¹ Paulo, umokosi wa Nyamuwanga, nomutumwa wa Yeesu Kirisitu. Kwo obwikirisha bhwo kusorwa na Nyamuwanga no bhumenyi bhwo bhukweri bhunu obhureta obujomu. ² Bhari mumajomerwa gobhuaru bwakajanende bhunu Nyamuwanga atakwaika rurimi abharagire kajanende. ³ Kumwanya gunubhatuyewo, afundukure ring'ana kubhajumbe bhanu anaye kwiyigisha, akorere kutyo kwokusigirisibwa na Nyamuwanga omweru weswe. ⁴ Ku Tito omwana wo bhukweri kubwikirisha bweswe inema, ekigongo nokwikirisha kusoka ku Nyamuwanga Rata na Yeesu Kirisitu omwerusi weswe. ⁵ Rwakutyo, nakusiga kirete oroshe amang'a gone ganu gariga gachari kwima no kutura abhakaruka bha mukerejia mumisi gyone rwakutyo nakuragiriye. ⁶ Omukaruka wa mukerejia asigekubha unu kegaganwa, abhe na mgasi umwi na abhana wekisi bhanu bhatakwaika kubhibhi, bhanu bhana intungwa yekisi. ⁷ Nikisi kumwangarisi; kumuyambasi wa inyumba ya Nyamuwanga asige kubha naikwaikwa, asige kubha namwaya. Asige ukubha na risungu asige kubhamkorwa, asigekwenda obhuremo na asige okubha na inamba. ⁸ Abhe ayeyina abhanu, endane na abhanu iyakiri yekiri obhuramusi wakisi una endere Nyamuwanga unu emire kisikisi. ⁹ Abhe unu gayambarira amafundisho gobhukweri, ganu ageigisibwa, ayane abhanu omutuma gwa ameigisho amajomu, nokwimya bhone bhanu abharema. ¹⁰ Kwokubha abhabhibhi mbafu, hasa bharya abhasarwa, amang'ana gebhwe ngabhuji mya, abhajimya nokukangasha abhanu munjira gimbibhi. ¹¹ Ni rajima uganye abhanu rwa bhayo, abheigisha abhanu ganu gatari na nsonga, munjira ya ginswaro nokunyamura emisigyone. ¹² Owumwi wendemo mubhanu bhekisi ayikire ati, abhakirete bhanorurimi runu rutari na bhutero, mbabhibhi rwa gintyanyi gindunduru, mbarenga na inamba. ¹³ Amang'ana ganu ngabhukweri, bhaganye kwa managa iri bhaikekisi kubhwikirisha. ¹⁴ Awe sigakusijana na masimuro gorurimi rwe kiyahudi nebhiragiriro bhinu ebhisubya inyuma obhukweri. ¹⁵ Kubhone bhanu bharikisi, ebhinu byone bhirikisi bhanu bhone bhakotere, na bhanu bhata kwirisha bhatari na kinu kyakisi kubhene no bwenge bwebhwe butari kisi. ¹⁶ Abhekiri okumenya Nyamuwanga rakini ebhikorwa bye bhwe, bhitakumwenda, ebhene mbhabhibhi bhatakubhaya bhataragiriwe bhikorwa byakisi.