¹ Nkanche kumwa Arieli, Arieli, kaya ugo Daudi atulile inkambi! Emwaka ehadi emwaka akuongezeka; hange etamasha lyowegela kwiza. ² Ila eve ndaupilime Arieli, na valalile na lyombolezwa, na valave kuwane kate Arieli. ³ Nkutula enkambi hagate yako mgate ya emzunguko, ndakupilima kukulule engomwa hagate yako. ⁴ Ulaletwe hansi na ulayombe ifuma hansi mgate ya malongo, uwuyombe wako ulashushiwe ifuma mluwuwu; muzwi gwako gulave kate muyaga mgate na ulongo, na imihayo yako yilave yiwuduhu enguzu ifuma mluwuwu. ⁵ Ejeshi lya vansika vako valave kate luwuwu ludo, na ewingi wa vakoghyaa ulave kate emakapi galegalivita. Yilatokee emara yimwi hanho na haho. ⁶ Yahwe wa ejeshi alize kuwisu kukuva, chamtitimya ya muulongo, umuzwi mhanya, na muyaga mndaki na kimbunga kidaki, na emwali gwa moto gwiteketezwa. ⁷ Yilava kate ndoti, endoti ya usiku: Ejeshi lya ensi yonse galigume mgate ya Arieli na ngomwa zyakwe. Valivamiaye umsava na engomwa zilezikuvanyanya vale. ⁸ Yilava kate umntu yule wa nzala yule akulota alilya, ila mgate anho akutunula inda yigele ekintu. Yilave kate umntu yule wankangu yule akulota alinywa manzi, ila eve akumisha, akuzimia, hene evyo yilave eidadi hanya ya vigumi na ya Lugulu lwa Sayuni. ⁹ Kamalwi inyu vasava na mwikamalwe; evezi mlivapofu na uve mpofu! Uve mnywi, ila eve yikavile emvinyo tovatova ila eve yikavile ebya. ¹⁰ Nguno Yahwe walekulaga mwego gwakwe mgate na tulo lwa hana, wagafumbaga emiso gako, valaguzi, na wakumbilaga umtwe gwako vaoni. ¹¹ Ukudukule wonse wizaga kuwako kate mihayo ya mkitabu echochalulilwa emuhuri, kwicho vantu vakowolile kumpa umntu yule akwihembeka, na kuyomba, evi.'' Esoma iki.'' Naakuyomba, ''Nkakowola kunguno yitulilwe emuhuri.'' ¹² Kate ekitabu kilapiwe kuvantu yule akakowole isoma, na kumuwila, ''Esoma kiki, ''Na akuyomba, ''Nkakowole isoma.'' ¹³ Mugosha akuyomba, ''Vantu venava vakumpelela ene na kumwesima kumilomo awo, ila eve myigo yili hatali nane. Isima lyawo kuwane ni kunguno du ya isemuzyo lilo vahembekwa. ¹⁴ Hevyo hange, lola, 'Nkwendeleya ivezya magambo ga nsoni mgate na vantu venava, emaajabu ebadala ya emaajabu. Isima ya yule wa masala yilatagike, na umanyi wavantu vale va masala uladuge.'' ¹⁵ Nkanche vavo vale vakavisa emipango yavo kumwa Yahwe, na vale avo esembo yawo ni ya giti. Vakuyomba, ''Unde yule akuwine isu, na unde yule dikumanya isu? ¹⁶ Enyu vale mkubadilisha evintu vya kwigulya nansi! Vihe umuumbi wa nyungu ukowola mgwiganikilwe kate ulongo, hivyo hange evintu vile vikuveziwa viyomba ehusu yule vavivezya akalilwlewe?'' ¹⁷ Mgate na itungo ido ilo lyashalaga, Lebanoni yikugaluziwa kuva mugunda, na mugunda gukuva iporu. ¹⁸ Lwiswi lulo vankiva valaigwe emihayo ya mkitabu, na miso ga vapofu galaona mgate na giti entimbu. ¹⁹ Vale mbivazulumiwa valatogwe hakimo na Yahwe, na emasikini mgate ya vantu valatogwe ku mtemi wa Israeli. ²⁰ Nguno vantu avovakavile vakatiti valave vamalaga, na vale na kabwedu valatagike. Vale wonse avo vatogilwe ivezya ukenaguzi valasiniwe, ²¹ unde na kumuhayo kii lilamwite umntu kwiva mkenaguzi. Valamtulile umtego kumsava yule akuyikola ehaki mgate na ngomwa na itula ehaki hansi kuulambu ule ukavile na ehintu. ²² Hevyo hange Yahwe akuyomba ivi ehusu enyumba yimwa Yakobo- Yahwe uyo mbiwamkomboa Ibarahimu, ''Yakobo akashe apandike ensoni hange, ninga ushu wakwe akashe ugaluke erangi yakwe. ²³ Ila eve anho akuvaona evana vakwe mlimo gwa emikono yakwe, valalisafishe (kuligusa) lina lyakwe. Valaliguse lina lyako mtemi umwa Yakobo, na valimilile mgate na vova umwa Seva wa Israeli. ²⁴ Vale avo vakulagika kumwego valapandike umanyi na vale avo vakusaya valihembeke umanyi.''