¹ Hano ghahetile ghayo omonene akashaghora merongo muhungate, akabhatoma bhabherebhabhere bhatangore kila umuhi na ekyaro keno bhare kuhya. ² Akabhatebhya, 'Ghemongo gheshohye kasi abhakori abhe meremo bharasuha. ³ Moghende mumighi momahe ndabhatoma kya amang'ondi kate ya amasese agha murisisi. ⁴ Mwange koghegha ensaho iya sibmirya, anga ghensaho, ebherato, mwange komokerya yeyonse koenshera. ⁵ Ku mughi ghono ghonse mwakasohe motangore kughamba amaiya ghabhe kumughi ghono. ⁶ Hano omono uwa mahiya alenge mo amaiya ngarasaghe keghoro yaye, kasi tamohe nerabhakyoree. ⁷ Mosaghe hayo moraghere gwii munywe keno mwa kahanwe ko kobha omokori uwa meremo arahanwe umutuho wahye. Mwange kong'anya kulwa ku mughi ghuyo. ⁸ Umughi ghonoghonse mwakasohe nakobhasambarokera moraghere keno kyakatolwe mbele yenyu. ⁹ Gwiki muhweni abharoye abhamuhyo moghambe wabho obhokama ubhwa Waryobha bhwishire hang'i wenyu. ¹⁰ Gwiki umughi ghono mwakasohe, bhange kobhaturung'ana moghende kebara ko ghenshera no okoghamba, ¹¹ Hata urutu tokong'otire ko amaghoro gheto! Gwiki momanye leno obhokama ubhwa Waryobha bhusuntaye hang'i. ¹² Ndabhatebhya urusiko ulya hekomo yakabhe nu ubhughumilia kokela Sodoma. ¹³ Ole waho Korazini, Ole waho Bethsaida! Emeremo gheno ghyaikorekaini monse waho singaserakorwa, Tiro na Sidoni, singabhasasamire akale bhakaka ikara monse ya singibho isya amaghonera ne libhu. ¹⁴ Gwiki yakabhe nubhughomerya insiko yo ubhushibhyo ku Tiro na Sidoni kokela wenyu. ¹⁵ Uwe Kapenaumu yake ukwiteghera orakanya wakeghenghwe kuihirwa kegoro? ndanga, wakaikiribwi hanse mu ruku. ¹⁶ Ono yakabheitegere bhenyu aranteghera oni yeyonse ono yakabha ange arananga oni, na ono akwanga aramwanga ono yantomire" ¹⁷ Bhara merongo muhungate bhakakyora bhashomeyele bhakaghamba, "Omonene hata amasambwa gharaikerya ilina ilyao. ¹⁸ Yeesu akabhatebhya, "Naroshe lisambwa lelaghwa kulwa kegoro kyo oromesyo. ¹⁹ Maha, mbahaye singuru isya kotasha enshoka ne bhetoromoni na singuru isyonse isya omoghogho teho ekento kyokyonse ko enshera yeyonse keno kyakabhanyahare. ²⁰ Mwange kushomerwa ko leno igha ghenkoro gherabhe ikerya kasi moshomerwe igha amarina ghenyu ghandekirwe kegoro." ²¹ Ko enkagha elaela akashomerwa bhokong'u ko enkoro ehoreru, no okoghamba, "Ndakukumia tate Omonene uwa kegoro na ikyaro ko bhora wabhisire amang'ana ghano abhanto abhang'aini na koghakondokora ko bhare abhakangi kyaabhana abhake. Nigho, Tata, kokobha yashomire ko maiso ghao." ²² "Ebhento ghyonse tata ang'aye taho ono amanyire tata kokela Omona gwiki taho ono amanyire omono kokela tata na ono wonse ono omona ahanshere komondokera." ²³ Akaisorya ko abhaigherya, bhaye akaghamba, "Bhaibhisire bhana ubhunibhi bhano bhakomaha ghano mokomaha. ²⁴ Ndabhatebhya bhenyu igha, abharoti abharu na abhakama bhahanshire okomaha ghano mokomaha, na ghano mukuigwa." ²⁵ Maha, omweghi wonde uwa amakaniyo agha abhayahudi akaimera na komotemia akaghamba, "Omweghi, nke ndakore nyoore imituho ighya mbele?" ²⁶ Yeesu akamotebhya, "Yandekirwe ke ko amakanio yake ukosoma? ²⁷ Akamokyorya akaghamba, "Omohanshe omonene Waryobha ko enkoro yaho yonse gwiki omohanshe kusinguru syonse na koghe hakili, syonse na ono amenyire hang'i nawe kya huwe bhono wihanshire." ²⁸ Yeesu akaghamba, "Oghambile, "Mahene kora igho wakamenye." ²⁹ Kasi omweghi akahasha kuibharya obhohene akatebhya Yeesu, "Na ono amenyire hang'i nowe?" ³⁰ Yeesu akamokyorya akaghamba, "Omonto wonde yalekoteremoki kulwa Yerusalemu kuya Yeriko. Akaghweera kate ya abharusya bhakamorusya emali yaye no komotema na komatigha hang'i nu ruku.. ³¹ Ko enkagha eno etare umusubhi onde yale kuhika ko enshera hiyo ano yamoroshe akaheta mbareka. ³² Igho igho omolawi nawe hano yahikire hara akamomaha akaheta mbareka. ³³ Kasi Omosamaria omwe, yale koroghendo, akaheta hara omonto yale akamomaha, akamwabhera. ³⁴ Akaya hang'i na komobhoha ebhedonda bhaye, akamohaka amaghuta na amanshe agha zabhibhu kegoro yaye, akamurinia kegoro yi ityenyi yaye na kumuhira. ³⁵ Urusiko urwa isho akaghegha amatongoro abhere akamoha umwemughi, na komotebhya omokoree kila kento hano ndashe nakakohane ebhento ibhyaho.' ³⁶ Nowe ko bhano abhatato uraiteghera ono alenge hangi nawe. ³⁷ Omoragherya akaghamba, "Nora yamwabhehye." Yeesu akamotebhya, "Oghende okore higho higho" ³⁸ Bhono bhare koroghendo, bhakasoha mukishishi ikyende omokali omwe ilina lyaye Marita akaisereenia Yeesu kumughi ghwaye. ³⁹ Yale no mohara wabho yabherekeye Mariamu, ono yaikaranga momaghoro agha Omonene kuitegera amang'ana ghaye. ⁴⁰ Kasi Marita akaihana emeremo imiaru ighya okokola ebhyakorya akaya wa Yeesu, no koghamba, "Omonene tokomaha igha omohara weto antighire oni omwe ko emeremo? Tamotebhya yashe kontorya." ⁴¹ Omonene akamokyorya na komotebhya Marita, Marita oranyankera amaru. ⁴² Kola ekento kemwe Mariamu ashaghoye enkento ikiya keno hatakurushibhywa."