¹ Pashaka sha ntai sha Akoleshi, nkulungwa gwa kuajemi, ashipanganya vashikukakatamila lilove lyao lyajinji liveleketwe na nkulondola na kwajimula mbumu ya akoleshi. lilove lya akoleshi lyashikunjenda na lyashikupilikkanika mu ukulungwa gwao sheshino ndio shijandishwe na veleketwa. ² "Akoleshi, vakulungwa na kuuajemi, vanaveleketa. ashipanganya, vakulungwa na kuliunde, vashimba rine ukulungwa gowe gwa shilambo showe, na vashing'agula nne kwashenjela venevo nyumba a yerusalemu ja Ayuda. ³ Jojowe nkati vandu vao (Ashapanganga vave pamo na jwenejo) anakombola kwenda ku-Yelusalemu kuushenga nyumba kwa ajili ja ashipanganya, Annungu va Israeli, Annungu vali vapali ku- yerusalemu. ⁴ Vandu va kila mahali mu ukulungwa valepekenje nishilambo na tamananga vanapinjikwa kwapanganga valaonji ipanje na shahabu, mali na varinyama, pamo na kushoya kwa pupinga ku-yerusalemu. ⁵ Gwili vajjumbe va huveleko lwa Yuda na Abenjamini, vaavishila na walawi, na kila ajwimwile na mbbumu ya ashipanganya kushoka na kushenga nyumba jao ashikujima. ⁶ Vevale vaatimbililenje tome vashikwanja ngutanga kwa panginga mimbiya na indu ya shahabu, mali, varinyama, indu ya shamani, na ashoya kwa kupinga. ⁷ Vakulungwa akoleshi guvaluhusu indu yaaliji nnyumba ja ashipanganya yaaliji itolilwe na Anebukadleza ku yerusalemu na kuivika nyumba ja ashinnungu vao. ⁸ Akoleshi guvaakamuyenje mmakono ga amishiedashi vagoya mmbiya, guvaishoshie na kuivalanganya kwa asheshbaza, nkulungwa jwa Yuda. ⁹ Jejino galijigumla jake: ililo makumi gatatu gashahabu, ililo makumi kumi ga ipanje, ililo ina makumi gavili na tisha, ¹⁰ Mikungu makumi gatatu ga shahabu, mikungu ga jishoko ja mmbiya 410, na indu Mkumi kumi ya jennjesheya. ¹¹ Pashikuva na indu 5,400 ya mmbiya na shahabu. Asheshbaza vashikwiya nayo yowe makati ga luame lwa ashoka kubabeli kwende ku Yelusalemu.