¹ Etamko ihusu Misri. Lola, Yahwe akusafiri mgate na emavimbi mabuhu na akwiza Mmisri; Esanamu zya Misri zikutetema hambele yakwe, na emyigo ya Vamisri yikuyeyuka mgate yao vasava. ² Mkuvachanganya Vamisri higulya na Vamisri: Umntu akwiguma na umduguye, kaya na kaya na utemi na utemi. ³ Emyigo za Misri yikuvipiwa ifuma mngate. Nkuuvipya uyangu wakwe, ninga valaviganika uyangu wa esanamu, emyigo zya vantu avovafwa, na emizimu, ⁴ Nkuvaleka Vamisri mgate na mikono ya vatongelezi vakatili, mtongelezi eimara akuwongozya vao- Lyinili liamko lya mwa Yahwe Mugosha wa emajeshi.'' ⁵ Emanzi ga mmbahari galakale higulya, na mongo gulakale na kuva mtupu. ⁶ Myongo yilave michafu, emikono ya Misri yilave dhidi na ikala, emwanzi na ebendela zyakwe zilalushiwe hatali. ⁷ Emianzi ya Nile, umlomo gwa mongo Nile, na mbiyu zyonse ezyo zikakuva mgate na mgunda gwa Nile zilakale zyonse, zilagaluke kuva malongo, na erushiwa hatali. ⁸ Evazuvi valalile na lyombolezya, na vale avovalashushe eneti mgate na manzi valasaye. ⁹ Vatumami va itandula ekitani valafaidike na vavo vakusuma emyenda zyape valagaluke kuva msumi. ¹⁰ Vasuma myenda va Misri valaangamizwe na wonse vale vajiliwa valesaye enafasi zyawo. ¹¹ Vakulu va Zoana ni valele hana. Vayangu vale va masala vamwa farao ni vapumbafu. Ukowola vihe kumuwila Farao, ''Ene ndi umwana va vantu valo vamasala, ¹² ''Valilwe vale vantu vamasala? Umwana wa mtemi wa kale? Valeki vakwile? na yijulikana ekintu echo Yahwe wa emajeshi wakipangaga ehusiana na Misri. ¹³ Vakulu va Zoana vavaga vilele vakulu va Memphisi vagagaunkanwa; vakaita Misri yiye igaluzyo, na mawe ga melo ya emakabila gawo. ¹⁴ Yahwe wachanganya mwego gwa ivulugwa mgate yawo, na vitaga Vamisri iya igaluzyo kugonse ago vakugita, kate mnywi evyo akuyumbayumba kukuakuluka. ¹⁵ Kuduhu kintu echo umntu yeyote akowolile kkukwita kunguno ya Misri, kate mtwe ninga mkila, itambi ninga imwanzi. ¹⁶ Lwiswi lulo Vamisri valave kate vakima. Vakutetema na lyogoha mkono gumwa Yahwe na emajeshi gugo gwaushwagwa higulya yawo. ¹⁷ Ensi ya Yuda yilave ku nguno ya lyogohya ku Misri. Yensoyenso avoakuvakumbusha vavo ehusu umsava, valaogoha sana, ku nguno ya empango gumwa Yahwe, ugoakupanga higulya yawo. ¹⁸ Lwiswi lulo kulave na kaya itano mgate na ensi ya Misri vavo vakuyomba elugha ya kanaani na ilahizya kumwenyimu Yahwe wa emajeshi. Yimo hagate ya kaya yiniyi yikwitanwa kaya ya eyoyavipiwa. ¹⁹ Lwiswi lulo kulave misengelo kunguno yimwa Yahwe mgate ya ensi ya Misri, na iwe lya munyu bihe na Yahwe. ²⁰ Yilave kate eishala na uushahidi kumwa Yahwe wa emajeshi mgate na ensi ya Misri. Akuvatumila umpizya na umlinzi, na akawoleowa vavo. ²¹ Yahwe alamanyike ku Misri, na Vamisri valamzumye Yahwe lwiswi lulo. Valamsanizye kukalumbilo na ematoleo, na vatatule ilagano na kulitimizya. ²² Yahwe akuyiguma Misri, akuyiguma na kuyipizya, hangi valamsuvile Yahwe, aladegeleje emaombi gawo na kuvapizya. ²³ Lwiswi lulo kulave na enzila hanya ifuma Misri kuya Asiria, na Vaasiria valaize ku Misiri, na Vamisiri valasanizye hakimo na Waasiria. ²⁴ Lwiswi lulo, Israeli yilave ya utatu hakimo na Misri na Asiria, ebaraka hagate ya ensi; ²⁵ Yahwe wa ejeshi akuvabariki na iyomba, ''Vabarikiwe Vamisri, vantu vane; Vasiria, imilimo ya mikono yane; na Israeli isalo lyane.