¹ O, awe ni nijomu, onwendwa wani, awe ni mujomu, ameso gawo ni geuwa rya enyume wa kitambara chao eeho bhusu. Ngimfuri gyao ni kama liigo rya gimbusi ndigenda enwaro okusoka kukina Gireadi. ² Ameno gao ni kutyo orora ging'ondi ginu bhamweyere, mbasoka okosibhwa kila oumwi ana wejabho na atario hata umwi agati mwebhwe unuatweiriwe. ³ Omunwa gwao nkutyo obhuji obhukangaru, omunwa gwao ni mujomu ugimboto ngyao nkutyo ourora amasha ga amakomanga inyauma ye kitambara kyao ekyobhusu. ⁴ Ekimiro kyao nkutyo ourora omunara gwa daudi gumbakirwe kwe mikararanja gya amabhuyi, na ingao elefu imwi inenere iguvu yaye gingao gyone egyabhajeshi. ⁵ Amabhere gao gabhiri nkutyo ourora ebhisonyi ebhibhiri amasare, mbarya amwi mwe nyinyoro. ⁶ Adi kegoro ikinge amarengesi gang'anye, enigenda kukima kya manemane na ebhima bhya obhubani. ⁷ Awe urimujoma kwa kira kinu, omwendwa wani gatario masoro munda yao. ⁸ Nuje nanye okusoka rebanoni, omwenga wani, nuje nanye okusoka ribanoni, nuje okusoka iguru ya amana, okusoka iguru ya seneri na herimoni, okusoka mwishimo mwa indwi, na okusoka umatoko ge bhma bhya ingo. ⁹ Wibhire omutima gwani, omusubhati wani, omwenga wani, wibhire omutima gwani, kwokurora kwani kuwawe, kwo mukuta ogumwi mukimiro kyao. ¹⁰ Kutyo orora abhwandwa bhwao kutyo bhubheye bhujomu, omusubhati wani, omwenga wani, kutyo ourora ubhwendwa bhwao kutyo orora ijuisi, na oruunyo rywa marashi kutyo orora amanashi gonegone. ¹¹ Eminwa gyao omwenga wani egiurura obhuki, obhuki na mata bhirimwaro yo orurimi ryao, oruunyo rywa ebhifaro bhyao nkutyo ourora amarashi ga rebanoni. ¹² Omusubhati wani, omwenga wani ni busitani. ini ibhoyerwe, busitani inu ibhoyerwe, ekitanga kinu kibhoyerwe iyarama. ¹³ Amasagi gao ni kisaka kya mati ga amakoma manga ganu gana amana gandi gandi na inosi ya nairido. ¹⁴ Nardo na za tani, omuchui chai na omudarasini na anwi na gyone gya ouvumba, mane mane na udi na gindi tofauti ya marashi. ¹⁵ Awe ni bustani ye kitanga. ekitaro kya manji amaru, emigeresi ginu egisoka rebanoni omugasi omutiru naroma omwene. ¹⁶ Imuka, omuyaga gwa kasikazini, nuje omuyaga gwa kusini yemba mubusitani yani iri umunyo rusoshe, amaroshi. omwendwa wani na uje okusoka mubustani yaye nokunja amatunda kusorera omwene.