¹ Ndoti zyamwa Isaya umwana umwa Amozi mbi wagaona ehusu Yuda na Yerusalemu mgate na evipindi vya uutawala umwa Uzia, Yothamu, Ahazi, na Hezekia, vami vikumwa Yuda. ² Degeleka enyu mdund, tega matwi enyu ensi; kuvi Yahwe akuyomba: ''Namlagilizwaga na kuvalela vana,, ila eve vagalukaga. ³ Eng'ombe ammanyile uyo amusavile na epunda ammanyile esehemu anho utulwa chilwa, ila eve Israeli vakamanyile, ninga vakamanya.'' ⁴ Eole! Eitaifa, avo vina ezambi, umntu mkenaguzi, vana vawo va zambi, vana avo valivezya igaluzyo, vakamtelekezwa Yahwe, vakaidharau (vakaibyeda) yule wakonde wa israeli, vakitenga vasava kufuma kuwakwe. ⁵ Ku kii mbiuli ukwendelea kugumwa? Ku kii ulezidi kumleka na iasi? Umtwe gonse gukusala, mwego gonse ni gukasuga utogwa. ⁶ Kufuma kulupambala lwa mngulu hadi kumtwe kila esehemu yinaemaumini, na vilonda na emalonda emapya ago galekwaga ewazi, gwako gakatungilw, kukusa, kutunga evilonda vyawo, ninga kuvapizya kumaguta. ⁷ Ensi yinyu yavipaga; ekaya zinyu zyatimwaga emoto; emigunda yinyu--- hambele, vageni vazivipyaga; vaitelekezyaga mgate na uvipya, uwo wagwishiwa na vageni. ⁸ Umwaniki Sayuni walekaga kiti ekibanda mgate na mgunda gwa ezabibu, kiti kizimizimi mgate na mugunda lya emelengo, kiti kaya eyo yililomba. ⁹ Kate Yahwe wa emajeshi akakulekile kwitungo efupi kwalikuva kate Sodoma, kwalikukuvi kate Gomora. ¹⁰ Degeleki egambo limwa Yahwe, enyu vatongelezi va Sodoma; degeleki miko yimwa Seva wisu, enyu vantu va Gomora: ¹¹ ''Ekalumbilo kinyu ni kingi ekiasi kii kuwane?'' Akuyomba Yahwe.'' Nigwaga evya itosha ekuhusu kalumbilo kinyu ka mwana wa nkolo na endimu eyoyenonile, na emagazi ga ng'ombe, endama, ninga embuzi nkatogilwe. ¹² Anho wiza wigelisha wikalile hambele yane, Unani yule wakovaga lile higulya yako, ktuva mgate emiko yane. ¹³ Mkaletaga hange kalumbilo ezyozikavile na emaana; emaana zekunyongezezya uchafu mwikumingaga mgate ensiku yinyu empya ya mwezi na Sabato -- Ene nkakowola enimilia wikumingi yiniyo yaukenaguzi. ¹⁴ Muyikaga esherehe yinyu empaya ya mwezi na esherehe ezyozyayombwa ni mligo kuwane nazovaga isomba. ¹⁵ Vivyo hene anho nubagulwa emikono yinyu mgate na emaombi, nkavalole ninga kate mkulomba sana nkandegeleke, emikono zinyu zyokalile magazi. ¹⁶ Ikusi mwisafishe inyu vasava; sininwi emagambo emavi hambele ya inso gane; leka kutezya ezambi; ¹⁷ ihembeki kutezya masoga, kovi ehana; mkavanyanyansaga, vapi ehaki valekwa vasungi vasimbe.'' ¹⁸ Isi gisi, isi kwiyangula, akuyomba Yahwe ninga kuva ezambi zinyu ni zyaza kate ebendela zikuva zyape kate nsakala; ninga evyo ni zyaza kate magazi zikuva kate pamba. ¹⁹ Kate mbi ukazumya na lyeshimu, ukulya masoga ga ensi, ²⁰ ila eve mbi ukane na kugaluka, lupanga lukagwangamiza, emaana Yahwe wayomba. ²¹ Ni kunzila kii kaya eyo mbiyaminiwa gwavaga mahaya! Yali kaya ya usawa na ehaki, ila eve egisi kaya yakalaga uwulagi. ²² Ehela zinyu zyakachafuka, na vinyo gwinyu guseleganiwe na manzi. ²³ Vatongelezi vinyu vamgalukaga Seva vavaga vanwani va vivi; yensoyenso uyoakutogwa erushwa na kuyipelela. Vakavile ijabi eyatima ninga vasimbe avovaliza enyenyekia hambele zyawo. ²⁴ Vivyo ninga linili etamuko lya Mugosha, Yahwe wa emajeshi, wanguzu w Israeli: Kanehe kuwinyu! nkusola ehatua kwa vavi vale avo vali igaluzyo nane na kuvalapilizya vavo vakupinga; ²⁵ Nkuugaluzwa mkono gwane higulya yako, nkusafisha echuma echo chakevipa na kusinwa ekutu yonse. ²⁶ Nkuyilinda ehukumu yako kate evyo mbiyile mbuke na vayangu vako kate evyo mbiyili haho mbuki, ebaada ya haho mkwitanwa kaya ya ehaki kaya ya konde.'' ²⁷ Sayuni yikakombolewe kuhaki, na vavo valitubu kuhaki. ²⁸ Avo vamleka na vavo va zambi valaangamizwe hakimo, na vale vakuvezya igaluzyo na Yahwe vakulagwe. ²⁹ Kwikulu ukuona ensoni higulya ya miti ya mialoni eyowaigoyilwa, na ulave na wova higulya ya ebustani yiyo wayisagula. ³⁰ kwi kula ukuva kate mualoni gugo emadutu gakwe gakalaga, na kate ebustani eyo yikavile na manzi. ³¹ Umntu wa nguzu akuva kate kitu kikazu, na mlimo gwakwe gukuva kate nsase; zikuvaka emoto kuhakimo, na kuduhu ninga umwi akukowola kuguzimya.''