¹ Puyaliji myei saba baada ja vandunji va Israeli kuuja mwilambo yaonji, ndio puvatendilenje nkusanyo pamo malinga mundu jumo kuyerusalemu. ² A-Yoshua mwana jwa A-Yosadaki naarikulugwe nkuvishila na A-Sheatieli nakankulungwe guvajinikenje naashenga nchati gwa Ashipanganya va Israeli naa shoya shadaka ja tiniyava malinga shiilajiywe katika sheliya ya A-Musha, mundu jwa Ashipanganya. ³ Ndiyo guvatanduvenje nchati pantundu nnjimililo, kwa voga guvakwetenje kwa ligongo lya vandu va pashilambo/Guvashoshienje shadaka ja tiniywa kwa ashipanga nya lyamba na ligulo. ⁴ Nnepeila guvaichunguzenje shikuvu ja ibanda malinga shiijandishwe na guvashoshienje shadaka ja liniywa lyuva kwa lyuva malinga shiilajiywe, kila lyuva kwa lyuva lyake. ⁵ Pashikupangwaga na shadaka ja kila lyuva ja tinywa kamo kwa mwei na shadaka ja lyuva ja ashipanganya jaalama, pamo na shadaka yowe ya ntimandende. ⁶ Vashikutanduvanga kushoya shadaka ja tiniywa ja ashipanganya lyuva lya ntai lya mwei gwa saba, hata kabuula lihekalu likanave tanduva kushengwa. ⁷ Pava nneyo vashikukopoyanga mmbiya kwa vashipala na mafundi ga nkono na mauta kwa vandunji va ku-sidoni na ku-Tilo, ili kuti vapelekanje mikongo ja mielezi gwa pitila ni bahali gwaumila ku-Lebanoni mpaka ku-Yafa, na malinga shivaluhusiwenje na nkulungwa koleshi gwa ku-uajemi. ⁸ Piuvishilile mwei gwa vili katika shaka sha vili baadaye guvaikengenenje nnyumba ja ashipanganya ku-yelusalemu, Azelubabeli, A-Yoshua mwana jwa A-yosadaki, na vananji va makuhani na walawi na vevala vaikenengenenjk gwashoka kuluame kuvujila kuyerusalemu guvatanduvenje liengo. Guvaagwilenje walawi valinginji na yaka makumi gavili naapunda kujimilila liengo lya nyumba ja ashipanganya. ⁹ A-Yoshua na guvannjimishe nngwendo jwao na akulugwe, A-Kadmieli na vana vao, na luveleko lwwa A-Yuda kujimilila kutenda liengo nnyumba ja ashipagwanga vana va A-Henadadi, na luveleko lwao, na kavili ashaalongo ujao walawi. ¹⁰ Vashenganga guvajimikenje nnjimililo gwa gwa lihekalu lya ashipanganya, kwa neyi vavishilanga guvakombolenje kujimilila na mauvi gaonji valinginji na mapenga na ashipanganya kwa milembeni, malinnga nkono gwa nkulungwa Daudi jwa Israeli shalajille. ¹¹ Vashikujimbanga kwa kwainiya na kwashukuku ashipanganya "Valao ni va mmbone! kulajila kwao ni kweli kwa Israeli kunalama gwa ngali mpelo. "vandu vowenjji guvagutilenje nguto janjikulungwa ja kwinong'anga kwainiya ashipanganya kwa ligongo nnjimililo ja lihekalu lyaliji likamilishe. ¹² Ikaveje vvajinji va vakuvishila, walawi, vanavulungwa va ukala, na vakongopa va ukala vajiweninji nyumba ja a na kuona kwa vandunji vagutangaga, ukala, makati mijimililo pujavishilwe vashikujishuhudia kwa meyo gaonji vashikuguutanga kwa nguto. Ikaveje va vajinji vashikutendanga nyenye kwa kuinonyelanja na kuona kwa kanganigwa. ¹³ Na matokeo gake vandu vangakombolanga kutofautisha kuona kwa vandunji vagutangaga, pava vandu vatenda aguta kwa kuona kwajogoya kwa ashangiliya na kuona kwashikupilikanika gwa umilila kwa ataliya.