¹ Ku mwaka uwa kwanza uwa Koreshi, umweene uwa Uwajemi, uYahwe walonga ulunongwa lwakwa lwene uYelemia watezile, na kukwinula umoyo wa Koleshi. Ilingu dya Koleshi dyasambana na kukwivwika ku umwene wakwe. Ichi chandikwe na kuteliwa: ² "U Koleshi, umweene uwa Uajemi, watela: Yahwe, Umulungu wa kululu, wamba unene umwene wosi uwapa welelo, na kundeula unene kukunzyengela umwene inumba ku Yerusalemu ya Yuda. ³ Yoyosi ku wandu wakwe (Umulungu awe papamwi nakwe) awezya kuwala ku Yerusalemu ku zyenga inumba kwajili ya Yahwe, Umulungu wa Islaeli, Umulungu yene ali ku Yelusalemu. ⁴ Awandu awa sehemu zyosi ku umweene wene washazile ku si na zahabu kukwikala wavwambiwa kuwapa awene ihela ni zahabu, isawe ni nyama papamwi na kufunya kulutogo ku numba ya Mulungu ku Yelusalemu." ⁵ Pine akali wikumbo dya Yuda nu Benjamini, amwandandi na alawi, na chila yene umoyo wa Mulungu wamwinwile kuuka na kuzyenga inumba yakwe wimilile. ⁶ Wala wene wawapilime papipi wawavwile ikwakuwapa ihela ni vindu zya zahabu, isawo, inyama, ivindu ivinonu, na kufunya kulutogo. ⁷ Umweene uKoleshi wazumila ivindu vyene alenge vilinumba ya Yahwe, vyene uNebukadleze wafunyizye kufuma ku Yelusalemu na kuviwika mu numba iya Umulungu wakwe. ⁸ U Koleshi wavilemika mikono mwa ya Mithledathi yene awikaya ihela, yene wavifunya na kuwazya kwa Sheshbaza, unkali wa Yuda ⁹ Ulu dwene uluwazyo dwakwe ibeseni amakumi yatatu aya zahabu, ibeseni iyelufu idyimwi izya hela, na mabeseni ayanji amakumi nu tisa, ¹⁰ isawazya amakumi ya tatu izya zahabu, isawe zya inditi izya hela 410, ni vindu iyelfu idyimi ivya konjezya. ¹¹ Alinge kulivindu 5,400 ivya hela ni zahabu. U Sheshbaza wavileta vyosi isambo idyasama kufuma ku Babeli kuwala ku Yelusalemu.