¹ Akabhateebhya ekerengyo keno igha, bhaghenderinga okosasama Waryobha sinsiko syonswe igho bhatakukwa enkoro. ² Akabharengerya, igha yaareho umwaho kania uwa ibhiina umumghi nyabhorebhe, umwaho kania uyo tiya sokanga Waryobha he, kora tiyatonibhwi no omonto he. ³ Mumughi moora umwaho kania yaare, yaremo umusino omwe, umusino uyo yatwashenga umwahokania uyo no komo sasaama otang'a na ehaki iyaane kumubhisa uwane.' ⁴ Umwahokania uyo akaruta sinsiko sinsharu atakuwaho kania ikina kiyo, kasi ekahikaho enkagha eno umwene yaiteghereeye momotwe ughwaye igha, Oni tenkosooka Waryobha he, kora tentonibhwi no omonto wowonswe igho he. ⁵ Kasi kobhono umusino onno kunyaakya nenda mwahokani ikina ikyaye bhuya akore atakaanyora." ⁶ Ho bhono omonene yeetu yabhatebheri igha, "Mwighwe kyabhono yaghambile umwahokania oora ataare uwa heene. ⁷ Mbe Waryobha tabhahaane ehaaki abhaho wa abhaye bhano bhakomo sasaama ubhutiko nomobhaso? Nategheta okobhatorrya. ⁸ Nebhateebhya igha mbhoango arabhahane ehaaki iyabho kasi omona uwa omonto hano arikyora, anyoora abhanto bhakeena umukumo ko kebhara keno? ⁹ Akarengya ekerengyo keno ko bhano bhaimahanga igha mbanto abhaheene ku Waryobha, na eno bharasera abhande akabharengerya igha, ¹⁰ Bhaareho abhanto abhande bhabhere bhano bhagheeye murisengero irya Waryobha akamosasaama omwe mmofarisayo na uwonde nomoghooti uwa righoti yaare. ¹¹ Omofarisayo oora akaimera akasasaama Waryobha komang'ana aghaye umwene akaghamba igha, Waryobhandakukumya kookobha temoghoghonde kyabhanto bhande he, abhanto abhande mbaragheri, bharang'aina, mbasooraare, kora titubheni no moghoti wa righoti ono ahano. ¹² Nkwisasande ibhyakorya kabhere ku wiki, kurusyande ikitweno ikya ikomi ko bhento bhyane bhyonswe igho, nkohaana. ¹³ Kasi omoghoti uwa righoti oora umwene akaimera ahare kora tiyagharamereyi ku ryobha he, kasi akabha araitema tema kukikubha ikyaye ukweno kya igha abhabhayeeye akaghamba igha, "Waryobha, otanyabhera ini wa bhebhe nde. ¹⁴ Ndabhatebhya igha, omoghoti uwa righoti oora yakyore yeeka waaye aabheywe he, kila omonto ono akwinenehya Waryobha kumkyorya arehanse ksasi ono ukwikyorya hanse Waryobha komonenehya are. ¹⁵ Abhanto bhareteranga Yeesu kora abhengere akore abhasambekela amabhoko abheng'oore hano abheegha bha Yeesu bhaaroshe ghayo bhakahamela abhaibhori bhara bhatakanya ankya Yeesu. ¹⁶ Kasi Yeesu akabherekela abhana ko okotebhya abhegha bhaye igha, "Mutighe abhana abhake bashe kuoni, motakabharebhera kobhora obhokama ubhwa Waryobha nu bhwa abhanto kyabhano. ¹⁷ Ndabhyateebya igha, omonto wowonswe atakwikeerya obhokama ubhwa Waryobha ko omona ntalasoha bhokong'u. ¹⁸ Omotongi uwonde yabhoori, akaghamba, " Umwegha omoheene, yake nkakobha ndaghere umwando ughwa obhohoru ubhwa omokola ghonswigho? ¹⁹ Yeesu akamohonshora igha, Nkwake okombelekela igha uwa heene. ²⁰ Uwe nomanyire amaragheryo otakora obhosoorare, otakaita omonto, otakaibha, otakaimerela obhorongo, osooke usuwenyu na nyakuwenyu. ²¹ Omotongi oora akaghamba, "Amaragheryo ghano ghonswe koghasokande kurwa nkerenge omoke.' ²² Hano Yeesu yaighure ghayo akamotebhya, "Eeho eng'ana eno ukutunwa okore. Kaghi oghori ebhento bhonswe onabhyo oranyoore mo abhatobhu, ho orabhe emongo yaho kuryobha hano oramare ghayo, uushe onsoorane.' ²³ Akabha bhayera kokobha umwame yare bhokong'u. ²⁴ Hano Yeesu, yaroshe oora bhono yabhabhayeeye, akaghamba igha nkekong'u bhokong'u ko bhaame okosoha mobhokama ubhwa Waryobha. ²⁵ Okobha engamia entobhu bhokong'u okokera umwame okosoha mobhokama ubhwa Waryobha. ²⁶ Hano abhanto bhaighure ghayo bhaka mobhoorya igha, "Nyore amang'ana nighoghare, nawe aratore akatooribhwa?' ²⁷ Yeesu akabhahonshora igha, "Amang'ana ghano abhanto bhatakatora kokora, Waryobha nkontora are." ²⁸ Ho Peetero yaateebheri igha, "Maaha bheeto tutighile ebhento bhyeeto bhyonswe igho tushire kowe.' ²⁹ Bhano bhatigha imighi ighyabho, bhande bhakabho bhamula bhabho, hande abhaibhori bhaabho kora abhana abhabho ko okoghera iya obhokama ubhwa Waryobha. ³⁰ Mbarinyoora abhento ibhyaru kokela bheera bhatighe bhakerenge kokebhara mono.Ghwiki mbarinyoora obhohoru ubhwa amakora ghonswe igho ko kebhara kiyo kiriisha.' ³¹ Hano akabhalenta abheegha baaye ikomi na bhabhere, akabhatebhya, " Maha nkutiira tore nkuya Yerusalemu, na amang'ana gonswe gayo abharoti bhandeka agha omona wa omonto gharahekeerane. ³² Narahirwe kobhakyaro mbarimshabhura na okomotoka bhamutwere amate. ³³ Mbaremotema nimishariti na bhamite kasi nariryoka urusiko urwa katato.' ³⁴ Abhegha bha Yeesu tebhamanyeereyi amang'ana na ghayo, ensonga yaamo yarenga ibhisirwe kobhayoo tebharenga bhamanyire keno yashumashanshaga he. ³⁵ Yeesu akahika Yeriko, akanyoora ho umuhukuru omwe aikae mbareka iya eshara arasabhera omosaada, ³⁶ Hano umuhukuru uyo yaighuure umosya ughwa abhanto ghoraheta akabhora nke kerenge iyo. ³⁷ Bhakamohonshora igha, Yeesu uwa Nazareeti eera we akoheta. ³⁸ Umuhukuru oora akakonga igha, "Yeesu omona wa Daudi, otanyabhera.' ³⁹ Abhanto bhano bharenga bhatangatile bhakamohoronyokera okore akire. Kasi umwene akabherekera bhokong'u, 'Omona wa Daudi, otanyabhera. ⁴⁰ Yeesu akamera akaragherrya igha mmondetere hano. Hano umuhuru yahikile hang'e, Yeesu akamobhorya, ⁴¹ "Nke ukutuna nkonkore? Akamohonshora, "Omonene, ndasabha mmahe.' ⁴² Yeesu akamoteebya, "Nikereeyi. Keno kikuhweneri nu umukumo ughwaho.' ⁴³ Umuhuru oora akamaha, akasoorana Yeesu na eno aratoonia Waryobha. Hano bharoshe ghayo bhonswe bhakatonia Waryobha.