¹ Uhunukurogwa Aobadia nkulugwa annungu badheleketa nnei paritundu ja aedomu tupilikane malango ushoka kwa ankulungwa, na bha kutumwa pashilambo, bhanilugula, nnjinukanje! tujinushe pantundu jao kwa ngondo! ² Nnola, shinintendanje mmashoko pakati pa shilambo, na shiputujwe. ³ Nnjimwa jaritima gwenu jishi Akutemba mmwe, mwenkutama mmakavuli ga mmanganga nnyumba jenuja kunani abheleketa mtimagwako gani shang'uruye nne pai? ⁴ N'kari nkujima pantunda n'ndu tai na shitundu shenu kuvikwa pandondwa. Shinin'nguruye pai kushoka penepo bhana bheleketa ankulungwa. ⁵ Malinga bhakuhibho pubhahishe kungwenu, mwanaga dhapokonyola bhakalishe shiro (malinga mmwe pukani lwe!) bhankanajibhanje yaingwenji? mwananga bhakulopola shabibu bhakaikengeno, bhakana lekanje mauno? ⁶ Malinga Esau pakomwile na iviko yao hibhai shiye ishi bhikwa palanga! ⁷ Bhandu bhowe bha marangano shibhampelekanje mupanda mpamupika bhandu bhakwete Urere na mmwe bha shinkun'temba, nagubharikombolenje bhebhala bhalyanganga shikon'go shenu bhashibhikaritego pai jenu numbi mmwe mwangaelewa vatendilenje. ⁸ Buli! nanga kombolanga lyene lyubha lya, bhabheleketa ankulungwa, kwa ulaganga bhandu bhakwete runda kushoka ku Edomu na kuelewa kushoka shitumbi sha Aesau na ulangwa. ⁹ Bhandu bhenu shibhatengukanje temani, mkupinga kila mundu atumbalilwe ashoka pashitumbi sa Aesau na ulangwa. ¹⁰ Ligongo lyamboteko hitendile kwa nun'gu nabhenu a Yakobo, shin'gunishilwe aibu jenu namwe shikanwe pitipiti. ¹¹ Lyelila lyubhalila nchikujima, lyubha bhajeni pwatolilenje indu yao, bhajeni bhaliji panyumba jao, nigomba mmbila kwa Jerusalemu, mmwe pumwa liji jumo jwaonji. ¹² Ikabheje nnaanngalale lyubha lyupwenu, lyubha lya nchibagwao, wala nnangalale pantundu ja bhandu bha Yuda lyubha lya mbatiko yao; nnailumbililanje lyubha lya mboteko yao. ¹³ Nnajinjile pannago gwa bhandu bhangu lyubha lya nshiba gwao; nnaangalale pantundu jambotekoyao. ¹⁴ Nnajima ngane pamalekano, nkupinga bha kuutuka bhake nnashoyanje bha kupote kwa bhao lyubha lyamboteko. ¹⁵ Pabha lyubha lya bhankulungwa pulilitome na bha shilambo bhowe. malinga pumntendile, nnepoyoshitendeshe kungwenu; itendi yenuishimpindi kushile pantundu ja n'twegwenu mmayene. ¹⁶ Malinga punywelenje pashitumbi shangu sha utakanyolo, na ilambo yowe pwipinga ywa pitipiti. Shibha papilanje na mila mbuti bha kapalinje . ¹⁷ Ikabheje pashitumbi pa Sayuni shibha pagwanje bha ntapulo na shibhapagwa njebhaleta kanyola; na nnyumba ja ayokobho shibhata mangane ulele. ¹⁸ Nyuumba ja a Yakobo jishibhe moto,nanyuumba ja a Yusufu, na nyuumba ja a Esau jishibhe mapei gamajumu, nabhene shibhatini kanje ni kwamali yanga, bhaka ingalanga nnyumba ja a Esau, pabha ankulungu bhabhelekete. ¹⁹ Bhowe kushoka kunegebu shibha tamangananje pashitumbi sha a Esau bna bhebha bha shepela shibhatamananga shilambo sha bha Filisti. bhenebho shibhatama ngananje shilambo sha Efraimu na shilambo sha bha samaria; na a Benyamini shibhatame na Gileadi. ²⁰ Nbhandu bha jeshi lya Israeli shibhatamangane shilambo sha kaanani mpaka kusarepta. nabhandu bha kuyerusalemu, bhalinginji sefaradi, shibhatamangananje kunegebu. ²¹ Bhakutapula shibha jendangananje pantundu ja shitumbi sha pa sayuni shibhata mangananja pashilambo sha a Esau, na unkulungwa shubhe gwa Nkulungwa.