¹ Etamko lya ehusu Dameskasi. ² Ekaya zya mwa Aroera yilavipiwe. halave na enafasi ku nguno ya itunzizwa evisaviwa na kuduhu yule alizuwiye. ³ Ekaya ezyo zyalekwa ifuma Efraimu, mtemi ifuma Dameskasi, na vavo vashale, Aramu-valave kate utemi wa vantu va Israeli-lyinili hitamko limwa Yahwe wa emajeshi. ⁴ Yilave lwiswi lwa utemi umwa Yakobo ulapungue na ulave mgunda na inona kumuvili gwakwe gulapungue. ⁵ Yilave kate mwimbuzi vivyo akukuminga emavuno, na mkono gwakwe gukimbula emaganda ga emazao. Yilave kate mntu akufumya emaganda ga emavuno mgate na embonde lya Refaimu. ⁶ Emasagila galalekwe, ninga vivyo, umti gwa emzabibu ngulatishiwe: Emizeituni evili ninga itatu yiyo yili higulya sana na matambi gakwe gali kwihulya ane ninga atano mgate na matambi ga higulya mgate mti ugogukuuta - lyenili hitamko limwa Yahwe, Seva wa Israeli. ⁷ Lwiswi lule entu valamlolele mtunda wakwe na miso galamlolele mtemi wa Israeli. ⁸ Vakashe valele imisengelo, milimo zya mikono yawo, ninga vakashevalole kile kiliwitwa wa mala gawo, ehingi zya Ashera na epicha ya limi. ⁹ Lwiswi lule kaya ya nguzu yilave kate iporu elolwapolwa na higulya ya lugulu, enho halelewe kunguno ya vana va Israeli halave wukiwa. ¹⁰ Nguno mwakamlavila Seva mpinza winyu, na mwakabweda umgamba gwa nguzu zyako. Hevyo hangi waleamezwa miti misoga, zya emizabibu misoga yile yafuma kwuheni, ¹¹ Lwiswi lulo wamezwa na ehansi na ilima embiyu zyako zilamela mangu na ikula. Ila eve emavuno galashindikana lwiswi lulo yilave misayo na ikate atamaa. ¹² Nkanche! Vantu vale va efunjo, Mkindo gwakwe ni kate myumo gwa ebahari, na ekasi ya emataifa, vakuyuma kate myumo gwa manzi mingi! ¹³ Ensi zilayume kate manzi mingi gakuya kasi, ila eve Seva akuvakanila. ¹⁴ Valapele kutali mno na valapeziwe kati punda mgate na lugulu hambele ya myaga, kati malongo agogakupilima mgate na myaga, itungo lwa usiku, lola ugoga! na ekabla ya mlawo valenya. Lyinili heivyene igambo lya vale vakukupuzta ensao zisu.