¹ Etamko ehusu ebonde lya ndoti: ² Kaya yile ya ibubu, kaya yokalile ukinaguzi, vafuile vakiulagile kulupanga, na vakafwile mngate na ulugu. ³ Vatongelezi vinyu vapelaga hakimo, ila eve vadimwaga bila kuva na wuta, wonse kuhakimo vadimwagwa na vadimwagwe hakimo, valipapelaga ifuma halali. ⁴ Hivyo hange, Mkandolaga ene, nkulila kuusatu; nkagemaga, mkufariji ehusu na kuvipiwa kumwanwaniki wa vantu vane. ⁵ Nguno kulina lwiswi zya efujo, utovile hansi, na efujo zya Mugosha, Yahwe wa emajeshi, mgate na ebonde lya ndoti, ingwa hansi kwigelele, na vantu vakulila higulya ya lugulu. ⁶ Elamu sola epodo higulya, na egari ya vantu na efarasi, na kirghizameweka evyenda wazi. ⁷ Lwiswi lulo kule kwimbonde gale wagasagula gakokale emagari na efarasi valasole enafasi zyawo mgate na mlango. ⁸ Akuusinwa hatali uuulinzi umwa Yuda; na akuona lwiswi lulo akuona isileha mgate na ejumla ya eporu. ⁹ Waonaga ematambi ga kaya ikaya yimwa Daudi, ivyo valivingi na ikuminga manzi mgate na evilika lya hansi. ¹⁰ Wasolozwaga ekaya zya Yerusalemu, na watandulaga enyumba hansi kuuvegelezwa igelele. ¹¹ na witaga uutuzwi mgate na magelele avili ku nguno manzi ga ivilika lya kale. Nguno ukashirikisizwe vale vagazwengela ekaya vavo vapanga kaya ifuma kale. ¹² Mugosha, Yahwe wa emajeshi vavitanaga lwinsi lulo vantu vize lyombolezwa na ilila, vasenye mitwe yawo na ivala myenda za magunila. ¹³ Ila eve lola, ebadala yakwe esherehe na utogwe iwulaga eng'ombe na isenza ekolo inzi kulye na inywa evinyo ku nguno igolo kulafwe. ¹⁴ Lyinili lyakomelagwa mgate na matwi gisu na Yahwe wa emajeshi: hana ukenaguzi genaga gakashe gasamehewe, ninga anho alafwe, ''Wayomba Mugosha wa emajeshi. ¹⁵ Mugosha, Yahwe wa emajeshi, akuyomba ivi, ''Yaga kumwa yule mtongelezi, wa Shebana, yule wa kwigulya ya kaya, na umuwile, ¹⁶ Unde yule wakurusugu isimba ekaburi eyako eve msava, kwikala higulya ya ekaburi na higulya ya urihu mgate na esehemu na hakusuhila mgate ugamba?'' ¹⁷ Yahwe uwegela kukutaga hansi, na umntu yule wa nguzu, akwegela kukutaga hansi; akagugasi. ¹⁸ Akwakikisha alikazungusha ezungusha na ilezwa emsukosuko kate empira mgate na ensi hanya. Hale anho alafwe, na hale egani yako ensondo halolilave yilave nsoni ya kaya ya Mugosha wako! ¹⁹ ''Nane ndakusinwe mgate na eofisi yako na mgate na ekituo chako. na alakweswe hansi. ²⁰ Na yilave evi ehusu lwiswi lulo ndamsole Eliakimu umwana umwa Hilikia tumami wane. ²¹ Ndamvike umsave kukanzo yinyu na kumveka umkanda gwinyu, na ndasanye emamlaka ginyu mgate na emiko yakwe. Alave vava wa venyeji va Yerusalemu na mgate na kaya yimwa Yuda. ²² Ndazitule efungulo zya kaya yimwa Daudi mgate na mavega gakwe; alalugule na kuduhu yule alafunge, na alalugale na kuduhu yule alalugule. ²³ Nane ndamwimarisha umsava ekigingi mgate emahali essalama, na alave hisumbi lya utemi mgate na kaya yimwa vava wakwe. ²⁴ Navo valagwile higulya yakwe ya utemi wonse umwa vava hakaya yakwe, evana vakwe na uuti wakwe na ekila ekiseme ekido ifuma evikombe empaka emajeshi gonse. ²⁵ Lwiswi lulo- lyinili hilyene etamko limwa Yahwe wa emajeshi - ekigingi echo kitulilwe mgate na emazingira eimara kilafumye enzila, uleveleke, na igwa, na utimbu wule winao ulasiniwe - nguno Yahwe akuyomba.