¹ Napinga mmanganya mmamanje ashukaka na alumbwangu ya bha ashatali bhenunji walinjinji bhai napalihunde na bhoe bhapitileye pakati bahari. ² Bhoe bhashikubatishanga bhane bha Musa nkati ja lihunde na nkati ja bahari, ³ na bhoe bhashikulyanga shalya sheshi cha mbumu. ⁴ Bhoe bhashigwanga kinywaji sila sha mbumu maana bhangwa kaposhela pakati ja mwamkajwa pwagwalinji Yesu. ⁵ Nneyo Ashipanganya bhangapendezwa kaje na bhoenji bhao na maiti ga bhonji ngashipalagwanjwa kulijangwa. ⁶ Bhai yene hinduyo yaliji mifano kugwatu ili uwe tubhe kulinganywa kwetu, ili uwe tuvave vandu bya lukolila mabaya, malinga bheneve ibhatendilenje. ⁷ Nnabhanganje bhaabundunji shanamu, kama bhananji bhao pubhalinji. Yenehi mmalinga puhijandikwe, ''Bhandu bhashikutamanga phai valilyanganga na gwa na bhashijimanga na nganda kwalokolila manonga.'' ⁸ Tunatende kujalika malinga kama bhamanji bhavonji puvatendilenje, niwa livalimo vandu ishirini na tatu elfu kwa sababu ja nneyo. ⁹ Wala tunannanje Kristo, kama vananjebhao bhatendilanje na kahangabhanywa na lijoka. ¹⁰ Nanneyo nnanungunikaje, malinga bhananji bhao bhanukuananje na havangabhanywa na ahsitume bhawa. ¹¹ Bahi yene hinduyo yakutendwa mmalinga kulinganywa kwetu na jandikwa na kutukalipila ubhe uwe, tuishilile mwishogwa ukala. ¹² Kwa nneyo kila akwihona kashijima abhe na lunda anagwe. ¹³ Lya kwapilijalibu lyapatilanje mmaganya lililo kawaida jabinadamu. Ila ashipanganya hanaaminika. Bhakanne kanga nningwanje kup[ita uwezo gwenu na leve lijazibu shimpatanje nnango gwa koposhela, ili nkombolanje kustahimili. ¹⁴ Kwa nneyo, bhavapinjikwa bhangu, mtukanje ibada ja shanamu. ¹⁵ Naveleketa mmanganya kama vandu vya lunda mngamuanje jukuveleketa. ¹⁶ Shikombe sha baraka putubariki, nngava ushirika gwa minyai ja Kristo? Gwegala mkate gatugavanya nngava shihile sha Kristo? ¹⁷ Pava mkate ni gumo uwe tulibhavagwinjinji tusiva shihilu shimo. Tubhove tushiposhela mkate gumo kwa gumo. ¹⁸ Mwalolanje bhandu bha Israeli: Vevela! bhoe bhalyanga dhabihu nngava bhanashiriki pa nchati? ¹⁹ Navaleketa nini basi? Shava shanamuni shindu? Au shalya shishoywa na shadaka shanamu ni shindu? ²⁰ Lakini na veleketa jua ja hindu ila hisho ya juu sadaka ja bhandu bhapagani bya mataifa bhanashoyanga hindu kwa mahoka na ngati kwa Nnungu. NNe ngapinga nkamulananje na mahoka! ²¹ Nkakombolanga papila shikombo sha NNungu Akulungwa na shikombo sha mahoka. ²² Nna kwatanga Nnungu uwivu? Au tushikola mashili zaidi jake? ²³ ''Hindu yoehishiva sawa, ''Lakini nngava yoe. '' Iva sawa, '''Lakini nngava yoe ikwajenganga bhandu. ²⁴ Jwakapi hata jumo aloleya ya mbone pe. Badala jake, kila mundu jumo analoleya gumbone gakanjake. ²⁵ Mnawezangu lya kila shindu shinzwa kusoko gwangali kuhuya huya kwa ajili ja shamili. ²⁶ Maana ''shilambo ni mali ga Ankulungwa, na yoe igumbalanje.'' ²⁷ Na mundu jwangaamini hagali kanga kulya na napinga kwenda nnwa lyanganje shosoe hapanganga pangali kuhuya maswali ga dhamili. ²⁸ Lakini mundu amalanjilanga, '' Shalya shsnesho shikoposhe kwa sadaka sha mashetani, ''Mahoka. Nnalyanganje, jenejo kwa ajili jake mundu amalanjilanje kwa ajili ja shamili. ²⁹ Nne ngahamasha dhamili jeninji, bali zamili ja jwejula junape, kwa sababu jashi nne gukumiwe kwa ajili ja junape? ³⁰ Hivaga nne natumia shalya kwa shikuni kwa namnajwashi ndukwane kwa shindu nne shijukuru kwacho? ³¹ Kwa nneyo shoshoe shinkwilyanga na ngwa au shoshoe shikutendanga, ntendanje kwa ajili ya utukufu wa Nnungu. ³² Nnashokoshanje Waahudi au Wayunani, au likanisa lya shipanganya. ³³ Nninganje malinga nne shingulinga napendekeza kwa vandu vae kwa hondo yoe. Ngali yafaida jangu namwene, balijavananji, nne natenda nneyo ili mbatenkuokoka.