¹ Rinu nigana rya Raatebhugenyi ryejiye Yoeli omwana wa pettweli. ² Muugwe ambhe,emwe abhakaruka, muugwe, emweabhakasi abha ekyaro. Angu rinu ryabheewo anu mwega mtario aru kumsuku gya raata bheemwe? ³ Nubhabhwire abhana bhaawo kuviyo na bhasige abhana bhaawo okubhwira abhana bheebhwe, na bhone orubhuro runu oruja. ⁴ Ganu gasigaye kuthitoomobo gariwe na ameserare amanene, garya ganu gasigaye ku-,asarara amanene ebhiserere bhariiye, ganu gasigaye kubhisarare gariwe na amedudu. ⁵ Mruke, emwe abhekorwa, mrire! mwere me emwe bhoone bhanu omunywa idivaayi, kwo kubha ulivaayi ijomu ibhutuwe okusoka kweemwe. ⁶ Kwo kubha ekyaro ekiija aiguru we-kyaro kyaani, kirumire na kiteniko bhuteero. Ameno gaaye ni ameno aga indivi, one abheeye na ameno gaindwi. ⁷ Akorere risambu ryani erya emijaabibu kubha abhiibhi, agegere riti ryaani. Agegere amakanda gendeko agesere arere, amadagi gaaye gabheeye meeru. ⁸ Nurire rwo-orutere unu afaaye amaginika kwo kufirwa no-omurume waaye omutooto. ⁹ Emigabho gyo obhunga no-emigabho egyebhokurya gyaremerwe arera mu-nyumba ya Raatebhuganyi. Abhashengasi, abhejuuma bha-Raatebhugenyi, abharama. ¹⁰ Amasambu ga nyamukire, ekyaro kikikire. Kwo kubha imbibho inyamkire, idivaayo inyaaya yumire, ebhirange bhinyamukire. ¹¹ Murore giswero, emwe abharimi, murire, abharini abha omujabiibu, ombibho no chayini Ebhigeswe ebha mumesembu bhinyamukirfe. ¹² Emijaabibu ginyamukire amatwesho gariti gomire, riti ryo-omukomamanga, erya aga emitende, amati ga epo amati goone mwisambu ganyamukere. Kwo kujomerwa ganyamukire okusoka ku--bhaana bha omunu. ¹³ Yambe amagunire na mwarame, emwe abhashengasi! Omurira, emwe abhajuuma abha mwishegero. Muuje mwongere geta yone kumagunire emwe abhaajuma egyo nyamuwanga wani. Kwo kubha emigabho egyo bhungana emigabho egyo ebhokurya bhiremerwa mu-nyumba erya nyamuwanga weemwe. ¹⁴ Mubhirikire kwo kwiine kwo kibharo, ori mubhirikire riisangi erye kibharo. Mumsangire abhanaruka ne abheekasi bhoone erya ekyaro bhaaje mu-nyumba kwo Raatebhugenyi nyamuwanga weeswe, kimririre Raatebhugenyi. ¹⁵ Garibhanyoora ku-nsiku kwo kubha orusukurwa Raatebhugenyi rufugee. Rwoone oruja okunyamuwa okusoka ku-nyamuwanga. ¹⁶ Angu ebhokurya bhitaremerwe erera imbele aya meso geswe okujomerwa na okuseka okusoka mu-nyumba ya nyamuwanga weeswe. ¹⁷ Imbibho ginu egibhone ansi msenyi waaye, abhitera bhitari na kinu, na ebhikoro bhinyamwakire kwo kubha imbibho yoone ya nyamukire. ¹⁸ Kutyo gitanyi egirira! ging'ombe egya mkishoko eginyaka kwo kubha gitari na owokulebha kweki ameijo ga ging'ombe aganyaka. ¹⁹ Raatebhugenyi, enikuririra awe. Kwo kubha omiriro guriye anu ekirebhera mkiiima, omuriro gunyamuye amati gone aga mwisambu. ²⁰ Woori gintanyi egya mwisambu egirinya kwaawe, kwo kubha aomuji rwa rumire, na omuriro gokishe anu ekirebhere mkiima.