¹ Kwa buli magolo ngako mwanga bonekine ganongite mukilatu, mwenja wa mfalme, mabando gako kati lukufu, katikazi ya jwa chenga. ² Nku wako kati umbilingo wa bakuri, kene yakose yanga bana kwa wembe. Ndumbo yaka kati ngano yai umwike no tindiya nyinyoro. ³ Mabele goko gabele mwagabile kati bana abele ba ayala, mapanga ba ayala. ⁴ Ingo yako kali mnara wa mbembe, minyo gako kati maziwa ga Heshiboni muniango wa Bathi Rabimu pulo yaka kati mnara wa lebanoni waulole, Damasko. ⁵ Nntwe wako kati karmeli, nywili mutwe wako ya zambalau mbili. andesangala na mwaundike nywili. ⁶ Kwabuli mwaubile wazulino pendeya, mpenzi, no noga kwako. ⁷ Uloso wako kati nkongowa ntende, na mabele gako kati mapungu ga matunda. ⁸ Natiwasa, ''mbala kupanda hago nkongo wa tende, mbala kamwa ndambe yake. '' mabele gake gabee kati lipanga lya mizabibu, lumba lya mbulo yako gabe kati mapera. ⁹ Nkano wako ube kati wembe mmabau, kau uluka mbole mbole kwa mpenzi wango, kau tyalambukya munkano witu na mino, nnwawa nchene kalogela mwene. ¹⁰ Nenga wampenzi wango, unda kunitamaniya. ¹¹ Wise mpenzi wango, tuboke mbwega ya kijiji, tukagonje kilo akwo ku kijiji. ¹² Tuyumuke mapema tuboke kung'unda wa , mizabibu, twibone panga zabibu ipambike, maipwike, na mana mikomamanga ipiyete malobe. ¹³ palo nalowa kupeya lipenzi lyangu.