¹ Kwanyo nenda kunoba, mwalongo, kwa huruma yake Nnongo, mwipiyi yega yinu ibe salaka yebi ngoto, yupuletike, yaiyeketye Nnongo. Aye ngaibada yinu yene mana. ² Wala kenemupwatise na muna ya dunia lo, ila mungalambuke kwopangilwa mwayabe niya jimo. Mupangenyo mupate tanga pulaika kwa Nnongo gagabile mazuri, ga kupylaikisa na gabikamilifu. ³ Mana nendekoyo, kwa sababu ya uruma yanipeyilwe, panga kila mundu ambae abile nkati jinu apalikwa kwa wasa sana usu juu ya mwene kuliko mwapalikwa wasa. Ila, apalikwa wasa kwa hekima, kati mwaibile Nnongo apei kala yumo kiasi pulani cha aminiya. ⁴ Kwa kuwa twinaiungaya nanchima muyenga jimo, ila sio iungo yoti ina lyungo limo. ⁵ Nga nyonyo, twenga twatubi twabingi twi mundu yumo nkati ya Kristo, na iungo kila simo na nyine. ⁶ Twina makalama gana nchima kwa kati uruma mwamupejilwe. manaitui makalama ga mundu ni unabii, na ipangilwe kwa kadi liya aminiya kwake. ⁷ Meneitei makalama ga mundu ga huduma na atumike. Manaitei jwenge aina makarama ga pundisha bai apundise. ⁸ Meneitei mundu jwengu makalama gake falaji, bai afaliji. Manaitei makalama ga mundu jwembe piya, apange nyo kwa kalimu. Manaitei mundu jwenge makalama gake angoza, na ayundeli kwa ungalifu. Manaitei mundu jwengu bonekana na huruma, na iyunduli kwa pulaika. ⁹ Penda kana kube na ubocho; mucuki ubou, mukamwe ga gabi gananoga. ¹⁰ Husu pendana alongo, mupendane mwabene na mwabene husu isima, mwisi mwane no mwene. ¹¹ Husu bidii, kene muleguleke. Husu roho, mube na kanu. Husu Gwana, mutumikie. ¹² Mupulaike mu ujasiri wamubile nawo husu masoba gagaicha. Mube na lenda kwa matatizo ngino musinde loba. ¹³ Musiliki mu gabasikikwe baamini mupale ndule yanamanchima ya bonekana ukarimu. ¹⁴ Walobi baraka boti babatesa mwenga; mwabariki wala kene mwalani. ¹⁵ Mupulai pamope babapulaika, mulele pamope na babalela. ¹⁶ Mubena mayimo mwenga kwa mwenga. Kana muwase kwa kwipuna, mwayukeli bandu bahali ya pae. Kene mube na hekima kwa mawazo ginu mwabene. ¹⁷ Kana mwanepe mundu jwo jwote ubaya kwa ubaya. Mupange makowe gananoga paminyo ga bandu bote. ¹⁸ Munekewezekana, kati mwaibekilwe kayino, mube na amani na bandu bote. ¹⁹ Wapendilwe, kamwilupi kisasi mwabene, ila mwipeye nyongo ya Nnongo. Mana itiandikilwa, ''Kisasi chango, ''Nenga nalowa lipa, alongu Gwana.'' ²⁰ ''Ila mmaya wako abi na njala, unisu. Mana abina nyota, mpuimache. Kwa mwanza mana upangitenyo, ukalya makala ga mwoto mu ndewake.'' ²¹ Kana ushindwe na ubaya, ila ubaya ushindwe kwa wema.