¹ Kwa nyo ulongwa aperetau bene yekeeya mkemero wa kunani mumwache muno mtumirwa na mkorongwa mkoro wa marombano gitu Yesu. ² Ywabire mwaminifu kwa mwene ywebekilwe kati Musa na ywembe mwabire katika nyumba yote ya Nnongu. ³ Kwa nyo ayo atibarangirwa panga ngaparikwa uperetau muno kuliko Musa kati nyaro ywembe ywatengeniche nyumba mwaibire na heshima muno yayo nyumba. ⁴ Kwa nyo kira nyumba ititengenechewa na mundu ila na ywembe ywaitengesha urebe yote ni Nnongo. ⁵ Na Musa kweli abire mwaminifu katika nyumba yote ya Nnongo kati mtumirwa abe urolekulo wa makowe gaga chimurulwa habadaye. ⁶ Bai Kristo kati mwana wa kunani wanyumba ya NNongo na ywembe nyumba yake ni twenga mwene itei mwenetuka mwire munomuno no kramukiy akuitu na muno yo obereya litu mpaka mwisho ⁷ Kwa nyo kati murarongera roho meretau reno mwene itei mpara yoa lirobe lyake, ⁸ kana mpange mnonopau mioyo yinu kati ulo huchika lichoba lyo painua katika rulambo. ⁹ Napo kina tate bitu pabanipaute pabani rengite ngababona makowe gango miaka arobaini. ¹⁰ Kwa nyo natikacilichwa na ruberekwo nuo nganabaite machoba gote ni bandu babachenikwe mioyo yabe aba baitangiteri ndera yitu. ¹¹ Kati mwanirapire kwa nyongo yangu bajingiari muruparaiko rwangu.'' ¹² Muringange mwarongo bango kanamube katika jumo uuinu moyo mmou wangariobereya kwo tama pambega na Nnongu ywabire mnami. ¹³ Lakini mmakiane kira lichoba kwa mwanja mulaikemerwa reno ili yumo uunu kana apangirwe mnono pau kwa kongerwa na dhambi. ¹⁴ Kwa mwanjatupangite washiliki wa Kristo mweneiteri tukamwaniye na patumba wa uyeketeri uutu kwa makakara mpaka mwisho. ¹⁵ Apo panirongera leno mwene itei mpara yowa lilobe lyake kana mpange minonopau mioyo yinu kati itei wakati wo kachilika.'' ¹⁶ Kwamwanja akina nyai babakachilishwe baba youune ila baro bate bababokite Misri kabarongorelwa na Musa? ¹⁷ Kaye akina nyai babakachilishwe na bembe miaka alubaini si baro babachenuuke na bembe maboro gabe gatimboka katika jangwa? ¹⁸ Kaye akina nyai barapire yo panga bajengiari katika unogeleau wake ila baro babachenuuke? ¹⁹ Bai twandabona yo panga bawechikeri jingia kwa wanja kwa kotoka oboreya kwabe.