¹ Fi zama hukom ta gudda fi israel, majaa kan fi ard, wa fi rajil min Beatlaham ta Yahuza ruwa le Muwab ma mara tou wa itneen iyal tou. ² Rajil de isim tou Alimalik, wa isim ta mara tou Noumi. Isim ta itneen iyal tou Mahlon wa Kelion, humon min Afration Beatlaham ta Yahoza. Humon rahalo le Muab wa geni fugu. ³ Alimalik, raji ta Noumi mutu, wa sibo heya ma iyal tou al itneen. ⁴ Iyal de kan shelo nasawin min Muab; wahid isim tou Orfa ,wa tani de isim tou Raus. Humon geni hinak fatra ta ashara sena. ⁵ Baad dak itneen iyal de Mahlon wa Kelion mutu, rajil wa itneen iyal sibo Naomi barao ⁶ Naomi kan kariro ashan bi tala min Muab ma ... le ard Yahuza baad ma heya asuma ino Yahuwa bariko shaab ta tou wa turab tumon. ⁷ Heya gum tala min makan al kan bi geni fugu ma ... al itneen, wa humon tala fi sika asha rija le ard Yahuza ⁸ Naumi gum kelimo le banat ta tou....," Ruwa, rija takum, kulu wahi le beat ta Umma tou. Kede Yahuwa kun kuwas ma intum ze ma intum kan kuwas ma ana wa le rujal takum. ⁹ Kede Rabana mala intum be raha, kulu wahid fi beat ta tou ma rajil tou." Bega heya gabilo humon, wa humon kore be suot fok. ¹⁰ Humon kelimo le heya." La! Enna bi reja ma ita le shaab taki." ¹¹ Lakin Naumi kelimo," Rija takum, banat tai! malo intum dear ruwa ma ana? Hal ana lesa indo guwa ta welada ta awlad, ashan humon bi rabaa wa bi kun rujal le intum? ¹² Rija takum, banat tai, kulu wahid fi sika tou, fa ana biga ajoz. Iza ana gali, "ana bi itmana ligo rajil alela,' wa weledo awlad, ¹³ intum bi akider istena lahadi humon raba? Intum bi aba jaozo ashan humon? La, banat tai! Ana hazin min ajli takum ashan i Yahuwa mido iden tou le ana." ¹⁴ Banat tou de bada kore tani, be sout fok. Orfa gabilo nesiba tou wa rija, lakin Raus lesego le heya. ¹⁵ Naumi kelimo," Asoma, hamati taki rija le ahal tou wa le illah tou. Rija wara ma hamati taki." ¹⁶ Lakin Raus kelimo," Mata asuru ana ashan bi rija, leano mahal ita bi ruwa fugu, ana bi ruwa; mahal ita bi geni fugu, ana bi geni; shaab taki bi kun shaab tai, wa Illah taki bi kun Illah tai. ¹⁷ Mahal al ita bi mutu fugu, ana bi mutu, wa bi dofuno ana fugu. Kede Yahuwa akibo ana ziyad kan ana sibo ita, mafi haja bi ferigo enna elel mutu." ¹⁸ Zaman Naumi ayno Raus asuru ashan bi ruwa ma heya, heya wogifo nikash ma Raus. ¹⁹ Humon istemir fi safar hata humon wosulo fi medina ta Beatlaham. Fi zaman al humon wosulo fi Beatlaham, medina kulu kan fi hamas be sabab ta tumon. Nuswan kan asalo," sai de Naumi?" ²⁰ Lakin heya kan kelimo le humon," Matakom nadi ana Naumi. Nadi takum ana Murr, ashan Allah al kebir kutu haya tai murr. ²¹ Ana tala ma iden maliyan, lakin Yahuwa rija ana le beat fadi. Ashan keda malo intum bi nadi ana Naumi, aino takum Yahuwa akibo ana, al Gadier kutu ana hazin?" ²² Fa Naumi ma Raus al min Muab, biniya ta tou...., rija min medina ta Muab. Humon kan wosolo fi Beatlaham fi zaman bidaya ta hasad ta shaiir.