¹ Malaika uja enadada nainyi kaghaluka na ingitukura chakundu mndu achetukurwa madionyi. ² Kangivesera, "ngikyo ukinaona? "ngaamba," ngakionaona kilehye, kya kilangaro kitobiriwa ko zanabu tiki, na kirambo uye yake. Kiode shilengaro saba uye yake na mrija umu ku kila ngaro. ³ Mbarinyi yake kuode mizeituni ivi, umu ngaliko ya kujo na ungi ngaliko ya kusomo." ⁴ Naade nga mwesera kavi malaika uja enadeda nainyi. "ngiki ishi shikeri shida, mdumi okwa?" ⁵ Nacho kangitalwa kaamba, uichi shindoshi shikerishodapo? "ngaamba, "eengaichipo mdumi okwa." ⁶ Kangivia," Iki nyikidedo kyikidedo kya Yahwe ko Zerubabeli: kikeriamba chi kuidima nama kopinyapo, Kake ko ngoo gokwa, amba Yahywe omajeshi. ⁷ Ngikyo igwe ifumbu jilehie? oshagunyi lo Zerubabeli upe ibata, nacho apesembera igho uye manyeke ko, mbora mbara kwake!" ⁸ Kidedo kya Yahwe kikangicheja ideda, ⁹ "Mokonyi ko Zerubabeli nyivikie mvokieya numbai nayo ipeimarija. Nyicho mpemamanya kee Yahwe o majeshi angiduma kwanu. ¹⁰ Nyunga alemena mfuri ya shindo shinina? vandu va vapeona igho jegheria mokonyi ko Zebabeli, navo vape vorokiwa. (shilangaro saba nyi meso va Yahwe vakinatengeta orikenyi lose) ¹¹ Nyiha ngale mwesera malaika, mizeitunii ivi iimukie ngaliko ya kumoso na kujo koikilehye kya kilangaro nyi ngikyo?" ¹² Ngalekuvesera kavi, " marambava vavi va mizeituni kufui na mirijai ivi ya zahabu iode mafuda va zahabu vakina roroka ifuma iposhi? ¹³ Nacho kangivia, " Uichishindoshi kgikyopo?" nainui ngaamba, "Wai, mndumi okwa." ¹⁴ Kaamba iva nyi vana mafunda mavishi va mzeituni vakerimaka oshangunyi lo mndumio orika lose."