¹ Urusiko urwonde, hano Yeesu yeeghyanga na okoraareka abhanto amang'ana amaiya mo-magho agha risengero, akaeesherwa na abhasengeri senkonaare, abhegya abha amaragherryo na abhaghaka abha ikiyahudi. ² Hano bhahikire bhakamobhoorya igha, Toteebhi, amang'ana ghano okokora m-bhwera ke okoghakorra? Nawe yakohana ubhwera bhuyo?" ³ Akabhahonshora igha, "Oni wonswe nenda abhabhoori eng'ana, moranteebhi. ⁴ Ubhera ubhwa Yohana okobhatiisya abhanto, hai bhwarweereye? Nku Waryobha kasi kobhanto? ' ⁵ Bhakaboorania abheene, kobheene, bhalaghamba, "Hano toraghambe igha, Waryobha we yaatomire Yohana abhatiisiri abhanto, ho arathoboori igha nkwake mbe motaamukumri? ⁶ Na gwiki hano toramohonshore igha ubhwera bhuyo nko bhanto bharwereye, hayo ho abhanto bharaatoteme na amaghena, ko okobha mbaakumiri igha Yohana m-morooti yaare. ' ⁷ Mbe, bhakamohonshora igha, temomanyire hano bhwarwereeye he. ⁸ Yeesu akabhateebya, "Kara oni wonswe te-mbateebhi m-bhwera ke nkokora ghayo." ⁹ Ho Yeesu yaaghendereeyi okorengerya abhanto ekerengyo, "Yareho omonto uwonde ono yaameri emezabhibhu ko-omoghondo ughwaaye. Hano akomara, akaghosagharya ko-bhremi, akaghya ikyaro ikya ahare iyo, akaikarayo sinsiko sinsharu. ¹⁰ Hano enkagha yahikire akatoma omoghorwa uwaye ko-bharemi bhara yasaaghayi ko omoghondo yaamotomire okore anyoore ikitweno ikyaye ikya bhano bhaarenga bhaikereraini. Kasi hano yaahikire, abharemi bhaara bhakamotema, bhakamurughya amabhoko masa. ¹¹ Umwene omoghondo akatoma omoghorwa uwonde. Kasi uyo wonswe bhakamotema, bhakamosookya mo-bhanto, bhakamurughya amabhoko masa. ¹² Akatoma amaghorwa uwa katato. Uyo wonswe bhakamunyahaara, bhakamorekera ke bhara. ¹³ Mbe, umwene omoghondo oora akaibhoorya igha, bhoono iyake nkokora? Tigha mbe ntome mura waane omoghoonshe. Ndamanya uyo mbaraamosooke. ' ¹⁴ Kasi abharemi bhaara, hano bhaaroshe mura uwa umwene omoghondo, bhakatebhani igha, ono we ararya umwando ughwa suwabho. Bhoono tumwite okore omoghondo ghobhe ughweeto. ' ¹⁵ Mbe bhakamorekera kebhara iya omoghondo, bhakamwita. Ho Yeesu gabhoori igha, bhoono mbe motnteebhi iyake mwene moghondo oora araakore abharemi bhaara? ¹⁶ Umwene moghondo oora naraashe abhaite aghosaghari ko-bhande". 'Mbe ghatarehelera hare iyo, bhakaghamba, "Waryobha angere. ¹⁷ Yeesu akabhamaha, akaghamba, " Nke ensonga iya amandeko ghano? Reghena reno abhahaghashi bhangere kasi bhono ndyo Waryobha akore rebhaye reeghena rinene irya mo-bhorosa? ¹⁸ Omonto wowonswe ono ararighwere narabhoneke bhoneke. Na ono reraaghwere nderamoghoshe anyike. ¹⁹ Abheeghya abha amaragheryo naabhasengeri senkonaare, bhakamanya igha ekerengyo kiyo mbho arengeeyi igha mbaremi abhaghogho, bhakarera bhokong'u bhakatuna bhamoghootere-ho, kasi bhakoobhoha abhanto. ²⁰ Kubhuyo sinkunania isya Abhayahudi, sekabha seraitaaha Yeesu bhokong'u, Sekatoma abhamashi bhakaikara igha abhanto abhahene, bhabhori amang'ana agha ukumushinshighania ko obhoghambi bwaye, bhamuhire ko bhatangati abhe shinguru. ²¹ Ho bhakamobhorya, nokoghamba igha, "Umweghya, ntomanyire igha koghambore na ukweghya obhoheene ubhwene. Uwe tokobhoha ekyeo ikya omonto wowonswe, Kasi nkweghya ore bhuya kya bhono Waryobha akutuna. ²² Mbe, na mahene ko bheito ukurusya ekodi ko Kaisari, anga yeke?" ²³ Kasi Yeesu akang'uura uhwihunania ubhwabho bhuyo, akabhateebhya igha, ²⁴ "Munyoroki edinari. Ekekosa na iriina bheno bherenge ko dinari ni bhyawe?" Bhakamohanshora, "Nibhya kaisari." ²⁵ Yeesu akabhateebya igha, "Bhono, ni-igha, ibhya Kaisari momohanenga Kaisari umwene, na ibhya Waryobha mohanenga Waryobha.' ²⁶ Abhandeki na abhanene bhakabhorwa iya okoghamba tebhaatore okomaghashania ko mang'ana ghano yaghambire mo bhanto. Bhakaroghora amang'ana ghaye na bhakonga koghamba kento kyokyonswe. ²⁷ Ho abhasadukayo nyabhorebhe, bhakaya, mbayo bhaghambile igha abhaku tebhariryoka he, ²⁸ Bhakamobhorya, bhakaghamba, "Umweghya, Mosa yatwandekeye igha hano omonto arakwe atighe mokaye atana omona nigha mura wabho atwenerwe umusino oora aimereri mura wabho umughi. ²⁹ Bhareho abhamura muhungate omotangi akateta, akakwa atatighire omoona, ³⁰ no wakabhere wiki. ³¹ Uwa katato akakwa ighoigho atatighire ko omoona. ³² Omokari oora wiki akakwa. ³³ Ukuryooka kooho narabhe omokari wang'hwe? Mbe bhonswe muhungate mbamokore mokaabho. ³⁴ Yeesu akabhahonshora igha, "Abhanto abha amakora ghonswe igho agha ko-kebhara keno nkotetana bhare. ³⁵ Kasi bhaara mbaing'areeye ukuryokibhwa mo-bhaku, okomenya mu-kyaro ekehya, tebharetetana he. ³⁶ Tebharikwa ronde he, mbarebha kyaigho abha Malaika bhare na bhana bha Waryobha, abhana mbaryokibhwi. ³⁷ Ukuryoka hokore, kora Mosa akorokya amang'ana ghe kesaka, hayo akabherekera Omonene Waryobha uwa Ibrahimu na Waryobha uwa Isaka na Waryobha uwa Yakobo. ³⁸ Kubhuyo, omwene te Waryobha uwa abhaku he, no wabhahoru, Kubhuyo bhonswe bhaiki ku-Waryobha." ³⁹ Ho abheghya abha amaragheryo bhakaghamba igha, "Umweghya, mbhuyo aghambire bhuya. ⁴⁰ Ukusimirya hayo bhakobhoha okobhoorya amang'ana aghande. ⁴¹ Yeesu yaabhatebheri igha, "Ndora abhanto bharaghamba igha Kiristo narebha omoona uwa Daudi? ⁴² Na Daudi omwene araghamba ko Zaburi: Omonene yateebheri Omonene wane: Ikara ko kobhoko ko bhoryo, ⁴³ okohekera hona ndekohaana abhabhisa hanse ko magoro ghao. ⁴⁴ Daudi alamobherekera Kiristo "Omonene." Iyake arakore omona wa Daudi?" ⁴⁵ Abhanto bhonswe bhamwiteegheranga akabhateebhya abhegha bhaye, ⁴⁶ mwiyangarre na abheghya, bhara bhahanshere okotoora sengansho sentambe, na gwiki bhahanshire okokeribhwa ukwa okosookwa mo-moteera na kwikara kubhitumbe ibhya abhanene mu sinyumba isya esango na kunyangi. ⁴⁷ Abhene nkorya bhare ko si nyumba esha bhasino, bharakora amasabhi amatambe. Bhayo bharanyore ehukumu enene bhokong'u. '