¹ Di a vuga, anjeli touzo ri vu andaa twe. Mande lelego alu e’dere ru’buge si ri. Lelego ile ake laka mufuta ‘bu alit i loko re ku ri dii. ² Andaa awi ‘bu aliti loko re ku ile, pi asika enga laka si tu oru kende ongo a gwezo ri ani. Itu oli to ecoru ini asika oyire ‘ba ile ni aga ri si. ³ Asika ileni aga si umbi oyi vu dige, ake a’ini mori kende itoni di ani vu dige. ⁴ A’jo a’ini kejikii oyise vu dige ri ku, deku nga lidi ngare nga vudige ri pi kwe to, rari ‘ba adi kitimu Rubanga di a’ia a adaga kuru ri pi ‘i. ⁵ Ake a’ini apko kuru ‘ba ileni ‘dizo, rari kecandikii a’i imba tou. Kandi a’ia kele ri kalajwa lajwa itoni di ani. ⁶ O’du ile si ‘ba kuvo kundu da, ti vo esukii ku. Vo kulekii daka asi tuwa si, ti dakufe pi a’idi si. ⁷ Umbi na ile kelende kusani edele baba o’ja ni ri ani. A’ia di ni ga nga zi kelende tegia keri di mula ri ani, pi a’ia anda kelende ‘ba ni anda ani. ⁸ Di’bi na pi kelende uku ni di’bi ani, pi si na pi kelende ibi ni si ani. ⁹ Sukii cwi a’ia agaga nga lendere aya ani na’i, ongu a’i a pirekeke ni u’duku keriru kende u’duku ga’diga’di o’ja di karako kusani a kule ni ri ani. ¹⁰ Iava a’i di ni ga nga ‘ba sizo itoni di ani ri laka aa, iava a’idi de kusi mo’di ni kalajwa imba tou kudi e’bwe. ¹¹ Opi a’i di a’i ni zware ri anjeli’ba ti lokore ku ri dii. Andaa ru alungwee Ebere’ba ti si abaddou ‘i, pi girigi tisi alungwee apolliyon’i. ¹² Icandi atizo ri loko ‘dia. Nde! ‘di a vu ga lesi icandi ri kemu emu. ¹³ Anjeli nazori vu andaa ture, pi meri u’duku engare kidori mula di Rubanga andaga ri a o’ju ni ga si. ¹⁴ U’duku ile ku’jo anjeli aziazo ture kore diga ileni, “Ayu anjeli su ombele cwi golo furata di ni ga ile ra”. ¹⁵ Anjeli sue dele baba saa ileni, pi o’du ileni, pi imba ileni, pi kinya ileni ilepi aya a’i dudu ku’dikii pi ‘ba alu na agar ii. ¹⁶ Weli asikeria kusani dige ri di milioni miya ri (200,000,000). Meri a’i weli ‘di ra. ¹⁷ ‘Di ovi maa kusani nde zo ‘ba a’ia dige ri to ri ni e’detele mani rii; A’ia aya sule agaga ri ika asi ani, lo’bule pi lofara salfa ani. Kusani na pi ni di kelende ibi ni ani, pi asi, asika to, salfa to koyi a’i a ti ge si. ¹⁸ ‘Ba alu na aga a’di a’i juwe na ‘di si; a’i asi, asika pi salfa engare kusani ile pi ni tige si rii. ¹⁹ A’dusiku mori kusani ile pi di a’i a tige pi a’i a icwa ga-a’i a icwa kolu ini ani, di to, kugakii du ‘ba bibi. ²⁰ ‘Ba lesi’ba vu dige juwe ‘di’di a’i kuru ri, ecokii asi kuru nga a’i a edele injwi vu dige ‘dia ri ni ga si, ongu saa e’bekii laru keka ori injwi ri nikuru pi mula, aya ingwe, aya waka ri to pi oni kwe to edele di sir i pi - nga nde ku, eriku lawe ku ri pi. ²¹ Ongu saa rukii enji a’i di ‘ba lu’dizo, ozo ozoule to, a’i asa i’bu ogu di to.