¹ Waraga ‘di enga Yuda ni i’bure Yesu Kristu di ri di ongu saa Yakobo adozi I ri ‘i. Acwi ‘ba Rubanga lungwele olu’ba le Rubanga Ata di ni aga pi Yesu Kristu kumba tana pi ni ri ni. ² Kiza, i’bwe pi leto kulee kenjaru anyini. ³ Ma rozi, esu mo’be opkosi waraga cwizo anyini lari ama tuwadu amemures laka ri a rege, ti man’de duba amacwi amemba du anya asi dudu anyi’ja opkosi a’i anda kele ‘ba Rubanga di ri vu alu papala le’jo tuwadu ekore ra ri ‘i . ⁴ A’dusiku ‘ba zi’ba Rubanga ori’ba ku ri kundweru ndwe ekwizo ama lelega, a’i ‘ba anda ali le’jo a’ia ru gepi e’dete loangwe anda le’jo cwile ra ri nig a r’i. Ecok’u Rubanga a kele amani ri nga bate d’u, gak’u iwgbe amba amadi alu papala Andaa ni Yesu Kristu ‘i ⁵ Anyi ‘ba anda e’be anyini le’jo ‘di eze, adi male amera anya di o’jo, Opi ni anda ‘be Israel di ni larire vu Misiri di ni ga si ri, vule vule ni eko a’i Andaa ni a’ibaku ri ra. ⁶ Malaika a’ia kare Rubanga a’ini ‘bare ga ri ni ekukare kure, a’ia kare ni e’ba’ba ra ile, Andaa ombe a’i vu ini aga nyori kere kpe ri si, kutek’u o’du le’jo lolizo amgbu go na ‘i: ⁷ Ovidu ‘ba Sodoma di Gomora to pi ‘ba zi’ba rongo a’ia baraga rito, edeki asa pi lara injwi ovi ‘ba a edeleku rito, ali le’jo a’ia digeasi ozireku ri si, dudu koluk’u le’jo ‘bezo ‘ba ni. ⁸ Nde keru ileni saa, ‘ba ile ovi alue ri ani, orobibi a’ini. Lubire ri ni ga, kenjib’u a’ia ru, kugak’u keri Rubanga di imgbe, ongu kulu’dak’u ‘ba amba rule ri pi lu’da ⁹ Ti saa maikol ni malaika amba ri a’jare sitani to pi epelere ga andaa to Musa a rusi ri, andaa ‘da andaa ni kuru, ti ku’jo.”Opi ke’ja ny’i. ¹⁰ Ti ‘ba dipi kulu’da nga a’ia nile ku r’u, ti a’i ni nga ovi ‘badi ani r’u, kede anyukwa mondi aga ri ani, kenjik’u a’i a ovi laka. ¹¹ A’i icondi to, a’dusiku kok’u leti Kain d’u. ongu fek’u ezeze ‘amgbo to enji’ba laamu di nig a dudu a’i kesu nga, ongu legwek’u pi odak’u leti kipele di nig a anda kora a epelezo ri ani ¹² Kezik’u dinja anya karawa le di nig a, de kwnyak’u onya nja ‘amgbo to ori ako, kurak’u a’i a ru ayo papala. R’i kolu kendelofu iyi oko olia lungile ri ani, o’bi a’i kwe o’a ako saa kwe a ‘azo ri si ri ani, anju a’ia ijwa pi, pi odak’u vu ri. ¹³ Koluk’u saa iyi meri di ongare opkosi kefuto a’i a dinja di si ri ani, a’i lelego lafere ri ani Rubanga a kare a’idi ni edere vu ini tiri olure tadu ri rig a ri ‘i. ¹⁴ A’I ‘d’u ‘ba anda Enoka ni mo’di namba tuderi engazo Adam di si ri a le’jo ngezo a’ia ruge kende nebi r’u, ku’jo, “ Anyinde, Opi kumu kemu ‘ba Andaa di ole karako to, ¹⁵ Le’jo lalire ga ‘ba tuwadu dige, pi ‘bare ga le’jo kuzwa ‘ba tuwadu Rubanga ni ori’ba ku a’ia nga edele Rubanga ni orizo du ku ri si, pi le’jo tuwadu anga di pi ‘angala di Rubanga ni arizo ku ri to a’ia lu’jole Andaa ruge r’u.” ¹⁶ A’i ile ‘ba olu’ba luzurega luzu pi ‘ba kipele di nga a’ia lele ayo ri ni vu oko’ba ayo r’u, kulu’joki le’jo recuzo ri ayo papala, kecuk’u ‘ba zi’ba enjo du dudu a’i kesunga a’ia lele ri du. ¹⁷ Ti anyi ma rozi malele ndo ri, kulee anyera le’jo anda maju Opi amadi Yesu Kristu a ngele eze ri. ¹⁸ And a’i nge anyini a’jo, “Saa ire vu niti a lokozo ri si ‘ba ngali div o kolu ‘aa, kuvo kokok’u nga lele ayo ri a vu ‘i papala, oriki Rubanga ku.” ¹⁹ ‘B ovi ileni ile keziki larapika, a’I ‘ba vu ‘di di’i. Endi Rubanga di iyo a’ito. ²⁰ Ti anyi ma rozi, anyimba opko anyo a’i ole aimbamba rug a, pi anyelegi Rubanga ni Endi Ole aga. ²¹ Anyekukaru anyanga si le Rubanga di ni aga, anyite kiza ama Opi Yesu Kristu di kusa ko lidi lokore ku ri nig a. ²² Anyede kiza ‘ba di ruki’ba ki ri ri, ²³ Anyalari ‘ba zi’ba ileni ri pi, anyeku a’i pi asi ‘asi. Anyede ‘ba zi’ba ni orito, ongu saa anyiga lasu enji ru di laka ri imgbe. ²⁴ Yoyi kolu mo’di atere anyi nit a mbore e’bedu anyi’de enji aga ku ri ni, ongu ‘bare anyate edeka enji ako Andaa yayi ni andaa enji ako anjoto, ²⁵ Yayi, amba, keri pi opko tuwadu kolu Rubanga alu papala ri ni, Andaa ni a amani larire, Yesu Kristu Opi amadi si, e’doru esu adi obi vu kuru ri nga, esa ko diadu, pi ko tadu. Amen.