¹ Hangi utemi wa mwilunde ulikole na vanavali kumi vasomba tala zyawo na kuwuka kuyo kumpokela bwana winga. ² Vatano mugate yavo ndivapumbavu na vafavo ndivali na masala ³ .Bali vanavali velele (vapumbavu) ndivasomba viseme vya maguta hakimo na tala zyavo. ⁴ Bali vanavali vamesala vasomba viseme hakimo na tala zyavo. ⁵ Hungo Bwana winga ndivachelewa ifika, vose ndivadimwa tuto na vakallala ⁶ .Iva itungo lya wuziku wa manane ndi kwine ibada ''Linga'' Bwana winga fumi hibala mikaimupokete ⁷ Ndipo vale vanavali vatunula vose na kyvasha tala zyavo ⁸ .Vale vapumbavu ndivawawila vale vamasala 'mukupe sehemu yingwe ya maguta ngwao tala ziswe zizimile (zyuzima). ⁹ Iva vale vamasala ndivawajibu na kuvawila kwa kuvigakakutosha isunaningu, baadala yakwe yagi kwavo wuguzya mukigulile kiasi kwa nguno yingwe. ¹⁰ Hungo ndivaya kule kukagula, Bwana harusi wafika, na vose ndivalitayari ndivaya nave kui sherehe ya winga, na mulango gwa lugalwa. ¹¹ Ibaadaye vale vanavali vangi ndivafika na kuyomba, ''Mugosha, mugosha, kulugulule.' ¹² Iva wajibu na kuyomba hanandiva wila ene ke nkavamanya inyu.' ¹³ Kwa hiyo loli, kwa kuvi mukamanya nsiku na saa. ¹⁴ Kwa kuvi ni sawa na muntu ahoukova kusafiri kuya nsi yingi. Vawitana vafumwa vakwe na kumupa wusava wakwe. ¹⁵ Yumo vawo vawapa talanta itano, yunge ndivamupa iveli na yunge vamupa talanta yimo. Kila yumo vapata kugelani zya na nguzu zyakwe na yule mntu va safari kuya zyakwe. ¹⁶ Mapema yule vaapokela talanta itano ndiwaya kukazifula na kukaziwufya zingi itano. ¹⁷ Na yule vaapokela talanta iveli, ndiva zalisha talanta iveli. ¹⁸ Iva mutuma (mutumami) ndivaapokela talanta yimo, waya zyakwe, wasimba ishimo hansi, na kuyivisa hela ya mugusha wakwe. ¹⁹ Na baadala ya muda mulehu, mugusha wa vatumami vale ndivasua na kuvezya hesabu. ²⁰ Yule mutumami wapokela talanta tano wiza na kuleta talanta hangi itano. Linga, napandika (napata) faida ya talanta zingi itano.' ²¹ Mugosha wakwe waliwiki viisoga, mutumami musoga na mwaminifu! Wavi mwaminifu ku vintu vidogo. Kukupa ukulu wa vintu vingi. Ingira mugate na wukonde wa mugosha wako.' ²² Mutumami yule vapokela talanta iveli ndevisa na kuyomba, ''Mugosha, ndivampa talanta iveli. Linga, napata faida ya talanta iveli,' ²³ Mugosha wakwe vaamuwila, visoga sana, mutumami musoga na mwaminifu! Wavi mwaminifu kuvintu vido. Kukupa ukulu mwigulya wa vintu viingi. Ingila muge na watogwe wa mugosha wako.' ²⁴ Baadaye mutumami iyovaapokela talanta yimo ndi wiza na kuyomba, 'Mugosha, manyile kuvi eve ni muntu mudaki. Uyava sehemu ambayo akahambile na uwimbula sehemu ambayo hukusia. ²⁵ Ene ndinogoha, naya zyane, na kuyivise talanta yako mugate na vuulongo. Lola, winayo aha iyo yako.' ²⁶ Iva mugosha vakwe akajibu na kuyomba, 'Eve mutumami mwovu na muzembe, ndi umanile kuvi uyava mahali ambapo ikahambile na kwimbila mahali ambapo sikuasi. ²⁷ Kwa kuvi ulipaswa kuvapa hela yane vantu va benki, na itungo lya kuzwa kuvano ningeipokea yile yane hakimo na wupate faida. ²⁸ Iva mupuzi yile talanta na mupi mutumami yule ina talanta kumi. ²⁹ Kila muntu uyo inacho, akawongeziwa hangi zaidi - linga kuzidishiwa mndotva ku yoyote uyo wigile na lyolyote ninga chile inacho alapuziwe. ³⁰ Mutagi hibala mugiza yule mutumami asiyefaa, ambako kulavi na kililo na kusha mino.'' ³¹ Itungo Mwana mu mwa Adamu ahoalize mugate na wukulu vakwe na malaika vose hakimo nave, ninga alikate hisumbi lya wukulu vakwe. ³² Mataifa gose galikuminze hambele zyakwe nave alavakome kiti mbuli na nkolo. ³³ Alavafule nkolo mukono gwakwe gwa mulyila, mbuli alavaatule mukono gwakwe gwa mumoso. ³⁴ Kisha mutemi alavaawile vaale vaalimukono gwa mulyina, 'Izi mubarikiwe na vaava vave, musazi wutemi wule wandaliwa nguno yingwe kufuma kutulya misingi ya welelo. ³⁵ Kwa kuvi ndinina nzala ndimwapa chakulya; ndimugeni mwankaribisha; ³⁶ Ndindiduhu, na mwamvika mavyalo; ndindimufwile na mwantuzya; ndindimuluduko na mwanizila.' ³⁷ Ndipo vale va haki valamjibu na kuyomba, 'Mugosha, lyise kii kwakuvona winanzala na kwakulisha? Au wina nkango ha kwakupa minzi? ³⁸ Na lyise kwakuvona wi mugeni na kwa kukaribisha? Au ndiwiduhu na kwakuvika mnyenda? ³⁹ Na lyise kwakuvona wimulyile au mugate na luduko na kwakwizila? ⁴⁰ Na mutemi vajibuna kuvawila hana ndivawila, ichomwita aha ku yumo na vadugu vane vado ndimwa nitela ene.' ⁴¹ Ndipo alavawile vale valimukono gwa mumoso, 'Fumi kuvane ingwe mwalaniwa, yagi mugate na moto gwa milele gule gwandaliwa nguno ya mwakatavi na malaika zyakwe, ⁴² Nguno ndinina nzala mukampile chakulya; ndinina kango mkampile mizizi; ⁴³ Ndendemugeni mukankalibishishe; ndindiduhu mukampite mavyalo, ndindimulyile na muluduko iva mukamtunzizye.' ⁴⁴ Ndipo vale hangi wakumujibu na kuyomba, 'Mugosha, lyise kulakuvdne wina na nzala au nkango, au wimungeni au widuhu au winamulyile au wimufugw na kukakuambilizizye? ⁴⁵ Kisha akuvajibu na kuyomba, ''Hana ndivawila, kile ambacho mukavezizye kuyumo na hava vado, mukambezizye ene.' ⁴⁶ Ava valaye mugate na luduko lya milele niya va haki mugate na wupanga wa milele.''