¹ Ikitabu cha ukoo wakwe Yesu Kristo mwana lyakwe Daudi, ni mwana lyakwe Iblahim. ² Iblahim awavagi vava wa mwa Isaka ni Isaka ni vava lyakwe iYakobo ni Yakobo ni vava lyakwe Yuda nivaduguye. ³ E Yuda wavagi vava wa mwa Pelezi ni Sera kumwa Tamali, Perezi vava wa mwa Hezeroni, ni Hezroni ni vava wamwa Ram. ⁴ Ram wavagi vava wa mwa Aminadabu, Aminadabu vava wa mwa Nashoni, ni Nashoni vava mwa Salimoni. ⁵ Salimoni wavagi vava wamwa Boazi kumwa Rahabu, ni Boazi vava wamwa Obedi kumwa Ruthu, Obedi vava lyakwe Yese, ⁶ Yese wa vagi vava wa mwamtemi Daudi. Ni Daudi vava wa mwa Sulemani kumkema wa mwa Uria. ⁷ Sulemani wavagi vava wa mwa Rehoboam vava mwa Abiya, ni Abiya vava wa mwa Asa. ⁸ Asa wa vagi ava wamwa Yehoshafati vava wa mwa Yolam ni vava wa mwa Uzia. ⁹ Uzia wavagi vava wamwa Yotam, ni Yotam vava wa mwa Ahazi, Ahazi vava wamwa Ezekia. ¹⁰ Ezekia wavagi vava wamwa Manase, ni Manase vava wamwa Amoni ni Amoni vava wamwa Yosia. ¹¹ Yosia wavagi vava wa Yekonia vakulu vakwe itungo lyakusolwa kuya ku Babeli. ¹² Ni tungo lyakusolwa kuya ku Babeli, Yekonia wavagi vavawa Shatieli, ni Shatieli wavagi vava lyakwe ni Zerubabeli. ¹³ Zerubabeli wavagi vava wa mwa Abiyudi vava wamwa Eliakim, ni Eliakim vava wa mwa Azori. ¹⁴ Azori wavagi vava wa Zadoki ni Zadoki vava wa mwa Akim, vava wamwa Eliudi. ¹⁵ Eliyudi wavagi vava lyakwe Elieza, ni Eliaza vava wamwa Matani, ni Matani vava lyakwe Yakobo. ¹⁶ Yakobo wavagi vavawamwa Yusufu mgosi ni Maliam uyo kuwakwe ndautwa akwitanwa Kristo. ¹⁷ Ivizazi fyose ifuma kumwa Iblahim hadi kumwa Daudi ivyavagi vizazi ikumi na nne ifuma wasolwa kuya ku Babeli hadi Kristo ivizazi ikumu na nne. ¹⁸ Kuutwa kwa mwa Yesu Kristo kwavagi ivi. Inyina lyakwe, Maliam, ndachumbiwa ni Yusufu, alakini aho ndevakali lisangya ndaoneka ali nida kuuwezo wa Roho Mtakatifu au Roho Sondo. ¹⁹ Mgosi lyake Yusufu wavagi mtu wisima ndakakovile limwaibisha azalani. Ndaamu kuuleka uuchumba wakwe kusiri. ²⁰ Itungo wavagi akwiganika igulya ni magambo genaga mkombe wamwa ungosha ndamfumila mugati ni ndoti, wamwa," Yusufu mwana lyake Daudi, ngene wogohe limsola Maliam kili mke wako, kunguno mwitungo ugo alinayo ni kuuzo wa Roho Sondo. ²¹ Aakwifungula mwana mgosha na ukwamwitana nina lyake Yesu, kunguno akavapizya vakwe ni zambi zyao." ²² Gose genaga gafuma kutimizya echo chayombwa ni mgosha kunzila ya vanabii, ni yombo, ²³ "Kunguno, ibikila akasola witungo ni uta mwana mngosha nalimwitana lina lyakwe Imanweli"-- imana yakwe, "Seva alihamo niswe." ²⁴ Yusufu ndatumila ifuma mtolo nivezya kiti ise mkombe wa mwa mgosha avyo ndamtuma ndamsola kivi mke wakwe. ²⁵ Ninga viniyo ndakalalile nawe adi aho ndauta mwana mngoshi na ndamwitana lina lyakwe Yesu.