¹ Shipindi gene mammboga galiitendeka, vanangulungwa guvaikengenenje naa maalanjila, "vandu va Israeli, vaavishila na walawi vangakombolanga kuapula vayenenji kwa vandunji va ilambo ina yana ungulu gwaonji wakaanani, wahiti, wapeluzi, wayebusi, waamoni, wamoabu, wamisti na waamoli. ² Vashikwalombanga ashimwali vaonji kuva ashakongo vao na vanavakongwe va ashivavanavao, valaonji vashianganya shipinga shikonji na ipinga yangali ukonjelo, yaatimbililenje. Na vanangulungwa na maafisha vashilongolehanga mmujo muitendi yaangalimana" ³ Pumbilikene genego nashikulendula likoti na lijoo lyangu, gunitutumbwile umbo ya mantwe hwangu miitama kwa kanganigwa mpaka shipindi shashoya shadaka ja ligulo. ⁴ Na vevala vowenji vatetemelenje kwa lilove lya ashipanganya va Israeli kwa ajili ja imani jaonji vashikukundikana pai punatemi mili naona mpaka ishilashipindi sha ligulo sha shadaka. ⁵ Ikaveje katika shadaka ja ligulo naajimi kunafasi jangu kwa kuengwa nili na likoti na lijoho lyangu ilendukenje, gumbijile magoti na makono gangu kunani kwa ashipanganya vangu. Gundashie. ⁶ Annungu vangu, ngwete oni na ngapingwa kujinula kumeyo kumeyo kwangu kunngwenu, makosha getu gashikula mpakaa jomboka ntwe na ilevo yetu ishijenjesheka mpaka ishila kuliunde. ⁷ Gwatanduvila lyuva lya vaalongolela vetu mpaka nnaino tuli mwiilevo ya jogoya. Makosha getu, vanangulungwa, vaavishila valinginji mmakono ga vakulungwa vasheshino shi lamboshi, mu upanga, mateka na vatumwa na kuonelwa natuli na oni jakumeyo mpaka lelo. ⁸ Ika nnaino kwa makati gamaupi, Annungu vetu vashikola shikono kwa kutuleshela makombo na kutugavili pakamilishe pa mahali pao pa ukonjelo, kwa nneyo ashipanganya vetu vanakutugavila nnang'ana nimeyo getu na kupoka mautumwa gwetu. ⁹ Ikave tuli tuvatumwa, Annungu vetu vaangatuleka katika kutawa kwetu. Vashikutulanguya shiya kumeyo kuka nkulungwa jwa kuajemi vashikutujalia kulama kwaambi kwa kushenga upya nyumba ja ashipanganya vetu na kualaya maame gake, navalao bvashikutupa likumba lya kutulinda ku Yuda na kuyerusalemu. ¹⁰ Lakini nnaino mmwei ashipanganya vetu, tunakombola kutaya nndi baada ja lyenelji? kwa mana tushiputuka kwa guntulajile. ¹¹ Guntashia kupitila kwa muvaatumilw vaalondolo venu pummelekete. Shilambo shinkujinjikushitamila mishilambo sha sinyate kwa ilevo ya vandu vake. Kwa itendi yaonji na kushima kwaonji vashikushigumbaya shilambo showe kwa ilevo yaonji gwaumile kumpelo kumo hadi kuna. ¹² Kwa nneyo nnakubalinji shilambani sha ashimwali venunji na vangwendo venunji na ashimwali vaonji. Nnaloleyanje mbwiga kulya enji ya pashilambo na kwwaleshelanga vana venunji shene shilambo malinga ushigwaonji gwangali mpelo. ¹³ Gebala gatupatile gala nni matokeo ga itendi yetu jangali mana kwavili ilevo yetu ya ikulungwa. Hata nneyo mmwei Annungu vetu, nshikutukalipila kushoka kuliko ilevo yetu ikulungwa na nchikuutupa makombo malinga aga. ¹⁴ Buli, shitutenje malagano genu kavili na alombana na vandunji vatendanga itende ya ilevo? Buli, nkava na kashilaniija jijinji ju jetu na kutuvalanga, gwangali kutuleshela makombo wala apingaponywa? ¹⁵ Ee mmakulungwa, ashipannganya va Israeli, mmwe nikwete hako! lelo tushilekwa malinga makombo. Tulii apano kumeyo genu na ilevo yetu, hata ili katika ajino alijino jwakwa hata jumo jwetu apingakombola kujima kumeyo jennu"