¹ Kan fi zol isim tou Buaz bi geni fi Beatlaham. Huwo kan min usra ta Alimalik rajil ta Naumi al mutu. Huwo kan ganiyan wa maaruf shedid. ² Raus, al min Muab gum kelimo le Naumi, "Kede ana ruwa wa legeto bagi sanabil al bi fadolo fi makan zara. Ana bi ruwa fi ai makan al humon bi rudu le ana ashan bi ishtakal." Fa Naumi gum kelimo le heya," Ruwa, biniya tai." ³ Raus kan ruwa wa legeto bagi al fadolo min zira baad hasad. Wa kan hasil ino heya kan bi ishtakal fi zira ta Buaz, al min osura ta Elimalik nesib ta tou. ⁴ Zama Buaz ja min medina Beatlaham wa huwo kelimo le hasadeen tou," Kede Yahuwa kun ma intum." Humon kan juwabo, "Kede Yahuwa bariko inta." ⁵ Buaz gum asalo khadim tou al mosol min hasad, Rajil ta mara de yao mono? ⁶ Huwo kan juwabo wa kelimo," De beniya min Muab, ja ma Naumi min ard ta Muab. ⁷ Heya asalo min ana,' Sibo ana kede legeto bagi sanabil al bi fadulo wara min hasadeen al bi ishtakal .' Fa heya geni ishtakal min sabah lahadi hasa bedon raha, bes heya shelo raha besit." ⁸ Buaz gum kelimo le Raus,"Asuma le ana, beniya tai, mata ruwa wa legeto sanabil min ai makan; mata sibo makan zara tai. Lakin geni hini wa ishtaka ma banat ta shokol tai al sukereen de. ⁹ Kede ena taki geni bess fi makan zara al nas tai bi hsido fugu wa daoro wara bagi nuswan de. Ana wodi talimat le awlad de kede ma lemesu ita, kan inta biga atshan, ita bi akeder ruwa wa ashrab min zeer al rujal de malao." ¹⁰ Heya gum dengir gidam ta Buaz, wa ras ta tou lemeso wata. Heya wonoso le huwo,"Malo ana ligo rahma fi gidam taki al sibo ita bi ihtam be ana, ana ajnabi?" ¹¹ Buaz juwabo wa kelimo le heya,"Ana asuma ann kulu hajat al ita amolo, min zaman ta mutu ta rajil taki. Ita sibo abu taki, uma taki, wa ard al weledo ita fugu wa ja ma uma taki....wa le shaab ita ma arufo gubal kida. ¹² Kede Yahuwa dafa le ita hajat al ita amolo, Kede ita ligo ajur taki kamil min Yahuwa, Allah ta Israel, al ita ligo himaya tehed jinah ta tou." ¹³ Heya biga kelimo,"Kede ana ligo rida fi gidam taki, ya saeid tai, leano ita shejao ana , wa ita wonoso be ita wonoso kuwas le ana, ma ino ana ma wahi min batat taki al shakalin." ¹⁴ Fi zaman ta akil Buaz kelimo le Raus, "Tal hini, wa akulu haba esh, wa dakalu lugma taki fi khamr." Heya kan geni jambo hasadeen de, wa huwo wodi haba hubob al hamiro. Heya akulo lahadi biga shaban wa sibo bagi. ¹⁵ Zaman heya gum ashan bi legeto sanabil, Buaz amiro shabab tou , gali, "Sibo taum heya legeto sanabil hata bain al rubuto (hizma) , wa matakum abuso heya. ¹⁶ Kaman juru takum haba sanabil min al rubuto de, wa sibo takum ashan kede heya legeto, wa matakum daigo heya." ¹⁷ Fa heya kan gi legeto lahad missa. Baad dak heya dugu sanabil de, wa ta tou kan tala efa guduro 22 litir ta shaer. ¹⁸ Heya kan arufa wa shelo le medina. Nesiba tou kan aino haj al heya limo. Kaman Raus kan tala bagi hubob al hamiro al fadulo de wa wodi le heya ¹⁹ Nesiba tou ka kelimo le heya, "Alela ita legeto sheer waen? ita ruwa ishtaka waen? Zol al saido ita de kede kon mubatak." Raus gum kelimo le nesiba tou ann sido mazraa al heya ishtakal fugu. Heya gali, "Isim ta sido mazra al ana ishtakl fugu alela de Buaz." ²⁰ Naumi kelimo le heya....."Kede Yahuwa bariko huwo, huwo ma sibo shokol kuwas ta tou tijah dael al haiin wa al meiteen." Naumi kelimo le heya, "rajil de huwo gerib tanna al shedid, huwo wahid min bael al mosul min enna." ²¹ Raus ta Muab kelimo,"Huwo kaman kelimo le ana,'Ita lazi kede geni gerib min shabab tai lahadi humon kalaso hasad tai de kulu." ²² Naumi kelimo le Raus beniya ta.....,"De tamam, bitri, kan ita bi ruwa ma banat tou al sukerin, ashan kede ita ma bi ligo awaja kan ita ishtakal fi mazra tani ²³ Raus kan bi geni gerib min banat shokol ta Buaz ashan bi legeto sanabil lahdi nihaya musim hasad ta shaer wa gemeh. Heya kan bi geni ma nesib tou sawa.