¹ Pelekai nkate wayuvi panani pa masi, kwakuya wibeta kuukava kavile baada ya magono gingi. ² Shiriki nkate ni vanu saba, hata nu nane kwa kuya vamanyai majanga gani gibeta kuya panani pa nchi. ³ Kama mafundi gamemili fula, gakifunagene pasi pa nchi. Ni kama libeh elikabinai kuyelekela kusini na kuyelekela kasazini, popoha libehe lipibina popoha wibakila. ⁴ Yuyoha akaulangai mpungu ghiwesika na ikwela lepi, na yuyoha ulangai mafundi giwesya asivuni. ⁵ Kama umanyili njela ya mpungu, wala vile ambayo mwana ikula mulileme vivyo hivyo wiwesya lepi kuiyelewa kazi ya Mungu, avumbili kila kinu. ⁶ Lukela pandai mbeyu yayuvi; hadipa jioni, fwanyai kazi kwa mavoko gayuvi kama ghilondeka kwa kuya umanyili ni yeleku ghibeta kufanikizwa, pamihi au palukela, au iye au yele au syola sibeta kuya sinofu. ⁷ Kweli nune ghinoga, ni kinu kya kufwahisha kwa ajili ya mihu kulola lijuva. ⁸ Kama munu akatamai miaka mingi, na aifuralie ghiha, lakini nafikilila panani ya magono gihida palongolo ga giza kwa kuya sibeta kuya singi, kila kenu kihida ni mvuke wihumila. ⁹ Fulahiwai nsongolo pamonga ni usongolo wa yuvi, ni ntema wayuvi ufuliwahi magono ga usongolo wa yuvi, futilikai gala manofu ga ntema wa yuvi, ingawa manyai kuya Mungu ibeta kuleta kuhukumuni kwa ajili ya vinu ifu fyoha. ¹⁰ Vusyai hasira kuhuma kumtema wa yuvi na ukotoi kujari maumivu gagoha katika mbele wa yuvi, kwa sababu usongolo ni ngufu sa mwene ni mvuke.