¹ Lola, umtumami wane, yule mkuudima yule nakusagula kuwane mpandike utogwe. Nayilulaga umwego gwa na higulya yakwe, akuteta ehaki kunsi. ² Akashe alile ninga kuguma ibubu, ninga muzwi gwakwe gukashe gwiguke mmitaa. ³ Umwanzi gule gwatimwa gukashe gweleke na ninga uutambi gule gukuvaka na ifumya emwanga gukashe gupye alatime ahaki kuuwaminifu. ⁴ Ninga izima ninga ikataa mpaka aho alaanzishe ehaki mgate na ensi, na epwana yikulinda miko yako. ⁵ Seva Yahwe akuyomba evi-- umsava yule wazitunda embingu na umsava wazigolola hibala, umsava yule wazitunda ensi na evintu vyonsevyonse evyo zikuuta umsava yule wavapa myuye evantu na vale vakwikala kwigulya: ⁶ Ene Yahwe nakwitanaga kuhaki yane na kukusima mkono gwane. Nkukutunzya eve, na nkakotula eve kate ilagano kuvantu vane, kate emwanga gwa Vayunani ⁷ Kugafumbuka eminso ga vapofu, kuvafumya vale vafungilwe mwigeleza, kuvafumya vale vali mgiti ifuma mgate na kaya yie yafungilwa. ⁸ Ene ndi Yahwe, Lyimilo hilina lyane ene na ukulu wane nkashe shirikisha na mtu yungi ninga esifa zyane nkashe shirikiane na esanamu ya iehonga. ⁹ Lola, emagambo ga kunyuma gizaga na ivita, egisi nkwegela itangazwa magambo mapya. Ekabla gakale kwanza itokea ehusu vawo.'' ¹⁰ Mwimbe Yahwe lwimbo lupya, na esifa zyakwe ifuma kumelo ya ensi; eve ukushuka hansi mgate na ebahari, na vyonse evyovilimo mgate yakwe, avo vakwikala epwani na vale vakwikala kuko. ¹¹ Valaleke ijangwa na ekaya zile, ekijiji evyo vakwikala na Kaderi, lila kuutongwe! Valeke vakumo ibubu higulya ya melo ya lugulu. ¹² Valeke vamsanizye Yahwe na itangazwa esembo zyakwe mgate na ensi ya epwani. ¹³ Yahwe alafume hibala kate mkindi, kate mntu wa ulugu alaichochee witume wakwe. Alagume ibubu, hene, alalile, kumkindo mgate na ulugu wakwe; alavalangishe evavi vakwe na enguzu zyakwe. ¹⁴ Napumbulaga sele kwi tungo efupi, nkali; nkwendelea mkwizuiya ene msava; Ndalile kate nkima yule akukola kwipekula, ndasaye na ilwala. ¹⁵ Ndayivipye engulu na tungulu na ikazwa emasi gakwe ga asili, ndagaluzwe myongo kuva evisima na ndakazwe na emaleve. ¹⁶ Nkuvaleta vapofu kunzila yile vakayimanya, mgate na enzela yile vakayimanya kuvavitwa vawo. Kuligaluzwa egiti kuva emwanga hambele yawo na kuhagolola esehemu yile yikagoloka. Magambo gonse genaga ndagite na nkashe mbaleke vawo. ¹⁸ Tekeleki enyu vakiva; lola, eve mpofu, ili ukowole iona. ¹⁹ Yule muhofu ni mtumami wane? Ninga ukiva ni kate mkonde yule namlagikizwa? Unde yule mulufu kate mtogiwa wane wa ilagano, ninga umuhofu kate mtumami umwa Yahwe? ²⁰ Mwaonaga magambo mingi, ila mkelewagwe mmatwi galugukaga, ila kuduhu yule akupulika. ²¹ Yikumtogisha Yahwe kusanizya ehaki yakwe na kuyeshimu emiko yakwe. ²² Ila vantu venava ni vale avo mbivaputwa na itelewa wonse vandimwagwa mgate na ishimo evafungwa wonse vatulagwa mwigereza, vavaga emataka na kuduhu ninga umwi na kuwokowo vavo, kuduhu wiyomba, vasuvi.'' ²³ Unde mgate ninyu akutekeleka lyinili? Unde akugatekeleka na unde, akwigwa itungo ilo lizile? ²⁴ Unde yule wamfumya Yakobo kuvajambazi na Israeli kuva ivi? Vihe kuduhu Yahwe, hagate vale vakutenda ezmabi, avo vakana iyomba mgate na enzila na vale avo vamkana kuheshima emiko yako. ²⁵ Hivyo hange uwuta akisila chakwe kidaki hibala hagati yawo, kuuvipya na ulugu. Mbiyili kuvapilima vavo, ninga vakamanyile lilo, hivyo vakagasolile gago mmwego gwawo.