ, Axwenɔ vevi, enu ci yi ŋ biɔbiɔ eo ge : mɩ̀ a lɔn mɩ̀wo nɔnɔwo. ⁶ Lɔnlɔn lɔ yi nyi wo qwa do Mawo 'gbeɖeɖe ji. Egbeɖeɖe ci yi nyi be mɩ̀ se le gɔnmɛ eje lɔ mɛ yi nyi be mɩ́ ɖo a zɔn le lɔnlɔn mɛ. ⁷ Amɛbletɔwo alo kliso Ketɔwo sugbɔ va gbando xexé lɔ mɛ. Wowo gbe be yesu kliso de sɔ agbetɔ jɔjɔmɛ yi va go. Nɛnɛ amɛwo yi nyi amɛbletɔ, klisto ketɔ lɔwo nɛ. ⁸ Mɩ́ kpɔ mɩ́woɖekiwo ji nɔ mi ŋgbe va sɔ ele ci yi le mɩ́ dɔwawawo mɛ sɔ bu go. vɔ ɔ mɩ́ a nɔ mɩ́wo fɛncu lɔ blebu ⁹ Amɛ ci yi teyi azɔge nɔ klisto lɔ 'nkplankplan yi da le enukplankplan lɔ mɛ ɔ, nɛnɛ han 'mɛ de nɔ Mawu do eji mɛ go. Amɛ ci yi lé enukplankplan lɔ mɛ hɔ Eda Kodo Evi lɔ do eji mɛ. ¹⁰ Nɔ 'mɛ va mɩ́ gbɔ yi de nɛn enukplankplan cɛ ɔ, mɩ́ ŋgbe xɔɛ do mɩ́wo 'xwe mɛgo yi mɩ́ ŋgbe nii can. ¹¹ Ɖo nɔ amɛɖe do egbe nii ɔ amɛ lɔ le enubaɖa ciwo yi é wawa lɔ mɛ kodii ¹² ŋ gbe ɖo enyɔ sugbɔ buwo yi a nu nɔ mɩ́ ganké ɔ, ŋ de gbe ji be na sɔ wema kodo wema ŋwlɛnci ŋwlɛn wo ɖaɖa mi go. Ɖo ŋ wawa susu be na va mɩ́ gbɔ yi a xo nuxu kodo mɩ́ ŋmɛ kodo ŋmɛ. gahɔn mɛ, mɩ́ jijɔ a sɔ egbe ¹³ blebu. Nɔvio nyɔnu ci yi Mawu can eviɛwo dodoɔ egbe ɖaɖa eo.